Salmib 138:2 - Quiché Bible

² Quinxuqui' na chusuq'uil ri tastalicalaj achoch la, che u ya'ic maltioxinic che la rumal ri lok'ok'ebal c'u'x la xukuje' ri kastzij la, nu cojom c'u ri bi' la xukuje' ri tzij la paquiwi' conojel ri jastak.

Salmib 138:2 Referans Kwoze

Ri Matey 5:18

Kastzij quinbij chiwe, joropa' k'ij cac'oji' na ri caj xukuje' ri ulew, man c'o ta jun t'ik, mawi ri u wi' ri jun juch' ri quesax ta na che ri pixab c'ä conojel ri jastak quebantaj na.

Ri Isaiy 42:21

Ri Ajawaxel, rumal rech chi are' jun Dios ri cäcolonic, are ta xraj xuban ta nim xukuje' xjuluw ta ri u tijonic;

Salmib 56:10

Quincu'ba' nu c'u'x chrij ri Dios, quinya' c'u u k'ij ri u tzij; quincu'ba' nu c'u'x chrij ri Ajawaxel, quinya' c'u u k'ij ri u tzij;

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Salmib 5:7

Are c'u ri in rumal ri nimalaj lok'ok'ebal c'u'x la, quincuinic quinoc chupam ri achoch la; quincuinic quink'ijilan che la ruc' nim ilic la quinca'y c'u apan che ri tastalicalaj achoch la.

Salmib 28:2

Tatabej la ri nu rakoj chi'aj che u tz'onoxic ri to'banic la, aretak quinyuk apan ri nu k'ab chusuq'uil ri tastalicalaj achoch la.

Ri Xuan 1:17

Ri pixab xya' rumal ri Moises, are c'u ri tok'ob xukuje' ri kastzij rumal ri Jesucrist.

Salmib 56:4

Quincu'ba' nu c'u'x chrij ri Dios, quinya' u k'ij ri u tzij; quincu'ba' nu c'u'x chrij ri Dios, man quinxe'j ta c'u wib. ¿Jas ta ri cäcuin ri winak cuban chwe?

Salmib 115:1

Ajawaxel, chya' k'ij la chbil ib la, ma ta are' ri uj; ¡chnimarisaj k'ij la, rumal ri lok'ok'ebal c'u'x la xukuje' ri kastzij la!

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Isaiy 63:7

In quinwaj quintzijoj ri lok'ok'ebal u c'u'x ri Ajawaxel, quebenbixoj bix che yabal u k'ij rumal ronojel ri u banom ri are' che ka to'ic, rumal ri nimalaj utzil ri u banom chque conojel ri aj israelib, rumal ri u banom ruc' ri rutzil chupam c'ut ri nimalaj lok'ok'ebal u c'u'x.

Salmib 99:9

Chiya' u k'ij ri Ajawaxel, ri ka Dios, ¡chixxucul chuwäch ri tastalicalaj u juyub! Ri ka Dios, ri Ajawaxel, tastalic ri are'.

Salmib 99:5

¡Chiya' u k'ij ri Ajawaxel ri ka Dios, chixxucul xe' rakan u k'ab! ¡Ri Dios tastalic!

Salmib 86:15

Are' c'u ri lal, Ajawaxel, lal jun Dios ch'uch'uj ri quel c'u'x la, coch'onel, lal lok'ok'ebal c'uxaj ronojel xukuje' kastzij.

Salmib 85:10

Ri lok'ok'ebal c'uxaj xukuje' ri kastzij cacuc'aj na quib, ri jamaril xukuje' ri colomal cäquitz'umaj na quib,

Ri Xuan 10:35

Are ri Tz'ibatalic man cuya' taj catuquixic, cubij c'u diosib chque ri winak ri xopan wi ri u tzij ri Dios,

Nabe Ajawinelab 8:15

xubij: “Tewichital ri Ajawaxel, ri u Dios ri Israel, ri u tz'akatisam ri xuchi'j che ri David, ri nu tat, aretak xubij che:

Nabe Ajawinelab 8:20

Quinquicotic, ri Ajawaxel xutz'akatisaj ri u chi'nic. Jacha' ri xubij, in xinbanow u q'uexwäch ri David, ri nu tat, in t'uyulinak c'u puwi' ri tem re ajawibal re Israel xukuje' nu yacom jun achoch che ri Ajawaxel, ri u Dios ri Israel.

Nabe Ajawinelab 8:24

Chi tz'akatisam la ri xchi'j la che ri David ri pataninel ech la, ri nu tat, xjunaj c'u la ri banoj ruc' ri tzij pa we k'ij ri'.

Salmib 5:8

Ajawaxel, qui mac quech ri qui banom qui c'ulel chwe c'ama' la nu be chupam ri suq'uilal, chinc'ama' la bic chupam ri utzalaj be.