Biblia Todo Logo
Bib sou entènèt

- Piblisite -




Salmib 16:5 - Quiché Bible

5 Lal Ajawaxel, lal ri lal ronojel chwe; quinnojisaj la che tewichibal, ri nu c'aslemal pa k'ab la c'o wi.

Gade chapit la Kopi




Salmib 16:5
28 Referans Kwoze  

Ronojel ri nu cuerp cämem cubano, ri Dios c'ut are' junalic wechbal are' cäyo'w u chuk'ab ri wanima'.


Che la Ajawaxel quintz'onoj wi tok'ob, quinbij c'u che la: “Lal ri' ri nu panibal; lal ronojel ri c'o wuc' pa we c'aslemal ri'.”


Quinbij c'u chwe chbil wib: ¡Ri Ajawaxel are' ronojel chwe in; rumal ri' chrij are' quinjiquiba' wi nu c'u'x!


Suc'umam la jun ula'bal chwe chquiwäch ri e nu c'ulel; jamim la c'oc'al pa nu jolom, chemowisan la ri wuq'uiabal.


Lal ri wechbal, Ajawaxel, lal ronojel ri c'o wuc'; nu chi'm qui nimaxic tak ri e tzij la.


ri rechbal ri Ajawaxel, ri winak ri e rech, are ri u tinimit ri Jacob.


“Quinban na chi ri e awija'lil quebajawin na amak'el chupam ri a c'olbal.”


¡Nim ri u jalbem rib ri u Dios ri Jacob, xuban ronojel ri c'olic! Ri are' xucha' ri Israel jacha' che rechbal. Ri Ajawaxel ri c'o ronojel u cuinem are wa' ri u bi'.


Rumal ri' ri Dios cuya' na jun u c'olbal chquixo'l ri nimak qui k'ij, cuc' c'ut ri c'o qui chuk'ab cuc'am na rech ri ch'äcanic. Rumal rech chi xujach rib pa ri cämical, xya' c'u chquixo'l ri itzel tak winak, kas c'u tzij xrekaj ri qui mac e q'ui winak xukuje' xbochi'n paquiwi' ri ajmaquib.


Quinwalijisaj na ri kumubal re ri colobal ib quinnataj c'u na ri u bi'.


Ri lal, lal jun suc'alaj k'atal tzij: lal t'uyul puwi' ri tem la re ajawibal, che u banic suq'uilal panuwi'.


Xnimarisax c'ut u k'ij we Jesus ri' rumal ri Dios, xut'uyuba' pa ri u wiquiak'ab, xucoj c'u che C'amal Be xukuje' Colonel. Jeri' xuya' chque ri aj Israel chi cäquiq'uex qui c'u'x, xuya' chque chi cäsachtaj qui mac.


Pa ri u bi', ri Ajawaxel co xutiq'uiba' che ri David jun chi'nic ri kas cäban na, jun chi'nic wa' ri man c'o ta u q'uextajic:


“Nu tasom chic ri wajawinel puwi' ri Sion, ri tastalicalaj nu juyub.”


Rajawaxic cätakan na ri are' puwi' ronojel, c'ä quebuya' na conojel ri u c'ulel chuxe' ri rakan.


Ri itzel k'atan tzij man amak'el tak cätakan cho ri ulew ri u yo'm ri Dios che ri u tinimit, muchaplej c'u ne' ri u tinimit u banic ri etzelal.


Ri Ajawaxel cujabij na paquiwi' ri e banal tak lawaloyil rachak k'ak', k'ak' xukuje' asubre, cuc'am na ulok jun quiakik' ri cuporoj ronojel. ¡Ri Ajawaxel cuya' na ri takal chque!


Mixk'abaric. Chupam c'u wa' c'o c'axc'olil. Xane' chnojisax ri iwanima' che ri Ruxlabal ri Dios.


“Waral c'o wi ri nu pataninel, ri quinya' ri nu to'banic che ri nu cha'om, ri quinquicot ruc'. Nu yo'm ri wuxlabal pa ranima' rech cuc'am ulok ri suq'uil chque conojel ri nimak tak tinimit.


We Jesus ri' xc'astajisax rumal ri Dios. Konojel c'u uj xkilo chi xc'astajic.


Man c'o ta echbal cäquic'amo jacha' ri niq'uiaj qui winakil chic, are c'u quechbal ri Ajawaxel jacha' ri u bim.


Ri Ajawaxel u cojom ri Jordan che ka tasic chiwe, ix ri ix aj camak' ri Ruben xukuje' ri Gad. Ri ix man c'o ta jas iwe che ri Ajawaxel.’ Jeri' ri e i c'ojol ix caquiban na chi ri e ka c'ojol casach ri u k'ijilaxic ri Ajawaxel pa qui jolom.


xane' chi cacanaj che jun k'alajisanel chakaxo'l ka cabichal, xukuje' chquixo'l tak ri kija'lil, chi ya'tal u k'ijilaxic ri Ajawaxel kumal quekatac'aba' tak c'u na kib chuwäch e kuc'am tak ri ka tabal tok'ob ri cächajirisaxic xukuje' tak ri e ka tabal tak tok'ob rumal ri macaj xukuje' ri re utzirisan ib. Jeri' ri e iwija'lil man cuya' ta caquibij ta chque ri kija'lil: ‘Ri ix man c'o ta iwe che ri Ajawaxel.’


Swiv nou:

Piblisite


Piblisite