Biblia Todo Logo
Bib sou entènèt

- Piblisite -




Salmib 143:10 - Quiché Bible

10 Chc'utu' la chnuwäch ri u banic ri rayibal la, lal c'ut ri nu Dios. ¡Are' ta ba' ri utzalaj uxlabal la chinc'amow bic chupam jun suc'alaj be!

Gade chapit la Kopi




Salmib 143:10
36 Referans Kwoze  

Ri cucu'bisaj c'uxaj, are' ri Ruxlabal ri Dios, ri cutak na ulok ri Tataxel pa ri nu bi', are ri' quixutijoj na chque conojel ri jastak, cunataj na chiwe ronojel ri nu bim chiwe.


are chixutz'akatisaj che u banic ronojel u wäch utzalaj tak chac, xukuje' che u banic ri u rayibal. Ri are' chubana' pa ri i c'aslemal jas ri cäkaj chuwäch rumal ri Jesucrist. Che c'u ri are' chyok wi juluwem amak'el chbe k'ij sak. Je chbanok.


quebuya' c'ac' tak nu chuk'ab, quinuc'am c'u bic pa suc'alaj tak be, quinya' c'u u k'ij ri u bi'.


¡Lal tewichitalic, Ajawaxel! ¡Chintijoj la chque tak ri pixab la!


Xya' c'u ne la que ri utzalaj uxlabal la che qui tijoxic; mawi jumul ma ta xopan ri jaswa' pa qui chi' ri xtak la ulok chque, xaya' la qui ja' che resaxic ri qui chaki'j chi'.


Are c'u ri ix c'o ri Ruxlabal ri Dios iwuc' ri u yo'm ri Jesucrist chiwe. Man rajawaxic taj chi c'o jachin quixtijonic. Ri Uxlabaxel ri jekel iwuc' cuc'ut conojel ri jastak chiwäch. E are tak c'ut ri e u tijonic e kastzij, man c'u e banoj ta tzij. Chixcanaj nuc'talic ruc' ri Crist, je jacha' ri tijonic ri u yo'm ri Uxlabaxel chiwe.


Man u yo'm ta c'ut ri Dios chke jun uxlabal re xibriquil, xane' jun uxlabal re cuinem, re lok'ok'ebal c'uxaj, xukuje' u jiq'uic kib.


Ri Dios ri cucu'bisaj ka c'u'x chunojisaj ta ri iwanima' ruc' nimalaj quicotemal, chc'oji' ta jamaril chixo'l rumal ri i cojonic. Jeri' kas cäcu'bi i c'u'x chrij ri Dios rumal ri u cuinem ri Ruxlabal ri Dios.


Nu bim che ri Ajawaxel: “Lal ri lal nu Dios; ¡chtatabej ba la ri nu rakoj chi'aj ri cutz'onoj tok'ob!


Ri in c'ut, Ajawaxel, nu cuban nu c'u'x chij la; ri in nu bim: “Lal ri nu Dios.”


Jewa' xukuje' ri Uxlabaxel cuya' ka chuk'ab pa ri ka tukaril. Man keta'm ta c'ut cäkaban ch'awem ruc' Dios jas ri kas rajawaxic u banic. Kas are c'u ri Uxlabaxel cubochi'j ri Dios ruc' ch'ikowem pakawi', ri man cujcuin ta che u bixic.


Ri u pixab c'ut ri Uxlabaxel ri cuya' c'aslemal rumal ri Crist Jesus, are xinesan pa u k'ab ri pixab re mac xukuje' re cämical.


Aretak cu'l ka c'u'x chrij ri Dios, man quel ta ka q'uixbal, rumal rech chi ri kanima' nojisam che ri lok'ok'ebal u c'u'x ri Dios rumal ri Ruxlabal ri Dios ri yo'm chke.


Chinc'ama' la bic chquipam tak ri qui be tak ri takomal la, chquipam c'ut c'o wi ri nimalaj utzil chwe.


Miya' bis che ri Tastalicalaj Ruxlabal re ri Dios, rumal rech chi are iwetal, che u c'utic chi ix rech chic ri Dios c'ä pa ri k'ij aretak kas catz'akat ri i colotajic.


e jacha' wacax ri quekaj bic pa ri lianic?” Ri ruxlabal ri Ajawaxel xc'amow qui be. Jewa' xuban che u c'amic u be ri u tinimit xnimar c'u u k'ij, xukuje' u juluwem.


Ri winak ri nim caril wi ri Ajawaxel, ri are' cuc'ut ri be chuwäch ri takal u takexic rumal;


Ri u wächinic c'u ri sakilal are ronojel utzil, suq'uil xukuje' kastzij.


q'uialaj tinimit quebopan na je caquibij wa': “Tisaj, chujpakal pa ri u juyub ri Ajawaxel, chupam ri rachoch ri u Dios ri Jacob, rech ri are' quebuc'ut tak ri e u be chkawäch chujcuin ta c'ut chujbin chquipam ri a laj tak u be.” Rumal rech chi pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij,


chila la we in benak chupam ri be re etzelal, c'ama' c'u la nu be chupam ri junalic be.


¡Nu Dios, lal ri lal nu Dios! Ruc' nimalaj rayinic quintzucun che la, cächaki'j nu chi' che la; ruc' ronojel wanima' quinrayin che la, in junam ruc' ri chaki'j ulew ri man c'o ta wi ja', mawi c'aslemal.


Quixinbochi'j ba', wachalal, rumal ri Ajawaxel Jesucrist xukuje' rumal ri lok'ok'ebal c'uxaj ri cuya' ri Uxlabaxel chke, chitija' i chuk'ab wuc' che ch'awem ruc' Dios panuwi'.


Quinmaltioxin che la quinya' c'ut u k'ij ri nimalil la, lal c'ut ri nu Dios.


Nu Dios, nu Dios, ¿Jasche in yo'm la canok? ¿Jasche man cäpe ta la che nu to'ic? ¿Jasche man cäta' ta la ri wok'ej?


Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”


U takom c'u bic ri Ajawaxel jun nimalaj waram piwi'. Ri e k'axal tzij e are' ri e u bak'wäch ri tinimit, are' c'u ri Ajawaxel u ch'ukum ruc' jun ch'ukubal.


We c'u ri sutz' cäbeytaj quieb k'ij quieb ic' o jun junab, ri aj israelib quecanaj pa ri qui c'olbal man caquitakej ta binem. Xuwi c'u cawalij ri sutz', ri e are' caquitakej qui be.


Ajawaxel chc'utu' ri be la chnuwäch; chc'ama' la nu be pa ri suc'alaj be, qui mac quech ri e nu c'ulel;


Swiv nou:

Piblisite


Piblisite