Salmib 147:13 - Quiché Bible

¹³ Xebucowirisaj c'u ri e u laweyil tak ri awoquibal, xebutewichi'j c'ut ri e a c'ojol chupam ri tinimit.

Salmib 147:13 Referans Kwoze

Salmib 144:12

Ri e ka c'ojol queq'uiyic jacha' jujun tico'n chupam jun ticonijibal; ri e ka mia'l e je ta ne rakan tak ja ri banom quetz'balil ri quetok'en ri u wi' ri rachoch Dios.

Salmib 125:2

Jacha' ri juyub quisutim rij ri Jerusalen, ri Ajawaxel u sutim rij ri u tinimit camic xukuje' amak'el.

Ri Nehemiy 12:30

Xequich'ajch'ojirisaj c'u quib ri e cojol tabal tok'ob xukuje' ri aj levitib. Xquich'ajch'ojisaj c'ut ri tinimit xukuje' tak ri oquibal re ri tinimit xukuje' ri nimalaj tapia.

Ri Nehemiy 7:1

Aretak xbantaj u yaquic ri nimalaj tapia xecoj taj c'ut ri e u tz'apibal, xecoj taj ri chajil tak oquibal, bixonelab xukuje' aj levitib.

Juyuwem 4:12

Mawi jubik' xquicoj tak ri ajawinelab re ri uwächulew, conojel ri quebajawin cho ri uwächulew, chi ri c'ulel ri banal c'ulelanic, coc ta na pa tak ri e rok'ibal ri Jerusalen.

Salmib 51:18

Chbana' la utz che ri Sion, ruc' ri rayibal la; cheyaca' chi la jumul ri e nimak tak u tapia ri Jerusalen.

Ri Nehemiy 7:3

Xinbij chque chi c'äte quejak tak ri e roquibal re ri Jerusalen aretak sibalaj naj chic c'o ri k'ij, quetz'apixic utz qui c'opixic quebanic quecanaj c'ut ri e chajil tak quech pa ri qui c'olbal. Xukuje' xebencoj chajinelab aj Jerusalen, rech quechajinalobic, jujun pa tak ri qui c'olbal, jujun chic chuwäch ri kas cachoch.

Ri Nehemiy 6:1

Ri Sanbalat, ri Tobiy, ri Jesem ri aj arab xukuje' ri niq'uiaj chic ri qui banom qui c'ulel chke, aretak xquetamaj chi xbantaj u yaquic ri nimalaj tapia wumal man c'o ta c'u jun ch'akap ri nu yo'm ta canok ri ma ta nu banom u yaquic (pune' c'u ne maja' quebencoj tak ri tz'apibal pa ri qui c'olbal),

Ri Daniel 9:25

Rajawaxic cawetamaj xukuje' cach'ob wa': Kas pa ri jok'otaj ri cäya' takanic che u banic xukuje' ri u yaquic chi jumul ri Jerusalen, c'ä pa ri ropanic ri Ajawinel ri u cha'om queboc'ow na wukub (7) wukutak k'ij e are c'u ri be xo'l tak ri ja pa ri tinimit xukuje' tak ri e u tapia ri e c'o chquij ri e yacom chi jumul pa Jerusalen quebeytaj na oxc'al quieb (62) wukutak k'ij, sibalaj c'u e re rikoj tak c'ax we k'ijol ri'.

Ri Jeremiy 33:10

Cächa ri Ajawaxel: “Quixcha' ix chi tolon we c'olbal jamalic chi man e c'o ta winak chupam mawi awaj; chi ri u xo'l tak ja re ri Jerusalen xukuje' ri quech tak ri tinimit tak e aj Juda e tolonic; chi man c'o ta jachin jun, mawi winak mawi awaj, e jekel ta chila'. Pune' c'u je cabij wa',

Ri Jeremiy 33:11

waral quetataj chi na ri e tak bix quech tak nimak'ij xukuje' quicotemal, xukuje' ri qui bix tak ri caquibochi'j tak quib, cätataj c'u na u bixic: ‘Chiya' maltioxinic che ri Ajawaxel Dios ri c'o ronojel u cuinem, rumal rech chi utz ri Ajawaxel, junalic c'ut ri u lok'ok'ebal c'uxaj.’ Quequic'am c'u na ulok tak sipanic re maltioxinic chupam ri wachoch. Je quinq'uex na ri cutaklebej we ulew ri', rech je cux chi na jacha' pa ri chaplebal. In, ri Ajawaxel quinjiquiba' u bixic.”