5 Jicom in bininak pa tak ri be la; mawi jumul e nu tzakom ta canok.
Man ka chomam ta chi cäkaxutuj ta la canok mawi ka yo'm ta can ri be la.
Chc'ama' la nu be je jas ri cubij ri tzij la; maya' la be chi quinkajbex rumal ri etzelal.
Ri Ajawaxel catuch'uk na rech man catkaj ta pa u k'ab apachique c'axc'olil; ri are' cuchajij ri a c'aslemal.
Mawi jubik' cuya' chi catjiljobic. Mawi jubik' cäwar ta na ri catchajinic.
Xuwi quintz'onoj chi mäquitze'j nu wäch; mäquibixoj ch'äcanic chwij aretak quintzakic.
E pacom la ri nu be, rumal ri' man e jiljobinak ta ri wakan.
Aretak c'o jumul xinbij: “Ri wakan quejiljobic”, ri lok'ok'ebal c'u'x la, Ajawaxel, xpe che nu to'ic.
Ri Are' cuchajij ri qui be ri e jic, are c'u ri itzel tak winak quecäm pa ri k'ekumalil, man c'o ta c'u jun cäch'äcan rumal ri u chuk'ab.
Ajawaxel, weta'm chi ri winak man pa u k'ab taj c'o wi ri u c'aslemal, chi man c'o ta u takanic puwi' ri u binem.
In amak'el in takeninak man nu jech'obisam ta wib che ri u be ri u c'utum chnuwäch.
Xebenwokataj ri e nu c'ulel, xebenrika', c'äte xintzelejic aretak xq'uis u sachic qui wäch.