Salmib 119:9 - Quiché Bible

⁹ ¿Jas lo cuban na ri c'ojol cacuinic caruc'aj jun ch'ajch'ojalaj u c'aslemal? ¡Rajawaxic cujunaj ri u c'aslemal ruc' ri tzij la!

Salmib 119:9 Referans Kwoze

2 Timoteo 2:22

Chatanimaj chquiwäch ri e itzelalaj tak rayinic aj c'ojolal, are chaterenej ri suq'uil, ri cojobal, ri lok'ok'ebal c'uxaj, ri jamaril, cuc' ri winak ri caquiban ch'awem ruc' Dios ri ch'ajch'oj ri canima'.

Ri Josue 1:7

xuwi wa' ri quintz'onoj chawe chi sibalaj chachajij anima' xukuje' co chattac'alok, chatz'akatisaj c'u ronojel ri cubij ri pixab ri xuya' ri Moises ri pataninel wech chawe. Je chabana' jas ri tz'ibatalic rech utz quel na ronojel ri cabano.

Salmib 25:7

menataj chi c'ut ri nu mac che la, mawi ri etzelal ri xinban pa ri wac'alal. Ajawaxel, chinnataj ba che la, rumal ri lok'ok'ebal c'u'x la xukuje' ri utzil la.

Salmib 119:11

E nu c'olom tak ri tzij la chupam ri wanima'; rech man quinmacun ta chwäch la.

E C'ambal tak Tzij 1:10

We ri ajmaquib cäcaj catquisubu, ¡maya' a tzij chi caban awe ri cäquibano, nu c'ojol!

Salmib 34:11

Chixpetok, nu c'ojol, chinitatabej: quenc'utu' c'ut chiwäch ri u ya'ic u k'ij ri Ajawaxel.

Ri Xuan 15:3

Ri ix ix josk'im chic rumal ri tzij ri nu tzijom chiwe.

Ri Tzijonel 11:9

Chaquicotisaj awib, ala o ali, camic ri at nojinak che c'aslemal; chatija' chacojo' ri utz camic ri c'ä catcuinic. Chanimaj ri cubij ri awanima' chawe xukuje' che ronojel ri cawilo, chnataj c'u chawe chi ronojel wa' ri Dios cutok'ij na chawe chi cacholajij na chuwäch.

E C'ambal tak Tzij 4:1

Walc'ual, chixoc il che u tatabexic ri pixbenic ri cuya' ri i tat chiwe; kas chitatabej ri cubij chiwe, rech quirik utzalaj chomanic.

E C'ambal tak Tzij 1:4

che u ya'ic qui nawinic ri c'ojolab ri man c'o ta queta'm, che c'u u ya'ic quetamanic xukuje' jic'oj ib.

E C'ambal tak Tzij 7:7

jujun c'ojolab ri man c'o ta quesan wi qui no'j, xbe c'u nu wäch che u ca'yexic ri nimalaj con na ri c'o chquixo'l.

Ri Job 1:5

Aretak queq'uis ri k'ij re ri ula'nic, ri Job quebusiq'uij ri e u c'ojol, sibalaj c'u ak'ab cäwalijic, quebuchi'j tabal tok'ob che qui q'uexwäch chquijujunal, che qui ch'ajch'obisaxic chque tak ri qui mac. Ri Job je cuban wa' amak'el, cuchomaj c'ut chi craj ne xemacun ri e u c'ojol craj ne c'o tzij xquibij chrij ri Dios pa canima'.

Ri Lucax 15:13

Oc'owinak chi quieb oxib k'ij, ri chak'axel u c'ojol xumulij bic ri puak, xbe naj pa jun ulew chic. Chila' c'ut xak xusachila' wi ri u k'inomal, xuban ronojel jas ri u rayinic.

Ucab Tzijobelil 6:16

Rumal c'u ri', Ajawaxel, u Dios ri Israel, tz'akatisaj ba' la xukuje' ri xchi'j la che ri pataninel ech la ri David, ri nu tat: chi mawi jubik' ri ma ta co jun rija'lil ri rumal ri tok'ob la, capaki' na puwi' ri tem re ajawibal re Israel, xuwi ta ne we ri e u c'ojol caquichajij ri qui c'aslemal caquitz'akatisaj c'ut ri pixab la jacha' ri u tz'akatisaxic ri xuban ri are'.

Ri Job 13:26

Quebec'am la ulok c'ayilaj tak tzujunic panuwi'; cäbij la chwe chi chebenk'alajisaj tak ri macaj ri xebenban pa ri walc'alal.

U Camulixic ri Pixab 17:18

Aretak ri ajawinel cuc'am ri takanic, cuya' na takanic chi cätz'ibax we pixab ri' pa jun wuj chic, quesax chupam ri nabe wuj ri chajital cumal ri cojol tabal tok'ob aj levitib.

Salmib 17:4

jacha' cäquiban ri niq'uiaj winak chic; nu najtajisam wib chque tak ri qui be ri tokinelab, nu banom ri cubij ri takanic la.

E C'ambal tak Tzij 2:11

Ri utzalaj chomanic xukuje' ri etamanic e are' wa' ri e chajil awech amak'el;