Salmib 121:3 - Quiché Bible

³ Mawi jubik' cuya' chi catjiljobic. Mawi jubik' cäwar ta na ri catchajinic.

Salmib 121:3 Referans Kwoze

E C'ambal tak Tzij 3:26

rumal rech chi ri Ajawaxel cuya' na jiquibam c'uxaj chawe, man cuya' ta c'u na c'olbal chi catkaj ta na pa jun apachique c'amibal.

E C'ambal tak Tzij 3:23

Cuya' catbin ruc' jiquibam c'uxaj pa ri be mawi c'u jumul cachak'ij ta na awib.

Nabe Samuel 2:9

Ri Are' cuchajij ri qui be ri e jic, are c'u ri itzel tak winak quecäm pa ri k'ekumalil, man c'o ta c'u jun cäch'äcan rumal ri u chuk'ab.

Ri Isaiy 27:3

In, ri Ajawaxel, in ri quinchajinic amak'el c'ut quinja'j. Chi pa k'ij chi chak'ab quinchajij rech man c'o ta c'ax curiko.

Salmib 91:12

Catquitelej na bic pa qui k'ab rech man cachak'ij ta awib puwi' jun abaj.

Salmib 127:1

We man are' ri Ajawaxel cäyacow ri rachoch Dios, man c'o ta cupatanij ri qui chac ri e yacanelab; we man are' ri Ajawaxel cäch'ukuw ri tinimit, man c'o ta cupatanij pune' quec'asc'at ri chajinelab.

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.

Salmib 66:9

Rumal rech chi u yo'm ka c'aslemal; man u yo'm ta chke chi cujtzakic.

E C'ambal tak Tzij 2:8

Quebuchajij ri quebin pa suq'uilal, cuya' c'u to'banic chque ri jic quebin chuwäch.

Salmib 41:2

Ri Ajawaxel are cuch'uku, cuya' u c'aslemal xukuje' rutzil u wäch cho ri uwächulew, man cujach ta pa qui k'ab ri e u c'ulel.

Salmib 55:23

Nu Dios, ri cämisanelab xukuje' ri banal tak tzij man naj ta quec'asi'c mawi cäniq'uiajir ri qui c'aslemal; lal caban na la chque chi quetzak bic chupam ri mukubal, ri in c'ut nu cuban nu c'u'x chij la.