Salmib 16:11 - Quiché Bible

¹¹ Cäc'ut la ri be re c'aslemal chnuwäch. C'o nimalaj quicotemal uc' la; c'o junalic utzil chnakaj la.

Salmib 16:11 Referans Kwoze

Hechos 2:28

Xintijoj la che ri be re c'aslemal, quinnojisaj na la che quicotemal, rumal ri c'olem la wuc'.’

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.

Efesios 3:19

Quintz'onoj che ri Dios chi quiwetamaj ri lok'ok'ebal u c'u'x ri Crist, ri coc'ow na chuwäch apachique etamabal, rech cänojisax ri iwanima' che ri Dios.

E C'ambal tak Tzij 4:18

Ri qui be ri suc'alaj tak winak junam ruc' ri u sakaribal jun c'ac' k'ij: ri cäbe u q'uiyic c'ä cäjuluw na pa ronojel ri u juluwem.

Salmib 17:15

Are c'u ri in, kastzij cäcu'bi nu c'u'x ruc' ri rilic rib ka wäch uc' la, ¡ruc' ri nu c'olem chwäch la aretak chinc'astajic!

Ri Matey 7:14

Latz' c'u u wäch ri oquibal, xukuje' alaj u wäch ri be ri quec'aman bic pa ri c'aslemal. Man e q'ui ta c'ut ri querikowic.”

Ri Isaiy 2:3

e q'uia tinimit winak quebopanic, cäquibij na: “Tisaj, chujpakal cho ri u juyub ri Ajawaxel, ri rachoch ri u Dios ri Jacob, rech are' quec'utuw tak ri u be chkawäch, cujcuin c'u che binem pa ri alaj tak u be.” Pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij.

2 Corintios 4:17

Ri c'axc'olil ri cäkarik waral man al taj, ri xak oc'owel, cuban chke chi cäkarik na jun junalic juluwem ri sibalaj nim u banic, ri sibalaj c'o na chuwäch ri c'axc'olil.

Ri Matey 5:8

Utz que ri ch'ajch'oj canima', cäquil c'u na u wäch ri Dios.

Apocalipsis 22:5

Man c'o ta chi chak'ab. Man cajwataj ta chic ri u sakil ri chäj chque, mawi ri u sakil ri k'ij rumal rech chi ri Ajawaxel Dios cäjuluw na paquiwi', ri e are' quebajawin na amak'el chbe k'ij sak.

1 Pedro 3:22

Ri benak pa ri caj, c'o pa ri u wiquiak'ab ri Dios. Conojel c'u ri e tako'n aj caj, conojel ri c'o qui takanic, xukuje' conojel ri c'o qui cuinem e yo'm chi chuxe' ri u takanic ri Jesucrist.

Romanos 8:11

Ri Dios xuc'astajisaj ri Jesus chquixo'l ri cäminakib. We ri Ruxlabal ri Dios ri c'o pa ri iwanima', ri xc'astajisan ri Jesus chquixo'l ri cäminakib cuya' na qui c'aslemal ri i cuerp ri cäcämic, rumal ri Uxlabaxel re ri c'o pa ri iwanima'.

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.

1 Corintios 13:12

Camic je ta ne cujca'y pa jun ilbal ib ri man kas ta k'alaj. Cäpe c'u na ri k'ij aretak kas quel na ronojel chi sak chkawäch. Camic weta'm jubik', c'äte c'u kas quinwetamaj na ronojel, jas ri retamaxic nu wäch rumal ri Dios.

E C'ambal tak Tzij 12:28

Ri be re ri suq'uilal cäc'aman bic pa ri c'aslemal; ri re ri conil cäc'aman bic pa ri cämical.

Marcos 16:19

Ri Ajawaxel Jesus, aretak xuq'uis qui tzijobexic ri e u tijoxelab, xc'am xpaki' chicaj, xet'uyul pa ri riquiak'ab ri Dios.

Ri Matey 25:33

Quebuya' na ri chij pa ri riquiak'ab. Are c'u ri q'uisic' quebuya' na pa ri u mox k'ab.

Salmib 139:24

chila la we in benak chupam ri be re etzelal, c'ama' c'u la nu be chupam ri junalic be.

1 Pedro 1:21

Rumal ri Crist ri ix xixcojon che ri Dios, ri xuc'astajisaj ri Crist chquixo'l ri cäminakib xukuje' xunimarisaj u k'ij, rech quixcojon che ri Dios xukuje' quicu'ba' i c'u'x chrij.

Ri Matey 25:46

Quebe c'u na wa' pa ri junalic c'äjisabal wäch. Are c'u ri e suc' quebe na pa ri junalic c'aslemal.”

E C'ambal tak Tzij 2:19

ri queboc pa ri rachoch man quetzelej ta chic, mawi jubik' quebin chic pa ri be re ri c'aslemal.

E C'ambal tak Tzij 5:6

Che we ixok ri' man c'o ta cupatanij ri be re c'aslemal, man coc ta il che u ch'obic chi man utz taj ri be ri u takem.

Hechos 7:56

Xubij: “¡Chilampe' alak! Quebenwil ri caj e jakajoj, quinwil ri Rija'l Winak, c'o pa ri u wiquiak'ab ri Dios.”

Salmib 4:8

In quink'oyi' pa jamaril chanim c'ut cäc'amtaj nu waram, lal c'ut Ajawaxel, caban la chwe chi quinjeki' pa cu'bisan c'uxaj.

Salmib 68:4

Chixbixon ix che ri Dios, chebibixoj bix che ri u bi'; chiya' u k'ij ri cäquiejen paquiwi' tak ri sutz'. ¡Chixquicot ruc' ri Ajawaxel! ¡Chixquicot chuwäch!