Salmib 16:4 - Quiché Bible

⁴ Are c'u ri cäquiterenej diosib caquirik na sibalaj c'ax. ¡Are c'u ri in mawi jumul quinjunaj ta wib cuc' che quicojic ri quiq'uelalaj tak qui tabal tok'ob! ¡Mawi jumul quenatax ta ri e qui bi' cumal ri e nu chi'!

Salmib 16:4 Referans Kwoze

Elem 23:13

Chibana' ronojel ri nu bim chiwe, mawi c'u jumul mätatajic chi quel ulok pa i chi' ri qui bi' ri jule' tak diosib chic.”

Ri Josue 23:7

Man quiyuj ta iwib cuc' ri jule' tak winak chic ri c'ä e jekel waral chixo'l. Man quebik'ijilaj ta ri e qui diosib, mawi mebinimaj mawi ne mebinataj man quebinataj ta ri qui bi' tak we diosib ri', mawi miban jun chi'nic ri kas cäban na pa ri qui bi'.

Salmib 97:7

Quemach'irisax canok ri quequik'ijilaj tak diosib, ri caquina' quib chi nimak qui banic cumal. ¡Conojel ri diosib caquipachba' quib chuwäch!

Salmib 32:10

Ri e banal tak etzelal cäquirik na k'oxomal, are c'u ri lok'ok'ebal u c'u'x ri Ajawaxel quebupis na ri caquicu'ba' qui c'u'x chrij.

Ri Jonas 2:8

Ri quequiterenej ri e diosib man e jic ta chic che la,

Ri Isaiy 57:6

“Israel, ri at cäkaj chawäch ri qui k'ijilaxic tak ri pilim tak abaj ri e c'o pa ri nima', a tzucum c'u jun c'olbal chawe chila'. Paquiwi' c'u tak ri abaj ajamim wi u wa'l uva che sipanic, xukuje' e a chi'm c'äj paquiwi'. Aretak cäbantaj ronojel wa' awumal ¿la quinquicot ta c'u lo in?

Ri Jeremiy 7:18

Ri alabom caquimol ri si', ri tataxelab caquitzij ri k'ak', ri ixokib caquisuc'umaj ri k'or che qui banic tak ri lej ri caquichi'j c'u che ri ixok dios ri cäbinax ajawinel ixok re ri caj che cumal. Quinquic'axc'obisaj, quequichi'j c'u ne u wa'l uva chque tak diosib.

Ri Isaiy 66:3

E c'o c'u jujun ri cäquipil jun ama' wacax, xukuje' cäquicämisaj c'u jun achi; cäquitok' u kul jun chij, xukuje' cäquik'ajisaj rij u wi' jun tz'i'; quequichi'j c'äj xukuje' ri u quiq'uel jun ak cäquiporoj c'oc' k'ol cäquik'ijilaj c'u jun dios. Chque ri xequicha' qui banic we itzel tak nak'atisabal ri', cäkaj ri qui banic ronojel wa' chquiwäch.

Ri Isaiy 65:11

Are c'u ri ix ri quitas iwib chrij ri Ajawaxel, ri man cänataj ta ri tastalicalaj nu juyub chiwe, ri quebiya' wa ja' xukuje' u wa'l uva chuwäch ri Gad xukuje' ri Meni ri e qui diosib ri k'inomal,

Aj Levitib 23:13

Quic'am na ulok xukuje' lajuj libra c'oc'alaj c'äj, yok'om aseit ruc', sipanic wa' ri cäc'oc'atic ri cäporox chuwäch ri Ajawaxel, cärachilaj jun litro u wa'l uva ri cäjamix puwi'.

Chapletajic 35:14

ri Jacob xuc'am jun abaj xutac'aba' jacha' jun akan pa ri c'olbal jawije' xtzijobex wi rumal ri Dios, xutas c'ut, xuk'ij u wa'l uva xukuje' aseit puwi' ri abaj,