Salmib 18:17 - Quiché Bible

¹⁷ Xinresaj pa qui k'ab ri c'ulel ri c'o qui cuinem, ri cäquetzelaj nu wäch xukuje' c'o na qui chuk'ab chnuwäch.

Salmib 18:17 Referans Kwoze

Salmib 142:6

Chya' la ri xiquin la che qui tatabexic ri nu rakoj chi'aj, man e c'o ta chi c'u nu chuk'ab. Chinesaj la pa qui k'ab ri in quiterenem pa wakan c'o c'u na qui chuk'ab chnuwäch in.

Salmib 35:10

Ruc' ronojel wanima' quinbij na: “¿Jachin ta ri cäjunamataj uc' la, Ajawaxel? Ri mebayib xukuje' ri c'o qui rajawaxic queto' la pa qui k'ab ri c'o na qui chuk'ab chquiwäch, ri quet'orin ri jastak quech.”

Ri Job 16:9

Ri Ajawaxel are caraj quinkaj pa u k'ab che nu t'okopixic, cubanwij in jacha' ta ne jun juyubal awaj, co quinuca'yej cuc' ri e u bak'wäch ri je ta ne in u c'ulel.

Salmib 38:19

Ri e nu c'ulel e q'ui chic; e q'ui ri man c'o ta jasche cäquetzelaj nu wäch.

Salmib 118:7

Ri Ajawaxel c'o wuc'; are' cäyo'w to'banic chwe. ¡Quinwil na aretak quech'äctaj ri cäquetzelaj nu wäch!

Salmib 25:19

Chilampe' la, e joropa' ri e nu c'ulel e c'olic ri cäquirayij nu cämisaxic.

Salmib 9:13

Ajawaxel, chel c'u'x la chwe, chilampe la ri c'ax ri quinrik cumal ri cäquetzelaj nu wäch, ¡chinesaj la chquichi' ri oquibal chupam ri cämical!

Ucab Samuel 22:18

Xinresaj pa qui k'ab ri nu c'ulel ri c'o na qui cuinem ri caquetzelaj nu wäch ri c'o na qui chuk'ab chnuwäch.

Ucab Samuel 22:1

Ri David xubixoj we bix ri' che ri Ajawaxel aretak xto'tajisax rumal ri Ajawaxel man xkaj ta pa u k'ab ri Saul xukuje' pa qui k'ab ri xquiban qui c'ulel che.

Ri Lucax 19:14

E are c'u ri e aj u tinimit ri cäquetzelaj u wäch, xequitak bic tako'n chrij che u bixic: ‘Man cäkaj taj chi we achi ri' cux kajawinel.’

Salmib 138:7

Aretak quinriktaj chupam ri sayowem, ri lal cäya' la nu c'aslemal; calic' ri cuinem la quinto'tajisaj c'u la, chuwäch ri coyowal ri e nu c'ulel.

Salmib 144:7

Yuku' la ulok ri k'ab la chicaj, chinesaj la chupam ri choalaj plo; chinesaj la pa qui k'ab ri winak ri man weta'm ta qui wäch,