Salmib 146:6 - Quiché Bible

⁶ Are' xbanow ri caj, ri ulew, ri plo, xukuje' conojel ri e c'o chquipam. Ri are' amak'el u jekebam ri u tzij.

Salmib 146:6 Referans Kwoze

Apocalipsis 14:7

Xubij ruc' chuk'ab: “Chixe'j iwib chuwäch ri Dios. Chinimarisaj u k'ij, rumal rech chi xopan ri jok'otaj aretak cuk'at tzij. Chik'ijilaj ba ri xbanow ri caj, ri ulew, ri plo xukuje' ri e u q'uiyibal tak ja'.”

Salmib 100:5

Utz c'ut ri Ajawaxel; ri u lok'ok'ebal c'u'x junalic, ri u jiquil man c'o ta u q'uisic.

Elem 20:11

Rumal rech chi wakib k'ij xucoj ri Ajawaxel che u banic ri caj, ri ulew, ri plo xukuje' ronojel ri c'o chquipam, xoc c'u che uxlanem chupam ri uwuk k'ij. Rumal ri' ri Ajawaxel xutewichi'j ri k'ij re uxlanem xuk'alajisaj c'ut chi tastalic k'ij.

Colosenses 1:16

Rumal c'ut are' xeban conojel ri jastak ri e c'o pa ri caj xukuje' ri e c'o cho ri uwächulew, ri queilitajic xukuje' ri man queilitaj taj, we ajawibal, we takanic, we e camal be, xukuje' we aj cuinem; conojel wa' xebantaj rumal ri are' xukuje' che u nimarisaxic u k'ij.

Ri Jeremiy 32:17

‘Lal, Ajawaxel, ruc' nimalaj u liq'uic ri cuinem la xban la ri caj xukuje' ri ulew. Man c'o ta jun jasach ri ma ta cacuin la chubanic.

Chapletajic 1:1

Aretak xchapletaj u banic ronojel ri c'olic, ri Dios xuban ri caj ulew.

Salmib 95:5

Ri plo rech are', are' c'u xbanowic; ¡cuc' ri kas e u k'ab xunuc' ri chaki'j ulew!

Salmib 89:2

Quinwesaj na u tzijol ri lok'ok'ebal c'u'x la chi junalic; chi ri jiquil la man q'uextajel taj, man q'uextajel ta jacha' ri caj.

Hebreos 6:18

Ri Dios xuya' ri u tzij xukuje' ri jicalaj tzij ri man e q'uexel taj, ri Dios man cäcuin taj cuban tzij, rumal ri' sibalaj co cucu'bisaj ka c'u'x ri uj ri cäkatzucuj ri to'bal kib xukuje' ka chapom ri eyebal ka c'u'x ri yo'm chke.

Ri Tit 1:2

rech cu'l qui c'u'x chi c'o junalic qui c'aslemal, ri u bim ulok ri Dios chi cuya' na. Are ri Dios man banal ta tzij, u bim c'u ulok wa' c'ä majok cätiquitaj ulok ri uwächulew.

Salmib 117:2

Are c'u ri lok'ok'ebal u c'u'x chke sibalaj nim; ¡ri u jiquil ri Ajawaxel junalic! ¡Chyo'k u k'ij ri Ajawaxel!

Salmib 33:6

Ri caj xukuje' ronojel ri c'o chuwäch are' ri Ajawaxel xbanowic ruc' ri u tzij xukuje' ruc' ri ruxlab ri xel pa u chi'.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Ri Xuan 1:3

Conojel ri jastak rumal are' xebanic. Man c'o ta jun chque ri jastak ri e banom, ri ma ta xban rumal are'.

Salmib 115:15

¡Ri Ajawaxel, ri xbanow ri caj ulew, chuya' ri u tewichibal chiwe!

Ri Xuan 10:34

Ri Jesus xubij chque: “¿La ma ta tz'ibatal pa ri i pixab: ‘In xinbij: Ri ix ix diosib?’

Ri Daniel 9:4

Xinban ch'awem ruc' ri Ajawaxel ri nu Dios, xinban c'u we k'alajisanic ri' chuwäch: ‘Ajawaxel, nimalaj Dios ri xukuje' c'o u cuinem, ri amak'el quetz'akatisaj la ri cächi'j la cac'ut c'u la ri lok'ok'ebal c'u'x la chque ri quelok'ok'en che la ri xukuje' cäquitz'akatisaj qui banic ri e takomal la:

Salmib 98:3

man resam ta ri lok'ok'ebal u c'u'x xukuje' ri u jicomal puwi' ri u tinimit Israel. ¡C'ä pa ri q'uisbal u jutz' ri uwächulew ilitajinak wi ri u ch'äcanic ri ka Dios!

Salmib 89:33

man quintanaba' ta c'u u lok'ok'exic ri David, mawi ma ta quintz'akatisaj ri nu jicomal ruc'.

U Camulixic ri Pixab 7:9

Chiwetamaj ba', chi, ri Ajawaxel ri i Dios are' Dios ri jic, ri cutz'akatisaj ri u c'ulwächinic ija'lil chi ija'lil, chque ri quelok'ok'en che xukuje' quequitz'akatisaj ri e u takomal.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!