Salmib 146:8 - Quiché Bible

⁸ ri Ajawaxel cutzelej chi jumul ri qui bak'wäch ri moyab; ri Ajawaxel quebuwalijisaj ri e tzakinak; ri Ajawaxel quebulok'ok'ej ri winak ri e tz'akatisanelab pa ronojel;

Salmib 146:8 Referans Kwoze

Salmib 11:7

Suc' ri Ajawaxel culok'ok'ej c'ut ri suq'uilal; ¡Rumal ri' caquil na ri u palaj ri suc'alaj tak winak!

Salmib 145:14

Ri Ajawaxel quebutok'ej ri quetzaklobic, quebuwalijisaj ri quetukaric.

Ri Matey 9:30

Xejaktaj c'u ri qui bak'wäch. Ri Jesus sibalaj xebupixbej, xubij: “Chiwila', c'o jun metamanic.”

Hechos 26:18

rech quebajak ri qui bak'wäch; rech quebel pa ri k'ek'um, quek'ax pa ri sakil; rech quebel chuxe' ri u cuinem ri Satanas, quek'ax ruc' ri Dios; rech cäquic'am jun quechbal cuc' ri banom tastalic tak winak chque rumal cojonic chwe in.’ ”

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

Efesios 1:18

Quintz'onoj che ri Dios chi cuya' ri i chomanic pa sak, rech kas quiwetamaj jachique ri cu'lbal c'uxaj re ri i siq'uixic rumal, xukuje' quiwetamaj ri u k'inomal ri u juluwem ri echbal ri cuya' chque ri winak ri e rech ri Dios,

2 Corintios 7:6

Are' c'u ri Dios ri cucu'bisaj qui c'u'x ri sachinak qui c'u'x, xucu'bisaj ka c'u'x ruc' ri ropanem ri Tit.

Ri Xuan 16:27

kas are' c'u ri Tataxel quixulok'ok'ej, rumal rech chi inilok'ok'em i cojom c'ut chi xinel ulok ruc' ri Dios.

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.

Ri Isaiy 35:5

Queca'y c'u na ri moyab, quetan c'u na ri t'oyab;

Ri Isaiy 42:16

Quebenc'am na bic ri moyab pa tak be xukuje' pa alaj tak be ri man quetamam taj. Quinq'uex na ri k'eku'm pa sakil chquiwäch ri e are', ri ch'ucuch'ak tak juyub quinjalwächij na pa lianic tak ulew. We jastak ri' kas quebenban na.

Salmib 147:6

Ri Ajawaxel cuya' qui k'ij ri e mach'amoj, quebuxucule'j c'ut ri e banal tak etzelal cho ri ulew.

U Camulixic ri Pixab 33:3

Ri Ajawaxel culok'ok'ej ri u tinimit, quebuchajij ri cäquijach quib pa u k'ab; ri e are' cäquimej quib xe' rakan u k'ab quequic'am tak ri e u takanic.

Ri Isaiy 42:18

“T'oyab, ri man quita' taj, chixtatabenok; moyab, ri man quixca'y taj, chixca'y c'ut.