Salmib 136:12 - Quiché Bible

¹² xulic' ri u k'ab ruc' nimalaj cuinem, junalic c'ut ri u lok'ok'ebal c'u'x.

Salmib 136:12 Referans Kwoze

Ri Jeremiy 32:21

Lal, ruc' ri nimalaj u liq'uic ri cuinem la, xesaj la ulok pa Ejipt ri tinimit la Israel, xeban tak la mayibal xukuje' tak etal xenojisaj c'u la conojel ri winak che xibin ib.

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Salmib 44:3

Man are' ta c'u ri qui chuk'ab mawi ri qui ch'ich' re ch'o'j ri xyo'w ta ri ch'äcanic chque; man e are' ta xech'äcow ri ulew. ¡Are ri cuinem la xukuje' ri chuk'ab la! ¡Are' ri u juluwem ri wächbal la, rumal chi e lok' chwäch la!

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 15:6

Oh, Ajawaxel, ri icak'ab la ri sibalaj nim u chuk'ab, are xsachow qui wäch ri ka c'ulel.

Elem 13:14

We c'u chwek cäbij cäc'ot na i chi' cumal ri e iwalc'ual: ‘¿Jas quel cubij wa'?’ Quibij na chque: ‘Ri Ajawaxel xujresaj ulok ruc' nimalaj cuinem pa Ejipt ri xujc'oji' wi na jacha' lok'om pataninelab.

Hechos 7:36

Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

Elem 13:3

Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.