Salmib 129:1 - Quiché Bible

¹ E q'ui c'axc'ol in oc'owinak kas pa ri walc'alal —chubij ri Israel camic—,

Salmib 129:1 Referans Kwoze

Salmib 124:1

We ta ri Ajawaxel ma ta xc'oji' kuc' che u to'ic ka wi' —chubij c'u ri Israel camic—,

Ri Osey 11:1

“Aretak ri tinimit Israel c'ä ch'utin, in xinlok'ok'ej ri are'; ri are' nu c'ojol, xinsiq'uij rech quel ulok pa Ejipt.

Ri Jeremiy 2:2

“Jät jatzijobej ri tinimit Jerusalen; charaka' a chi' rech utz u tatabexic cäquibano: ‘¡Jewa' cubij ri Ajawaxel! Cänataj chwe chi aretak c'ä at ac'al, jic xatbin chnuwäch, chi' aretak xatux wixokil xinalok'ok'ej, xatteri c'u chwij pa ronojel ri chaki'j uwo sak, ulew ri man c'o ta cätic chuwäch.’

Ri Isaiy 47:12

Chatakej qui banic ri itzinic, xukuje' ri q'ui tak k'ijinic ri e a banom ulok pa ri awalc'alal, cawil c'u na we c'o jas qui patan chawe, cawil c'u na we catcuinic cabano chi cäquixe'j quib ri winak chawäch.

Salmib 127:1

We man are' ri Ajawaxel cäyacow ri rachoch Dios, man c'o ta cupatanij ri qui chac ri e yacanelab; we man are' ri Ajawaxel cäch'ukuw ri tinimit, man c'o ta cupatanij pune' quec'asc'at ri chajinelab.

Salmib 126:1

Aretak ri Ajawaxel xuq'uex ri cärechbej ri Sion, je ta ne ri xa cätajin cujichiq'uic.

Salmib 122:1

¡Nimalaj quicotemal aretak cäbix chwe: “Jo' chupam ri rachoch ri Ajawaxel!”

Salmib 120:1

Aretak in c'o chupam ri c'axc'ol, quinsiq'uij ri Ajawaxel, ri are' cutzelej c'ut u wäch nu tzij.

Salmib 125:1

Ri caquijiquiba' qui c'u'x chrij ri Ajawaxel man queslabetaj taj; quejunamataj ruc' ri juyub Sion, kas xa jumul e jekelic.

K'atal tak Tzij 2:15

Aretak quebe che u banic ch'o'j, ri Ajawaxel cuk'atij qui wäch, man c'u quech'äcan taj, kas c'u are' ri Ajawaxel bininak wa' chque. Ri Ajawaxel pune' xebuya' ri aj israelib pa tak ri c'ax,

Elem 1:22

Ri ajawinel pa rech wi xuya' takanic chque conojel ri aj ejiptib, xubij chque: “Chebiq'uiaka' bic ri calc'ual ri aj israelib pa ri nima' ri quil qui wäch ri e alabom, are c'u ri alitomab chebic'asba'.”

Ri Ezequiel 23:3

Kas pa ri calc'alal xebux quech ri nim ch'utin; pa Ejipt xak jäwe chque xyabayax ri uwo tak qui c'u'x, xquitzak c'ut ri qui k'apojil.

Juyuwem 1:3

Man xuwi ta c'ut ri rikoj tak c'ax xukuje' ri c'axalaj tak chac, ri Juda cätajin cucoch' camic ri qui c'aslemal ri lok'om tak pataninelab. Ri cajawin nabe chquixo'l tak ri tinimit camic man curik ta uxlanem. Ri qui tzucum tak u banic c'ax che, xkaj pa qui k'ab xquinim c'u pa tak jutz'.

Ri Jeremiy 22:21

In xatinch'abej pa ri k'ijol aretak utz at c'olic, man xawaj ta c'ut xinatatabej. Je a banom ulok wa' kas pa ri walc'alal: ¡Man a yo'm ta a tzij che u tatabexic ri quinbij chawe!

Salmib 123:1

Chwäch la quinkeb wi, Ajawaxel, ruc' bochi'nic; lal, ri cajawin la pa ri caj.

Salmib 121:1

Aretak quebenwil tak ri c'ache'laj quinc'ot nu chi': “¿jawije' lo quel wi na ulok ri to'l wech?”

Salmib 88:15

Pa ri nu c'ojolal ulok nu rikom c'ax, in c'olinak ulok chunakaj ri cämical e nu coch'om xibibal tak jastak ri takom la ulok chwij, man quinch'ij ta chi c'ut.

K'atal tak Tzij 3:8

Rumal ri' xpe royowal ri Ajawaxel che qui c'ulelaxic, xebujach c'u pu k'ab ri Cusan-risataim, ajawinel aj Mesopotam. Wajxakib junab xquipatanij ri Cusan-risataim,

Ri Osey 2:15

Quebentzelej tak c'u na ri uva ri e u ticom, quinq'uex c'u na ri beya' re Acor pa oquibal re eyebal c'uxaj che. Chila' cutzelej wi na u wäch ri quinbij che jacha' pa ri ralc'alal, jacha' ri k'ij aretak xel ulok pa Ejipt.

Nabe Samuel 13:19

Pa ronojel ri ulew pa Israel mawi jun ch'ayal ch'ich' c'olic, cäquichomaj c'ut ri aj pilisteyib chi man c'o ta jun aj hebrey cacuinic quebuban ch'ich' re ch'o'j mawi tz'imaj ch'ich'.

Salmib 128:1

Utz awech at, ri nim cawil wi ri Ajawaxel, xukuje' catniman che.

Elem 1:11

Rumal ri' ri aj ejiptib xequicoj takanelab paquiwi' rech quequicoj ri aj israelib che qui banic c'axalaj tak chac. Xetak che qui yaquic ri tinimit Piton xukuje' ri Ramses ri xebucoj ri rajawinel re ri Ejipt, ri paraon, che c'olbal ri cätijic.