Salmib 137:1 - Quiché Bible

¹ Uj t'uyul chquinakaj ri nima' re Babilon, cujok'ic aretak cänataj ri Sion chke.

Salmib 137:1 Referans Kwoze

Ri Ezequiel 1:1

In, ri cojol tabal tok'ob Ezequiel, u c'ojol ri Buzi, c'o jun k'ij in c'o chuchi' ri nima' Quebar, pa Babilon, in c'o chquixo'l ri e yo'm pa jun ulew chic. Xjaktaj c'ut ri caj, xinwil c'ut ri Dios pa jun c'utwächinic. Pa ri job rajilabal ri ucaj ic' re ri junab juwinak lajuj (30), job (5) junab chi c'ut c'amom chi ulok ri ajawinel Joaquin jacha' che lok'om pataninel. Ri Ajawaxel xuya' ri u k'ab panuwi'.

Ri Ezequiel 3:15

Xinopan c'u pa Tel Abib, chuchi' ri nima' Quebar, jawije' ri e jekel wi ri aj israelib ri e c'o pa jun ulew chic, wukub k'ij c'ut xinbeytaj chila' cuc' ri aj israelib, man weta'm ta c'ut jas ri quinbano mawi jas ri quinbij.

Ri Lucax 19:41

Aretak xenakajin che ri Jerusalen, ri Jesus xril ri tinimit, xrok'ej u wäch.

Juyuwem 3:48

Nima' re u wa'l tak wächaj quebel ulok chque ri e nu bak'wäch chuwäch ri u sachisaxic u wäch ri lok'alaj ka tinimit.

Juyuwem 2:18

¡Chatz'onoj che ri Ajawaxel chi chatuto', Sion, je'licalaj tinimit! ¡Chaya' che ri u wa'l a wäch chi chbelel chi pa k'ij chi chak'ab! ¡Matanaba' ok'ej, maya' chque ri e a bak'wäch chi chetanic!

Juyuwem 1:16

We jastak ri' quinquiya' pa ok'ej. Ri e nu bak'wäch quenoj che qui wal tak wächaj, man c'o ta c'u jachin jun ri c'o ta wuc' ri cacu'bisan ta nu c'u'x, man c'o ta jachin jun ri cuya' ta c'ac' chajin anima'aj chwe. Chquixo'l tak ri etzeletajic xecanaj wi can tak ri e walc'ual, are c'u xch'äcan na ri c'ulel chkawäch uj.

Ri Jeremiy 15:17

In nu k'ilom wib che u rikic wib cuc' ri xuwi caquichomaj u quicotisaxic quib; aretak xban ech la chwe nu c'amom bic jun c'aslemal pa nu tuquiel wi, xinanojisaj c'u la ruc' ri oyowal la.

Salmib 42:4

Aretak quinchomaj quij we jastak ri', xa cänimataj ri nu k'oxom; cänataj chwe aretak in benak junam cuc' ri winak nu c'amom qui be c'ä pa ri rachoch Dios, cäkarak ka chi' ruc' quicotemal xukuje' cuj maltioxinic. ¡Jun nimalaj nimak'ij c'u ri'!

Ri Nehemiy 2:3

xinbij c'u che ri ajawinel: “¡Amak'el chc'asal la, ajawinel! ¿Jas ta c'u che chi ma ta in c'o pa bis, we ri tinimit jawije' ri e mukutal tak wi ri e nu mam c'o pa yojyobic xukuje' tak ri e roquibal e porotajinak?”

Ri Esdras 8:31

Pa ri ucablajuj (12) ri rajilabal ri nabe ic', xujel bic chuchi' ri nima' Ahab che ri ka bic pa Jerusalen. Ri ka Dios xujuto', man xuya' ta c'olbal chi xujkaj ta pa qui k'ab ri c'ulel xukuje' tak ri eläk'omab pa ri be.

Ri Esdras 8:21

Xinya' c'u u bixic chi man quewa' ta na jujun k'ij chunakaj ri nima' Ahab, che u k'alajisaxic chi uj macuninak chuwäch ri ka Dios, che c'u u tz'onoxic che chi colom chujuc'ama' bic xukuje' ri e kachalaxic xukuje' ri jastak ke.

Apocalipsis 11:3

Quinya' na chque ri quieb nu k'alajisanelab, chi cäquitzijoj na ri nu tzij jun mil quieb sient oxc'al (1260) k'ij, qui cojom wakwoj catz'iak che u c'utic chi quebisonic.”

Ri Daniel 9:3

Xebenban c'u tak ch'awem xukuje' tak tok'lenic che ri Dios ri Ajawaxel, xinya' nu tzij chi man quinwa' ta na, e nu cojom c'u wakwoj tak atz'iak, xint'uyi pa chaj.

Juyuwem 3:51

Quebopan ri e u k'oxomal ri nu bak'wäch c'ä ruc' ri wanima', rumal ri xquic'ulmaj ri e u mia'l ri nu tinimit.

Ri Isaiy 66:10

“Chixjajat ruc' ri Jerusalen, chixnoj che quicotemal ruc; iwonojel ri lok' iwumal chijunaj iwib ruc' ri u quicotemal iwonjel ri iwok'em u wäch;

Ri Jeremiy 8:19

Ri qui rakoj tak chi'aj ri nu tinimit cätataj pa ronojel ri ulew: “¿La man c'o ta chic ri Ajawaxel pa Sion? ¿La man c'o ta chic ri rajawinel chi'?” Ri Ajawaxel cutzelej u bixic: “¿Jasche xiban c'ax chwe xebik'ijilaj tak diosib, diosib ri man c'o ta qui patan xukuje' man etamatal ta qui wäch?”

Ri Jeremiy 13:4

“Chac'ama' ri pas ri xalok'o ri xukuje' a cojom, jät chuchi' ri nima' Euprats chac'u' c'u chila' pa ri u pak'ininak wi ri abaj.”

Ri Jeremiy 51:13

At, Babilon, ri at c'o chquichi' nimak tak nima' e c'o c'u nimak tak a k'inomal, ¡opaninak ba' ri q'uisbal u wäch a k'ij, ri u q'uisbalil ri a c'aslemal!