Salmib 18:11 - Quiché Bible

¹¹ Ri nimalaj k'ekumal ri sutininak rij xucoj che c'ubal rib xukuje' ri k'ekalaj sutz' ri nojinak che ja'.

Salmib 18:11 Referans Kwoze

Salmib 97:2

Sutim rij rumal jun tzatzalaj sutz'; ri suq'uil xukuje' ri takal u banic are' e tok'eninak ri u tem re ajawibal;

U Camulixic ri Pixab 4:11

Ix xixkeb chuxe' ri juyub, ri quebel wi rak' tak k'ak' ri sibalaj naj quebel chicaj, ri xebux jun tzatzalaj k'ekalaj sutz'.

Ri Joel 2:2

k'ij re k'ekumalil xukuje' raxc'anac'ojil, k'ij que tak sutz'al xukuje' tak mujal. Juk'at banal tak ch'o'j ri sibalaj quebuchuwic qui cholajim quib paquiwi' tak ri juyub jacha' ri sakil re ri u sakaric. Mawi jubik' ilom, mawi quil chi na, man c'o ta jas ri quejunamataj ta wi.

Salmib 91:1

Ri cajeki' chuxe' ri to'banelalaj u mu'jal ri c'o chicaj, ri c'o ronojel u cuinem,

Salmib 81:7

Xinasiq'uij aretak at c'o pa bis, xatinto' c'ut; xatinch'abej ulok pa ri sutz' ri cätililic; xatinc'ambejej chuchi' ri ja' re Merib.

Salmib 27:5

Aretak chepe ri lawalolaj tak k'ij, ri Ajawaxel quinuch'uk ruc' ri u mu'jal, quinuto' pa ri rachoch; quinuya' puwi jun nimalaj abaj che u to'ic wib.

Salmib 104:3

¡Co xjekba' la ri rakan tak ri achoch la puwi' ri ja', chila' chicaj! Caban carwaj la chque ri sutz'; ¡cäbin la puwi' ri u xic' ri quiakik'!

Ri Ezequiel 10:18

Xwalij c'ut ri u juluwem ri Ajawaxel puwi' ri rachoch xuya' c'u rib paquiwi' ri aj cajalaj tak to'banelab ri e c'o qui xic'.