Salmib 132:10 - Quiché Bible

¹⁰ Rumal ri u tok'obisaxic u wäch ri David ri pataninel ech la, mesaj la u q'uixbal ri ajawinel ri cha'om la.

Salmib 132:10 Referans Kwoze

Ri Osey 3:5

Aretak c'u oc'owinak chi wa' quetzelej na ri aj israelib cäquitzucuj c'u na ri Ajawaxel ri qui Dios xukuje' ri David ri cajawinel. Chquipam ri q'uisbal tak k'ijol caquitzucuj na ri Ajawaxel ruc' nim ilic xukuje' tak ri e utzil ri quebuya'o.

Salmib 84:9

Nu Dios, ch'ukul kech, chila la ulok ruc' elebal c'uxaj ri ajawinel ri xcha' la.

Ucab Tzijobelil 6:42

Maxutuj la canok, Dios xukuje' Ajawaxel, ri ajawinel ri cha'om la. Masach pa jolom la ri u lok'al ri David ri pataninel ech la.”

Ucab Ajawinelab 19:34

In quinto' na u wi' we tinimit ri' quinto'tajisaj c'u na, xa' che u tok'obisaxic u wäch ri pataninel wech ri David xukuje' c'u ri in chbil wib.’ ”

Nabe Ajawinelab 11:34

man quinwesaj ta c'u na ronojel ri ajawibal che, quinya' na can che k'atal tzij joropa' k'ij ri cäc'asi'c, xa c'u che u tok'obisaxic u wäch ri David ri pataninel wech, ri xincha'o, ri xebutz'akatisaj tak ri e nu takomal xukuje' tak ri e nu pixab.

Ucab Ajawinelab 8:19

Man xraj ta c'ut ri Ajawaxel xuq'uista tzij puwi' ri Juda, xa' che u tok'obisaxic u wäch ri David ri pataninel rech, ri xuchi'j che chi amak'el cac'oji' jun chäj tzijilic chuwäch.

Salmib 84:10

¡Are c'o na quechbex che ri jun k'ij c'olem chquiwäch ri uwo ja' re ri achoch la, chuwäch ri jun mil naj chque! Are utz na pune' ta ne' xa in chajil rech ri u chi' ri rachoch ri nu Dios, che u q'uexwäch ri quinc'oji' pa tak c'olbal re etzelal.

Salmib 144:10

Lal ri cäya' la ch'äcanic chque tak ri ajawinelab; lal, ri xto'tajisaj la ri David ri pataninel ech la, chinesaj la chuwäch ri ch'ich' re ch'o'j ri cäcämisanic; chinesaj la pa qui k'ab ri winak ri man weta'm ta qui wäch, ri quequibij banoj tak tzij cäquiyac c'ut ri qui k'ab quiquiak'ab che u bixic ri chi'nic ri kas cäban na xa c'u che subunic.