Salmib 136:16 - Quiché Bible

¹⁶ Che ri xuc'am u be ri u tinimit pa ri chaki'j uwo sak, junalic c'ut ri u lok'ok'ebal c'u'x.

Salmib 136:16 Referans Kwoze

U Camulixic ri Pixab 8:15

ri xixubinisaj pa ri nim xukuje' xibibalajaj chaki'j uwo sak, ri nojinak chque cumätz ri quecämisanic xukuje' sina'j, ri man cäriktaj ta wi ja'. Are c'ut ri are' xresaj ja' che jun cowilaj abaj, xuya' c'ut ri cacuq'uiaj.

Elem 15:22

Ri Moises xeresaj bic ri aj israelib chuchi' ri Quiäk Plo, xquitakej ri qui be xebe pa ri chaki'j uwo sak re Xur, oxib k'ij c'ut xebin pa ri chaki'j uwo sak man c'o ta ja' xquiriko.

Elem 13:18

Rumal ri' xuban chque chi cäquicotij na ri qui be pa ri chaki'j uwo sak ri cäbe chusuq'uil ri Quiäk Plo. Aretak xebel ulok ri aj israelib pa Ejipt quek'atatic e jacha' ajch'ojab.

Salmib 77:20

Xc'am la u be ri tinimit la jacha' jumulaj chij, rumal ri Moises xukuje' ri Aaron.

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

Ri Isaiy 49:10

Man quina' ta na numic mawi chaki'j chi', mawi cubana' la c'ax ri k'ij chiwe mawi ri k'ak', quixinlok'ok'ej c'ut quinc'am c'u i be, quixinc'am bic jawije' queq'uiy wi tak ja'.

Ri Nehemiy 9:19

Lal, rumal ri nimalaj elebal c'u'x la, man xewonoba' ta la can chupam ri chaki'j uwo sak. Ri jutac'aj sutz' man xutas ta rib chque pa k'ij che u c'amic qui be che ri qui be, mawi ri jutac'aj k'ak' chak'ab che u tununisaxic ri be ri rajawaxic u takexic cumal.

Ri Nehemiy 9:12

Xc'am c'u la qui be pa k'ij rumal jutac'aj sutz' are c'u ri chak'ab rumal jutac'aj k'ak', che u c'utic ri qui be ri caquitakej na.

U Camulixic ri Pixab 11:5

Chnataj chiwe xukuje' ronojel ri xuban che i to'ic chupam ri chaki'j uwo sak, c'ä xixul na waral;