Salmib 126:2 - Quiché Bible

² Are' c'ut ri u pa ka chi' xukuje' tak ri e ka chi' xenoj che tak tze' xukuje' rakoj tak chi'aj re quicotemal; e are' c'ut ri e k'ijilal tak diosib caquibij: “¡Ri Ajawaxel e u banom nimak tak jastak chque!”

Salmib 126:2 Referans Kwoze

Ri Job 8:21

Ri are' cuban na chi catetze'n chi na chi carak na a chi' rumal jajatem;

Ri Isaiy 35:10

ri e torom rumal ri Ajawaxel queboc c'u na pa Sion cuc' tak bix re quicotemal, ronojel k'ij quequicot na. Cäquirik na utzil xukuje' utzalaj c'aslemal, cäsach na u wäch ri ok'ej xukuje' ri k'oxomal.

Salmib 71:19

Ri suq'uil la, nu Dios, copan c'ä chicaj; ri lal e banom la nimak tak jastak; ¡man c'o ta chi jun ri junam ta uc' la!

Ri Jeremiy 33:11

waral quetataj chi na ri e tak bix quech tak nimak'ij xukuje' quicotemal, xukuje' ri qui bix tak ri caquibochi'j tak quib, cätataj c'u na u bixic: ‘Chiya' maltioxinic che ri Ajawaxel Dios ri c'o ronojel u cuinem, rumal rech chi utz ri Ajawaxel, junalic c'ut ri u lok'ok'ebal c'uxaj.’ Quequic'am c'u na ulok tak sipanic re maltioxinic chupam ri wachoch. Je quinq'uex na ri cutaklebej we ulew ri', rech je cux chi na jacha' pa ri chaplebal. In, ri Ajawaxel quinjiquiba' u bixic.”

Salmib 53:6

¡C'o ta banom wi chi pa ri juyub Sion quel ta wi na ulok ri cäcolow ri Israel! Aretak ri Ajawaxel cuq'uex ri u wäch u k'ij ri u tinimit, cubano chi quequicot na ri e rija'lil ri Jacob, ronojel ri u tinimit ri Israel.

Ri Nehemiy 6:16

Ri qui banom qui c'ulel chke xquetamaj xukuje' conojel tak ri nimak tak tinimit ri e c'o tak chkanakaj sibalaj xquixe'j quib xebirbob c'ut, xquich'ob na chi we chac ri' ri q'uisom u banic xban ruc' ri u to'banic ri ka Dios.

Romanos 11:15

We ri quesaxic can ri aj judeyib are xbanowic chi xquirik ri jamaril ri winak cho ri uwächulew ruc' ri Dios, ¿jas c'u lo cäc'ulmax na aretak quec'am chi na ri aj judeyib rumal ri Dios? ¡Are jun c'astajibal ri' chque ri cäminakib!

Salmib 51:14

Mintzokopij la che qui banic cämisanic, nu Dios, Dios re ri nu colotajic, quinwesaj c'u na tzijol la cuc' tak bix chi lal suc'.

Salmib 14:7

C'o ta banom wi puwi' ri juyub Sion quel ta wi ulok ri to'l rech ri Israel. Aretak ri Ajawaxel cuq'uex ri c'axalaj u c'aslemal ri u tinimit, quequicot na ri e ralc'ual ri Jacob, xukuje' ronojel ri tinimit Israel.

Ri Esdras 3:11

Jujun caquibixoj tak bix, jule' chi c'ut je u tzelexic u wäch wa' caquibano: “Chebiya' tak maltioxinic che ri Ajawaxel, rumal rech chi utz ri are', rumal rech chi junalic ri lok'ok'ebal u c'u'x che ri Israel.” Ronojel c'ut ri tinimit curak u chi' rumal quicotemal, cäk'ijilan c'u che ri Ajawaxel, chapletajinak chi c'u u banic u yaquic ri Rachoch ri Ajawaxel.

Ajilanic 23:23

Man cätakan ta ri itzinic che ri Jacob; man cäk'ijin ta ri caquiban ri ajk'ijab che ri Israel: ‘¡Joropa' ri mayibal ri e u banom ri Dios awuc'!’

Ri Isaiy 51:11

Jewa' xukuje' ri quitzelejic ulok ri quetorotaj na rumal ri Ajawaxel, queboc c'u na pa Sion ruc' rakoj tak chi'aj re quicotemal; ri qui palaj sibalaj cäja'jat na, cäquirik na utzil, quicotemal, ri k'oxomal xukuje' ri ok'ej cäsach na qui wäch.

Ri Jeremiy 31:7

Cächa ri Ajawaxel: “Chixbixon rumal quicotemal xukuje' jajatem rumal ri u tinimit ri Jacob, ri nim na u k'ij chquixo'l conojel ri nimak tak tinimit. Chibana' chi chtataj ri qui bixoj xukuje' chibij c'ut: ‘Ri Ajawaxel xucol ri u tinimit ri to'tajinak can che ri Israel.’

Ri Ezequiel 36:36

E are tak c'ut ri e c'ulja tak tinimit ri quec'asi' na canok caquich'ob na chi in, ri Ajawaxel, quinyac chi na ri wulijinak xukuje' quintic chi na ri jocom. In, ri Ajawaxel, nu bim, quinban c'u na.’ ”