Salmib 119:4 - Quiché Bible

⁴ Lal yo'm la takanic chi ri e pixab la ri e banom la kas chetz'akatisax qui banic.

Salmib 119:4 Referans Kwoze

1 Juan 5:3

Ri u lok'ok'exic ri Dios are ri qui nimaxic ri cäquibij ri e u takomal. Ri e u takomal man e al taj.

Ri Xuan 14:21

Jachin ri c'o ri nu takomal ruc', ri u nimam c'ut, are ri' ri quinulok'ok'ej. Jachin c'ut ri quinulok'ok'ej, ri are' cälok'ok'ex na rumal ri nu Tat, ri in quinlok'ok'ej c'u na, quinc'ut c'u na wib chuwäch.”

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Ri Jeremiy 7:23

Are c'u ri takanic ri xinya' chque are wa' chi che niman chwe; we c'u je cäquiban wa' quincanaj ri' che qui Dios are c'u ri e are' quecanaj ri' che nu tinimit. Xinbij c'u chque chi je chiquibana' jacha' ri takanic ri xinya' chque, rech utz caquitaklebej.

Ri Xuan 14:15

“We quinilok'ok'ej, quebinimaj na ri' ri e nu takomal.

U Camulixic ri Pixab 12:32

Chitakej ba qui banic ronojel ri ix nu takom wi, c'o mit'ik che mawi c'o miwesaj che.”

Ri Josue 1:7

xuwi wa' ri quintz'onoj chawe chi sibalaj chachajij anima' xukuje' co chattac'alok, chatz'akatisaj c'u ronojel ri cubij ri pixab ri xuya' ri Moises ri pataninel wech chawe. Je chabana' jas ri tz'ibatalic rech utz quel na ronojel ri cabano.

U Camulixic ri Pixab 30:16

We quinimaj ri quix tak che u banic camic, quilok'ok'ej ri Ajawaxel ri i Dios, xukuje' quebitakej ri u be, xukuje' quixoc chubanic ri cäquibij ri e u takomal, pixab tak, xukuje' tak pixab tak ri e tz'ibam, quixc'asi' na xukuje' queq'uiyir na ri iwalc'ual, ri Ajawaxel ri i Dios quixutewichi'j na pa ri ulew ri quixjeki' wi na.

U Camulixic ri Pixab 11:22

We kas quebinimaj tak we takomal ri' ri quixintak che qui nimaxic camic, we quilok'ok'ej c'ut ri Ajawaxel ri i Dios, xukuje' jic c'ut u ternexic quiban pa conojel tak ri e u be,

U Camulixic ri Pixab 6:17

Chixoc il che qui nimaxic ri e u takomal ri Ajawaxel ri i Dios, ri e takanic xukuje' tak ri pixab ri ix u takom che qui banic.

U Camulixic ri Pixab 4:1

“Camic c'ut aj israelib, chitatabej ri pixab, ri takanic, ri e nu c'utum chic chiwäch, chebinimaj rech quixc'asi'c quixoc c'u che rechbexic ri ulew ri cuya' ri Ajawaxel chiwe ri qui Dios ri e i mam.

U Camulixic ri Pixab 11:13

We ri ix quebinimaj tak ri takomal ri e nu yo'm chiwe pa we k'ij ri', quilok'ok'ej c'ut ri Ajawaxel, xukuje' quik'ijilaj ruc' ronojel iwanima' xukuje' ruc' ronojel i c'aslibal,

U Camulixic ri Pixab 4:9

Rumal ri' sibalaj chixoc il chi mebisach ri jastak pa i jolom ri iwilom, mawi chebel ta pa iwanima'; xane' chebik'alajisaj chquiwäch ri iwalc'ual xukuje' chquiwäch ri u wi' tak i mam.”

Elem 7:6

Ri Moises xukuje' ri Aaron xquiban ronojel ri xetak che u banic rumal ri Ajawaxel.

U Camulixic ri Pixab 6:3

Aj israelib, chixoc ba che qui nimaxic we pixab ri'. Utz c'u quixel na, quixux na jun tinimit re e q'uia winak pa we ulew ri' ri cätixin wi leche xukuje' juyubal räx cab jacha' ri ja', jas ri u bim ri Ajawaxel ri qui Dios ri e i mam.

Ri Esdras 7:21

Are c'u ri in, ri ajawinel Artajers, quinya' takanic chque conojel ri c'olol tak puak ri c'o pa ri u kajebal k'ij che ri nima' Euprats chi, melquik'ij, chquijacha' ronojel ri cutz'onoj che ri Esdras, ri cojol tabal tok'ob xukuje' ajtij ri u tijom rib chupam ri u pixab ri Dios aj caj:

Ri Ezequiel 20:19

Xinbij chque: In ri' ri Ajawaxel ri i Dios. Chebitz'akatisaj qui banic tak ri nu pixab jas ri tz'ibatalic xukuje' tak ri takanic ri e nu yo'm qui bixic,