Salmib 18:13 - Quiché Bible

¹³ Ri Ajawaxel, ri c'o pa ri caj, xubano chi xtataj ri u ch'abal re cakulja chicaj, sakbach tak xukuje' rachak tak k'ak' ri quejuluwic.

Salmib 18:13 Referans Kwoze

Salmib 104:7

Xyaj c'u la, xbe c'ut; aninak xanimajic aretak xuta' ri ch'abal la jacha' ri cakulja.

Nabe Samuel 7:10

Aretak ri Samuel cätajin cuchi'j ri tabal tok'ob ri cächajirisaxic, ri aj pilisteyib xepe chquij ri aj israelib che qui cämisaxic; ri Ajawaxel xutak ulok jun nimalaj cakulja paquiwi' xquixe'j c'u quib, rumal c'u wa' xech'äc cumal ri aj israelib.

Salmib 140:10

Chekaj rachak k'ak' paquiwi' ri quekakatic; cheq'uiak pa tak jul jawije' ri man quebel ta chi wi ulok.

Apocalipsis 19:6

Xukuje' xinta' jun ch'abal, je ta ne qui ch'abal q'ui winak, je ta ne qui chojojem q'uialaj tak ja' xukuje' ri cok'ebal cowilaj tak cakulja, ri xubij: “¡Chnimarisax u k'ij ri Ajawaxel!, rumal rech chi ri Ajawaxel ri ka Dios ri c'o ronojel cuinem ruc', cätakan puwi' ronojel.

Apocalipsis 8:5

Ri tako'n aj caj xuc'am ri bukibal, xunojisaj che k'ak' re ri porobal, xuq'uiak puwi' ri uwächulew. Xuban cakulja, jininem, caypa' xukuje' cabrakan.

Apocalipsis 4:5

Quebel ulok caypa', ch'abal, xukuje' cakulja pa ri tem re ajawibal. Quenicow c'u wukub chaj chuwäch ri tem. E are' c'u wa' ri wukub ruxlabal ri Dios.

Ri Xuan 12:29

Ri q'ui winak ri e c'o chila', aretak xquito, xquibij chi xuban cakulja. Niq'uiaj chic xquibij: “jun tako'n aj caj xtzijon ruc'.”

Ri Habacuc 3:5

Chuwäch ri are' quebopan wi ri cämisanelalaj tak yabil, chrij c'ut ri nimalaj k'ak' lak'apunel.

Ri Ezequiel 10:5

Ri jininem ri caquiban ri qui xic' ri aj cajalaj tak to'banelab cätataj c'ä cho ri ucab uwo ja. Je ta ne chi are' ta ri Dios ri c'o ronojel u cuinem cätajin ta cach'awic.

Salmib 78:48

Ri e qui wacax xukuje' ri e qui chij xecäm can chuxe' ri sakbach xukuje' ri cakulja.

Ri Job 40:9

¿La xa pa u sibalaj at co jacha' ri in? ¿La cakulja ri a ch'abal, jacha' ri wech in?

U Camulixic ri Pixab 32:24

xa wi'jal quecämisan na xukuje' nimalaj k'ak'; jun c'ayilaj yabil cämisanel; casachow na qui wäch quebentak na ulok juyubal tak awaj chquij, xukuje' cämisanel tak cumätz.

Elem 20:18

Conojel ri aj israelib kas xquinabej ri cakulja, xukuje' ri caypa', ri cok'ibal trompet xukuje' ri juyub ri mukutal pa ri sib; xebirbobic, naj xequiya' wi quib.

Elem 9:24

ri sakbach xukuje' ri k'ak' man xetani ta jubik'. Mawi jumul kajinak ta jun nimalaj sakbach jewa' pa Ejipt.

Ri Josue 10:11

Aretak xekaj bic ri aj amoreyib pa ri xuluxic ri c'o pa Bet-horon, aretak cätajin quebanimaj chquiwäch ri aj israelib ri Ajawaxel xebutzokopij ulok nimak tak abaj re sakbach paquiwi' e q'ui c'u na ri aj amoreyib ri xequicämisaj chuwäch ri qui ch'ich' re ch'o'j ri aj israelib.

Salmib 11:6

Ri Ajawaxel cujabij na paquiwi' ri e banal tak lawaloyil rachak k'ak', k'ak' xukuje' asubre, cuc'am na ulok jun quiakik' ri cuporoj ronojel. ¡Ri Ajawaxel cuya' na ri takal chque!