Salmib 138:3 - Quiché Bible

³ Aretak xinsiq'uin che la xtzelej la ulok u wäch ri nu tzij, xukuje' xya' la u wi' ri nu chuk'ab.

Salmib 138:3 Referans Kwoze

1 Pedro 5:10

Are c'u ri Dios cuban na tz'akat chiwe, quixucowirisaj na, cuya' na i chuk'ab, xukuje' quixutac'aba' na. Are ri' ri Dios ri cäbanow ronojel u wäch tok'ob xukuje' ri xixsiq'uin che ri junalic u juluwem pa ri Crist.

Salmib 18:6

Pa ri nu bis xinsiq'uij ri Ajawaxel; xintz'onoj ri u to'banic ri nu Dios, xinutatabej ri are' pa ri rachoch; xopan ri nu rakoj chi'aj pa ri u xiquin.

Ri Zacariy 10:12

In quinyo'w na qui chuk'ab, quech'äcan c'u na pa ri nu bi'. In, ri Ajawaxel, quinya' ri nu tzij.”

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Filipenses 4:13

Ronojel quincuin chubanic are' c'u Crist ri cäyo'w nu chuk'ab.

Salmib 27:14

¡Chacu'ba' a c'u'x chrij ri Ajawaxel! ¡Chacojo' a chuk'ab, muban quieb a c'u'x! ¡Je', chacu'ba' a c'u'x chrij ri Ajawaxel!

Colosenses 1:11

Cäkata' che ri Dios chi cuya' i chuk'ab ruc' ri nimalaj u cuinem ri u juluwem. Jeri' quixcuin che u ch'ijic ronojel c'ax, quicuy ronojel ri cäban chiwe.

Efesios 6:10

Are c'u ri camic, wachalal tak, chicowirisaj iwib pa ri Ajawaxel Jesus, xukuje' pa ri u cuinem ri u chuk'ab.

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Salmib 29:11

Ri Ajawaxel cuya' u chuk'ab ri u tinimit; ri Ajawaxel cutewichi'j ri u tinimit ruc' jamaril.

Efesios 3:16

Quinta' che ri Tataxel chi jas ri u k'inomal ri u juluwem, cuya' i chuk'ab xukuje' cuinem pa ri iwanima' rumal ri Ruxlabal ri Dios,

Salmib 63:8

Ronojel ri nu c'aslemal u nuc'um rib che la; ri iquiak'ab la man quinutzokopij taj.

Salmib 28:7

Ri Ajawaxel are' cuinelalaj to'l wech; chrij xinya' wi ronojel ri cu'lbal nu c'u'x, xinuto' c'ut. Cäquicot ri wanima'; quinbixonic, xukuje' quinya' maltioxinic che ri Ajawaxel.

Ri Isaiy 65:24

C'ä maja' c'o jas cäquitz'onoj chwe, in nu yo'm chi chque ri cäcaj c'ä maja' cäq'uis ri qui tzij, ri in nu tom chic ri cäquibij.

Nabe Samuel 30:6

Ri David sibalaj xoc il rumal rech chi ri ajch'ojab are ta cacaj caquicämisaj ri David che abaj, conojel c'ut sibalaj yactajinak coyowal u mac rech ri xquic'ulmaj ri calc'ual. Xujiquiba' c'u u c'u'x ri David chrij ri Ajawaxel ri u Dios,

Salmib 34:7

Ri u tako'n ri Ajawaxel quebuch'uku xukuje' quebuto'tajisaj ri nim caquil wi ri Ajawaxel.

Juyuwem 3:57

Pa ri k'ij ri chinsiq'uin che la saj la wuc', chbij c'u la chwe: “Maxe'j awib.”

Ri Daniel 10:18

Ri jun ri cäjunamataj ruc' jun rija'l winak xinuchap chi jumul, xebuya' c'ac' nu chuk'ab

Ri Daniel 10:19

xubij c'u chwe: ‘Maxe'j awib mawi matoc il. Ri Dios catulok'ok'ej; ¡chachajij anima' chc'ol c'u a chuk'ab! Aretak cätajin cätzijon wuc', xinna' chi xpe chajin anima' chwe, xinbij c'ut: Ajawaxel tzijom la wuc', e tzelem c'u la ri nu chuk'ab.’