Salmib 14:1 - Quiché Bible

¹ Ri man c'o ta qui no'j cäquichomaj chi man c'o ta Dios: conojel quetzelam quib; qui banom xibibalalaj tak jastak; ¡man c'o ta chi jun cuban ta utzil!

Salmib 14:1 Referans Kwoze

Salmib 10:4

Ri e banal tak nimal caquibij: “Man c'o ta Dios. Man c'o ta jachin ta cäto'w chwe jas quinbano.” Are u chomanic wa' amak'el.

Salmib 53:1

Ri man e tal ta tzij cäquichomaj chi man c'o ta Dios: conojel quetzelam quib, e qui banom itzel tak jastak; ¡man c'o ta chi jun cuban ta ri utzil!

Salmib 92:6

¡Xuwi ri man etal ta tzij man quecuin ta che u ch'obic!

Chapletajic 6:5

Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Ri Matey 12:34

Ix quija'l cumätz. ¿La quixcuin lo quibij ta utzalaj tak tzij, ix itzel tak winak c'ut? Che c'u ri tz'ebenic ri c'o pa ri ranima' ri winak, are wa' quel ulok pa u chi'.

Ri Lucax 12:20

Xubij c'u ri Dios che ri achi ri': ‘Ri at man c'o ta aweta'm. Camic chak'ab catcämic. Are c'u ri jastak ri a c'olom, ¿jachin lo quechbenic?’

Ri Matey 15:19

Chupam c'ut ri anima' quebel wi ulok ri itzel tak chomanic, cäcämisanic, ri kajic pa mac ruc' jun winak chic, ri cuc'axic quib cuc' achijab ixokib che qui banic macunic, eläk'anic, jalum k'alajisanic, yok'onic.

E C'ambal tak Tzij 1:7

Ri no'j cachaptajic rumal u ya'ic u k'ij ri Ajawaxel; ri man c'o ta qui no'j cäquetzelaj u wäch ri no'j xukuje' ri tijonic.

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

Efesios 2:12

Chnataj chiwe chi ojer canok man c'o ta ri Crist iwuc', man c'o ta iwe chque ri winak aj Israel, man c'o ta iwe che ri e u c'ulwächinic ri Dios mawi che ri e u chi'm. Xak ix c'o cho ri uwächulew, man c'o ta can ri Dios pa iwanima' mawi c'o cu'bisabal i c'u'x.

E C'ambal tak Tzij 27:22

Che ri man c'o ta u no'j man quel ta ri no'j che pune' ta ne cäque'xic cätakex ta c'u u que'xic.

E C'ambal tak Tzij 1:22

“C'ojolab ri man c'o ta iwetamanic, ri quiwetz'bej u wäch ronojel, ri man c'o ta i no'j, ¿c'ä jampa' lo quitanaba' u lok'ok'exic ri conil ri c'o iwuc', quirik c'u na quicotemal pa ri etz'ben wächaj, quiwetzelaj c'u u wäch ri etamanic?

Ri Job 22:13

¿Jas ri cabano rech catcuinic cabij chi ri Dios man cänabentaj, chi man cäyataj ta che rumal ri tzatzalaj sutz' chi c'o jas cärilo?

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Ri Tit 1:16

Cäquibij chi queta'm u wäch ri Dios, ruc' c'u ri qui chac cäquik'alajisaj chi man je taj. Itzel quebil wi, man e nimanelab taj. Man quecuin ta c'ut cäcan ta jubik' ri utzil.

Ri Isaiy 1:4

¡Tok'ob i wäch winak ajmaquib, tinimit nojinak che etzelal, calc'ual itzel tak winak, alc'ualxelab ri e etzelatajinak! Inajtajisam iwib che ri Ajawaxel, i yo'm can ri Tastalicalaj u Dios ri Israel, i xutum canok.

Salmib 107:17

Ri man caquicoj ta ri qui no'j quirikom c'u c'ax rumal ri kas quetzelal xukuje' macaj,

Ri Job 15:16

¡etac'ulo ri winak, ri xibibal ch'uluch'uj ri cuban etzelal jacha' ri ruq'uiaxic ja' rumal!

Nabe Samuel 25:25

Mäya' xiquin la che ri xubij ri Nabal, we c'analaj achi ri', are c'u cac'utuw ri u bi', kas jun ch'ujalaj achi. Man cäcuin taj cuk'il ta jubik' rib. We pataninel ech la ri' man xeril taj ri pataninelab la ri xetak la bic.

E C'ambal tak Tzij 13:19

Ri rayibal ri cätz'akatic cuya' quicotemal. Ri man c'o ta qui no'j man caquik'i' taj we caquinajtajisaj quib che ri lawaloyil.

Salmib 73:3

Xinna' quiäk rayinic aretak xinwilo jas caquiban ri banal tak nimal xukuje' ri e banal tak etzelal quek'inomaric.

Ri Tzijonel 7:20

Man c'o ta c'u jun cho ri uwächulew ri sibalaj ta tz'akat ri cuban ta amak'el ri utz ri mawi ta jumul ma ta cämacunic.

Ri Jeremiy 5:12

Ri Israel xukuje' ri Juda qui xutum ri Ajawaxel; quibim: “Man c'o ta cuban ri Dios. Man c'o ta lawaloyil quekataklebej, man cäpe ta ch'o'j pakawi' mawi wi'jal.”

Ri Jeremiy 6:28

Conojel e are', Ajawaxel, sibalaj man ch'abexic ta cäcaj; e winak e tzelel tak tzij e jech'obinak; xa' e k'an ch'ich' xukuje' e räx ch'ich'.