Salmib 16:7 - Quiché Bible

⁷ Quinya' u k'ij ri Ajawaxel rumal chi are' c'amal nu be, cupixbej ri wanima' chak'ab.

Salmib 16:7 Referans Kwoze

Salmib 73:24

c'amom la nu be cuc' tak ri pixbenic la, chuq'uisbalil quinc'ulaj na la ruc' quicotemal.

Ri Isaiy 50:4

Ri Ajawaxel u yo'm nu no'j rech quincu'bisaj qui c'u'x ri e cosinak cuc' tak tzij re chajin anima'aj. Conojel ak'abil cuban chwe chi quineyenic rech quintataben ruc' ch'uch'ujil.

Salmib 77:6

cänataj chwe aretak quinbixon chak'ab. Quinchoman pa wanima', quinc'ot c'u na nu chi':

Salmib 17:3

Oquinak la chupam ri nu chomanic; chak'ab lal petinak che nu c'ac'alexic; in c'ambejem la ruc' k'ak', man c'o ta c'u etzelal rikom ta la pa nu c'aslemal. Man e nu bim ta jastak ri man ya'tal ta qui bixic,

Salmib 63:6

Chak'ab tak, aretak in k'oyol chic, cänataj la chwe quinchoman c'u che la;

Salmib 42:8

Pa k'ij ri Ajawaxel cutak ulok ri lok'ok'ebal u c'u'x chwe, chak'ab man catani ta ri nu bix mawi ri nu ch'awem ruc' ri Dios ri ajchak'e ri nu c'aslemal.

Ri Isaiy 48:17

Jewa' cubij ri Ajawaxel, ri torol awech, ri Tastalicalaj u Dios ri Israel: “In ri Ajawaxel ri a Dios ri quinc'ut chawäch jachique ri utz chawe, in quinc'am a be pa ri be ri rajawaxic catakej.

Ri Isaiy 26:9

Ruc' ronojel ri wanima' quinbik'bit che la chak'ab kas pa ri wanima' q'uiyinak wi ulok ri rayinic che tzucuxic la. Aretak cak'at la tzij puwi' ri uwächulew ri achijab cäquetamaj na jas ri suq'uil.

E C'ambal tak Tzij 8:14

Wuc' in e c'o wi ri chomanic xukuje' ri u tz'akatisaxic in ri utzalaj chomanic xukuje' ri chuk'ab.

Salmib 119:55

Ajawaxel, aretak coc ak'ab cänataj la chwe; ¡quinwaj quinoc che qui nimaxic ri tijonic la!

Ri Jeremiy 17:10

In, ri Ajawaxel, ri quinnic'oj ri anima'aj weta'm c'ut ri c'o c'ä chupam, quinya' c'u chque chi chquijujunal ri takalic, e je jas ri e u banoj.”

Ri Lucax 6:12

Pa tak ri k'ij ri', ri Jesus xubana' ch'awem ruc' Dios pa ri juyub. Xroc'owisaj ri chak'abil pa ch'awem ruc' Dios.

Apocalipsis 2:23

Quebencämisaj na ri e ral. Conojel c'u ri e comon cojonelab cäquich'ob na chi in ri' ri weta'm ronojel ri c'o pa ri qui chomanic xukuje' pa ri canima'. Quinya' c'u na chiwe chijujunal ri tojbal jacha' ri u cholajil ri e i chac.

Salmib 119:7

Quink'ijilan na che la ruc' ronojel wanima' ri man xak cawäch aretak e wetamam chic ri e suc'alaj tak pixab ri e tz'ibam.

Salmib 119:148

C'ämajok choc ri ak'ab ri e nu bak'wäch e c'asc'atinak chi apanok che u chomaxic ri chi'nic la.

Salmib 77:2

Ri k'ij aretak quinbisonic, quintzucuj ri Ajawaxel, amak'el c'ut quebenyac ri e nu k'ab pa ri u banic ch'awem ruc' Dios pa tak ri chak'ab. Ri nu c'aslibal man curik ta cu'lbal c'uxaj.

Salmib 22:2

Nu Dios, pa k'ij xukuje' chak'ab quinsiq'uin che la, man c'o ta c'u catzelej la u bixic; man c'o ta uxlanem nu rikom.

Ri Jeremiy 12:2

Lal xelic la caquitzokopij c'ut ri qui ra'b pa ri ulew, queq'uiyic, caquiya' c'ut wächinic. Che ri qui chi' nakaj lal c'o wi chque are c'u ri che ri canima' naj e c'o wi che la.

Salmib 73:21

Ri in xinnoj che c'ayil, xinna' nimalaj k'oxom pa ri wanima',