Salmib 125:1 - Quiché Bible

¹ Ri caquijiquiba' qui c'u'x chrij ri Ajawaxel man queslabetaj taj; quejunamataj ruc' ri juyub Sion, kas xa jumul e jekelic.

Salmib 125:1 Referans Kwoze

Salmib 62:2

Xuwi ri are' quincolowic xukuje' qui nu ch'uku'; man quintzak taj, che c'u quinchap wi wib.

Ri Zacariy 1:17

Xubij chi c'u na ri aj cajalaj tako'n chwe: “Chaya' u bixic xukuje' wa': ‘Ri Ajawaxel ri c'o ronojel u cuinem je cubij wa: Quenbana' chi ri e nu tinimit sibalaj che k'inomar chi jumul; quenya' na c'ac' uxlabic che ri Sion, xukuje' quenya' chi na c'ac' u tzijol ri Jerusalen jacha' ri nu tinimit ri cha'talic.’ ”

Salmib 34:22

Are c'u ri Ajawaxel cuto'tajisaj u wi' ri qui c'aslemal ri pataninel tak rech; man cäc'äjisax ta qui wäch ri qui cuban qui c'u'x chrij.

Salmib 25:2

nu Dios, chij la cu'l wi nu c'u'x: mintzokopij la rech minkaj pa ri q'uixbal. ¡Maquitze'j nu wäch ri e nu c'ulel!

Salmib 120:1

Aretak in c'o chupam ri c'axc'ol, quinsiq'uij ri Ajawaxel, ri are' cutzelej c'ut u wäch nu tzij.

Nabe Tzijobelil 5:20

xeto' c'ut rumal ri Dios, xekaj c'ut ri aj agareyib pa qui k'ab xukuje' ri quinimom quib che qui to'ic, pa u niq'uiajil c'ut ri ch'o'j ri cätajin cäquibano xquitz'onoj che ri Dios chi chebuto'. Ri Dios xebuto' rumal rech chi xquicu'ba' qui c'u'x chrij.

Salmib 121:1

Aretak quebenwil tak ri c'ache'laj quinc'ot nu chi': “¿jawije' lo quel wi na ulok ri to'l wech?”

Salmib 62:6

Xuwi ri are' quincolowic xukuje' qui nu ch'uku'; man quintzak taj, che c'u nu ch'apom wi wib.

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

Salmib 122:1

¡Nimalaj quicotemal aretak cäbix chwe: “Jo' chupam ri rachoch ri Ajawaxel!”

Ri Miquey 4:2

q'uialaj tinimit quebopan na je caquibij wa': “Tisaj, chujpakal pa ri u juyub ri Ajawaxel, chupam ri rachoch ri u Dios ri Jacob, rech ri are' quebuc'ut tak ri e u be chkawäch chujcuin ta c'ut chujbin chquipam ri a laj tak u be.” Rumal rech chi pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij,

Ri Isaiy 51:16

xinlic' ri caj xukuje' xinjekeba' ri ulew. In xinya' ri nu tzij pa a chi' xatinchajij c'ut ruc' ri u to'banic ri nu k'ab. In xinbij che ri Sion: ‘Ri at at nu tinimit.’ ”

Salmib 123:1

Chwäch la quinkeb wi, Ajawaxel, ruc' bochi'nic; lal, ri cajawin la pa ri caj.

Salmib 27:1

Ri Ajawaxel are' nu chäj xukuje' ri nu to'tajisaxic, ¿jachin ta chuwäch quinxe'j ta wi wib? Ri Ajawaxel are cäto'w ri nu c'aslemal, ¿jachin ta chuwäch quinxe'j ta wi wib?

Apocalipsis 14:1

Xinwil ri Alaj Chij tac'al puwi' ri juyub Sion. E c'o jun sient cawinak quiejeb mil (144,000) winak ruc'. Tz'ibatal c'u ri u bi' ri Alaj Chij xukuje' ri u bi' ri u Tat cho ri u metz'al ri qui palaj.

Ri Zacariy 1:14

xuya' c'u takanic ri aj cajalaj tako'n chwe chi chinya' u bixic: “Are wa' ri cubij ri Ajawaxel ri c'o ronojel u cuinem: ‘In nim ri u lok'ok'exic ri Jerusalen wumal xukuje' ri juyub re Sion.

Ri Abdiy 1:21

Ruc' ch'äcanic quepaki' na pa ri juyub Sion che u k'atic tzij paquiwi' ri e c'o chupam ri e aj u c'ache'laj ri rulew ri Esau, are' c'u ri Ajawaxel are ri cajawin na.

Salmib 25:8

Ri Ajawaxel utz xukuje' suc'; quebupixbej ri ajmaquib pa ri qui c'aslemal,

1 Pedro 1:21

Rumal ri Crist ri ix xixcojon che ri Dios, ri xuc'astajisaj ri Crist chquixo'l ri cäminakib xukuje' xunimarisaj u k'ij, rech quixcojon che ri Dios xukuje' quicu'ba' i c'u'x chrij.

Ri Isaiy 52:1

Chatc'astajok, Sion, chatc'astajok, chacojo' a chuk'ab Jerusalen, tastalicalaj tinimit, chacojo' ri awatz'iak ri sibalaj e je'l na, rumal rech chi ri e k'ijilal tak diosib, ri e tz'il tak winak, man queboc ta chi na awuc'.

Ri Isaiy 51:8

cäsach c'u na qui wäch jacha' jun atz'iak ri chicopirinak, jacha' ri rismal chij ri kuchum cumal xjut. Are c'u ri nu colomal re chbe k'ij sak, ri colobenic ri quinya'o quech k'ij junab.”

Ri Isaiy 14:32

¿Jas ri cuya' cätzelex bic u bixic chque ri e qui takom we nim tinimit ri'? Chi ri Ajawaxel co u jekebam ri Sion e are' c'u ri e ch'ibatajinak che ri u tinimit caquito' na quib chila.

Salmib 147:11

are nim queril wi ri queyo'w u k'ij; ri caquijiquiba' qui c'u'x chrij ri u lok'ok'ebal u c'u'x.

Salmib 124:1

We ta ri Ajawaxel ma ta xc'oji' kuc' che u to'ic ka wi' —chubij c'u ri Israel camic—,

Salmib 46:5

Ri Dios c'o pa u niq'uiajil wa', carilij c'u na; ri Dios cäto'w na che u chaplexic ri k'ij.

Ri Isaiy 51:11

Jewa' xukuje' ri quitzelejic ulok ri quetorotaj na rumal ri Ajawaxel, queboc c'u na pa Sion ruc' rakoj tak chi'aj re quicotemal; ri qui palaj sibalaj cäja'jat na, cäquirik na utzil, quicotemal, ri k'oxomal xukuje' ri ok'ej cäsach na qui wäch.

Ucab Tzijobelil 20:20

Sibalaj c'u ak'ab xewalij chucab k'ij che u takexic qui be pa ri chaki'j uwo sak re Teco. Pa ri jok'otaj ri quebel bic, ri Josapat xutac'aba' rib che u bixic chque: “Chinitatabej, aj Jerusalen xukuje' ri e aj Juda: chi cuba' i c'u'x chrij ri Ajawaxel, ri i Dios, man c'o ta c'u qui c'ulmaj na; chi cuba' i c'u'x chquij tak ri e k'axal tzij ronojel c'ut utz quel na chiwäch.”

Salmib 20:8

Ri e are' quemejmob ri qui ch'ec, quetzakic, are c'u ri uj cäkatakej binem man cujtzak taj.

Salmib 46:6

Ri nimak tak tinimit quebel ch'u'j, ri ajawibal quebirbobic, ri uwächulew capuc'pubic aretak cuya' chi cätataj ri u ch'abal.

Salmib 62:3

¿C'ä jampa' lo qui tanaba' u chomaxic u banic c'ax chwe quinit'akij ta pa ulew jacha' jun tapia ri xak pachal chic o jun ja ri xa co'l man cätzakic?

Salmib 62:7

Pa u k'ab ri Dios c'o wi ri nu colotajic xukuje' ri u nimarisaxic nu k'ij; are' ch'ukul wech, xukuje' nu panibal.

E C'ambal tak Tzij 10:25

Coc'ow ri quiakik' jäb cäsach c'u u wäch ri banal etzelal, are' c'u ri suc' cäjeki' amak'el.

Ri Isaiy 26:3

Ajawaxel, ri lal quebe chajij la pa jamaril ri co e c'olic, rumal rech chi qui cuban qui c'u'x chi'j la.

Ri Isaiy 26:4

Chicu'ba' i c'u'x chrij ri Ajawaxel amak'el are' c'u jun to'bal ib ri junalic.