Salmib 143:8 - Quiché Bible

⁸ Ak'abibal chya' la retamaxic ri lok'ok'ebal c'u'x la chwe, nu jiquibam c'u nu c'u'x chij la. Chya' la retamaxic chwe jachique ri c'aslemal ri rajawaxic ruc'axic wumal, che la c'ut quintz'onoj wi ri curayij ri wanima'.

Salmib 143:8 Referans Kwoze

Ri Isaiy 48:17

Jewa' cubij ri Ajawaxel, ri torol awech, ri Tastalicalaj u Dios ri Israel: “In ri Ajawaxel ri a Dios ri quinc'ut chawäch jachique ri utz chawe, in quinc'am a be pa ri be ri rajawaxic catakej.

Salmib 46:5

Ri Dios c'o pa u niq'uiajil wa', carilij c'u na; ri Dios cäto'w na che u chaplexic ri k'ij.

Salmib 32:8

Ri Ajawaxel cubij: “Ri e nu bak'wäch e c'o pawi'. Quebenya' tijonic chawe, quebenya' a no'j, quinc'ut na ri be chawäch ri caterenej.

Ri Isaiy 30:21

We c'u cajal ri a be pa ri awiquiak'ab o pa ri a mox k'ab, cata' na jun ch'abal chawij ri cubij na chawe: “Jewa' c'o wi ri be, are chitakej wa'.”

Salmib 59:16

Are c'u ri in, quinbixon na che la ak'abil; ruc' rakoj chi'aj quinya' u bixic ri lok'ok'ebal c'u'x la xukuje' ri cuinem la. Lal c'ut ri lal uxinak to'bal wib, nu panibal pa tak ri jok'otaj re rikoj c'ax.

Salmib 143:10

Chc'utu' la chnuwäch ri u banic ri rayibal la, lal c'ut ri nu Dios. ¡Are' ta ba' ri utzalaj uxlabal la chinc'amow bic chupam jun suc'alaj be!

Salmib 27:11

Ajawaxel chc'utu' ri be la chnuwäch; chc'ama' la nu be pa ri suc'alaj be, qui mac quech ri e nu c'ulel;

Salmib 90:14

Chujnojisaj la che ri lok'ok'ebal c'u'x la aretak cachapletaj ri k'ij, cujbixon c'u na ruc' quicotemal pa ronojel ri ka c'aslemal.

Juyuwem 3:41

Chekapakaba' chuwäch ri Dios ri c'o chicaj ri e ka chomanic xukuje' tak ri ka ch'awem ruc' Dios.

Salmib 86:4

Ajawaxel, chaquicotisaj la ri u c'aslibal we pataninel ech la ri', che c'u la quinsuc'uba wi ri nu ch'awem uc' la.

Salmib 30:5

Xa c'u jubik' cäbeytaj ri royowal, are c'u ri rutzil man c'o ta u q'uisic. We cujok' chak'ab, ak'abil c'o chic ka quicotemal.

Salmib 119:34

Chya' la nu chomabal che u c'olic ri tijonic la; ¡quinwaj quinnimaj ruc' ronojel wanima'!

Salmib 119:73

Ri lal xinbanow la kas xinbit c'u la; ¡ya' la nu c'oxomanic rech quintijotaj che qui banic tak ri e takomal la!

Salmib 42:8

Pa k'ij ri Ajawaxel cutak ulok ri lok'ok'ebal u c'u'x chwe, chak'ab man catani ta ri nu bix mawi ri nu ch'awem ruc' ri Dios ri ajchak'e ri nu c'aslemal.

Salmib 5:8

Ajawaxel, qui mac quech ri qui banom qui c'ulel chwe c'ama' la nu be chupam ri suq'uilal, chinc'ama' la bic chupam ri utzalaj be.

Ri Osey 6:3

¡Ka tija' ka k'ij che retamaxic u wäch ri Ajawaxel! Ri Ajawaxel cäpe na kuc', kastzij jacha' ri relic ulok ri k'ij, kastzij jacha' ri u ja'xic ri uwächulew rumal ri jäb pa ri u q'uisbal ri junab xukuje' pa ri u chaplebal ri junab.

K'atal tak Tzij 13:12

Xubij c'u ri Mano che: “Aretak cäc'ulmataj ri bim la chke, ¿jas cäkaban che u q'uiyisaxic ri ac'al? ¿Jas rajawaxic cäkaban che ri ac'al?”

Nabe Samuel 23:12

Xuban c'u c'otoj chi'aj ri David: “¿La cujquijach lo ri aj Keil pu k'ab ri Saul, ri in xukuje' ri wachijab?” Ri Ajawaxel xutzelej u bixic: “Quixquijach na.”

Salmib 25:20

¡Chinchajij la, to'tajisaj la ri nu c'aslemal! ¡Mintzokopij la rech man quel ta nu q'uixbal, uc' la quintzucuj wi ch'ukubal wib!