Salmib 18:14 - Quiché Bible

¹⁴ Xebuq'uiak ulok ri u ch'ab xukuje' ri u caypa', xuban c'u chque ri e nu c'ulel qui tuquin quib xebanimajic.

Salmib 18:14 Referans Kwoze

Salmib 144:6

cheq'uiaka' tak ri ch'ab la, ri e caypa', bana' la chi ri e c'ulel la qui jabum quib quebanimajic.

Ri Habacuc 3:11

Ri k'ij xukuje' ri ic' man quebel ta ulok chupam ri c'olbal quib chuwäch ri c'aslicalaj quijulk'inic ri e ch'ab la xukuje' tak ri e ruc'upinic che ri tz'imaj ch'ich' la.

Ri Isaiy 30:30

Ri Ajawaxel cuban na chi cätataj ri cowilaj u ch'abal, cuc'ut na ri u cuinem ri cucoj ruc' jun xibibalalaj oyowal, e rachil tak ri e rak' k'ak' ri quebik'onic, rachil cakulja' jäb xukuje' sakbach.

Salmib 77:17

ri sutz' xquitzokopij ulok ri jäb xetataj cakulja pa ri caj, xukuje' caypa' pa ronojel c'olbal.

Ri Job 6:4

Ri c'o ronojel u cuinem e u t'isom tak ri e ch'ab chwe, ri e qui k'inob quejuch'uch'ilab pa tak ri nu cuerp, ri Dios in u nojisam che xe'n tak ib cumal tak ri c'ax ri e u banom chwe.

Ri Josue 10:10

Ri Ajawaxel xubano chi sibalaj xquixe'j quib chquiwäch ri aj israelib jeri' ri Josue sibalaj e q'ui ri xebucämisaj pa Gabaon. Xutakej c'u qui cämisaxic pa ri be ri cabe pa Bet-horon, xutakej c'u qui cämisaxic ri aj amoreyib c'ä pa Azec xukuje' Mased.

U Camulixic ri Pixab 32:42

Quebenmuba' na ri nu ch'ab chupam ri quic', ri nu ch'ich' re ch'o'j cuq'uis na tzij paquiwi'; ¡qui quiq'uel socotajinak xukuje' quech ri quech'äctajic! ¡quech c'amal tak be ri e c'ulel, ri nimak tak qui wi'!’

U Camulixic ri Pixab 32:23

Paquiwi' quebenq'uiak wi na conojel ri etzelal, conojel ri nu ch'ab quebenq'uiak na chquij;

Ajilanic 24:8

Ri Dios, ri xebesan ulok pa Ejipt, are je chque e are' ri cux che ri juyubal wacax ri e ruc'a'. Ri Israel quebubik' na tak ri e nimak tak tinimit c'ulel; quebuk'ajisaj tak na ri e u bakil, quebusoc c'u na cuc' tak ri e u ch'ab.

Salmib 21:12

Quebokataj c'u na la bic; queq'uiak na la rumal ri q'uiakbal ch'ab la.

Ri Job 38:35

We catak ri cakulja' chi cabe pa jun c'olbal, ¿la cubij puch chawe: ‘In c'olic ri', chinataka'?’

Nabe Samuel 2:10

Ri Ajawaxel cuban na ch'akatak chque ri quec'ulelan che, pa ri caj quebutak wi ulok cakulja paquiwi'. Ri Ajawaxel cuk'at na tzij puwi' ronojel ri uwächulew; cuya' na cuinem pu k'ab ri ajawinel ri u cha'om, cuban c'u na chi cäq'uiy ri u cuinem.”

Ri Job 37:4

Xtaxtax c'u jun tininem, aretak cach'aw ri u ch'abal ri sibalaj nim u banic aretak c'ut catataj ri cakulja', ri caypa' man quetani'taj.

Ri Job 37:5

Aretak ri Dios cach'aw ri u ch'abal, quebantaj mayibal; quec'ulmataj mayibal ri man c'o ta jun cacuin ta che qui ch'obic.

Salmib 29:3

Ri u ch'abal ri Ajawaxel cäxojlin puwi' ri plo; ri Dios ri nim u k'ij are cäbanow ri cakulja: ¡ri Ajawaxel c'o puwi' ri nimalaj plo!

Salmib 29:7

Ri u ch'abal ri Ajawaxel quebuq'uiak rak' tak k'ak';

Salmib 77:18

Xetataj ri cakulja la pa ri salc'um; xsakar ri uwächulew cumal tak ri caypa' la, ri uwächulew xyicop cumal tak cabrakan.

Ri Joel 2:11

Ri Ajawaxel, cänabej chquiwäch ri rajch'ojab cubano chi cätataj ri u ch'abal jacha' cakulja. Ri rajch'ojab man quebajilataj taj, ri queniman che ri u banic tak ri e u takanic. ¡Sibalaj nim xukuje' xibibal ri u k'ij ri Ajawaxel! Man c'o ta jachin ta cacoch'owic.