Salmib 119:10 - Quiché Bible

¹⁰ Ri in quintzucun che la ruc' ronojel wanima'; maya' la c'olbal chi quintas ta wib chquij ri e takomal la.

Salmib 119:10 Referans Kwoze

Salmib 119:34

Chya' la nu chomabal che u c'olic ri tijonic la; ¡quinwaj quinnimaj ruc' ronojel wanima'!

Salmib 119:2

Sibalaj utz quech ri queboc il chque tak ri e u takanic cäquitzucuj c'ut ruc' ronojel canima',

Salmib 23:3

quebuya' c'ac' tak nu chuk'ab, quinuc'am c'u bic pa suc'alaj tak be, quinya' c'u u k'ij ri u bi'.

Ucab Tzijobelil 15:15

Ronojel ri Juda sibalaj xquicot rumal ri chi'nic ri kas cäban na ri chokinak wi, ri qui banom ruc' c'u ronojel canima' ri chi'nic ri kas cäban na xecha', xukuje' ruc' ronojel ri qui rayibal qui tzucum ri Ajawaxel, u c'utum c'u rib ri are' chquiwäch u yo'm c'ut ri jamaril chque cuc' conojel tak ri qui c'ulja.

Ri Isaiy 35:8

Cäc'oji' na jun be, ri cabinax na “ri be ri tastalic”. Ri man e ch'ajch'oj taj man cuya' ta caquibinibej; ri man c'o ta qui no'j man cuya' ta cäquibinibej.

Salmib 119:133

Chc'ama' la nu be je jas ri cubij ri tzij la; maya' la be chi quinkajbex rumal ri etzelal.

E C'ambal tak Tzij 21:16

Ri man cutakej ta jun c'aslemal ri utz u chomaxic, quetac'al na chquixo'l ri cäminakib.

Salmib 119:118

Lal quetzelaj la qui wäch ri cäquitas quib chquij ri pixab la, rumal rech chi man c'o ta u beya'l ri qui chomanic.

Salmib 119:21

Ri lal cak'atij la qui wäch ri e banal tak nimal xukuje' ri e c'okotajinak, ri cäquitas quib chquij tak ri e takomal la.

Colosenses 3:22

Ix lok'om tak pataninelab, chebinimaj ri iwajaw waral cho ri uwächulew pa ronojel. Chebipatanij, man xuwi ta c'ut aretak quixquilo rech quixkaj chquiwäch, xane' ruc' ronojel iwanima', chixe'j iwib chuwäch ri Dios.

Ri Jeremiy 3:10

Bantajinak chi c'u ronojel wa', ri Juda ri man jic taj mawi xutzelej ta rib wuc' ruc' ronojel ri ranima', xane' xa' subunic xuban chnuwäch. In, ri Ajawaxel quinjiquiba' u bixic.”

E C'ambal tak Tzij 2:13

ri quiyo'm can ri utzalaj be quebe c'u pa k'ekumalaj tak be ri latz'.

Salmib 125:5

e are' c'u ri quebin pa ri itzel be bana' la chi je cäquitaklebej jas ri cäquitaklebej ri itzel tak winak. ¡Chc'ol c'u jamaril pa Israel!

Salmib 78:37

mawi jubik' xux ta jic ri canima' chuwäch, mawi xebin ta jic pa ri u c'ulwächinic.

Salmib 119:176

Nu jalon nu be jacha' jun chij; ¡petba' la che nu tzucuxic, man c'u e sachinak ta ri e takomal la pa nu jolom!

Nabe Samuel 7:3

Rumal c'u rech wa', ri Samuel xubij chque conojel ri aj israelib: “We ri ix quixtzelej ruc' ronojel ri iwanima' ruc' ri Ajawaxel, rajawaxic quebiwesaj bic tak ri qui diosib ri e jule' tak winak chic ri e c'o iwuc' xukuje' ri e qui wächbal tak ri Astarte, quijach c'u ri i c'aslemal pu k'ab ri Ajawaxel, xuwi c'u che ri Are' quixk'ijilan wi cuya' c'u na i chuk'ab ri' rech quixch'äcan paquiwi' ri aj pilisteyib.”

1 Juan 2:15

Milok'ok'ej ri uwächulew, mawi ri jastak ri e c'o cho ri uwächulew. Apachin ri culok'ok'ej ri uwächulew, man culok'ok'ej ta ri' ri Tataxel.

Ri Matey 6:24

“Man c'o ta jachin jun cäcuinic quebupatanij quieb ajawib, rumal rech chi cäretzelaj na u wäch ri jun, culok'ok'ej c'u na ri jun chic, o cäruc'aj rib ruc' ri jun, man nim ta c'u cäril wi ri jun chic. Man quixcuin taj quipatanij ri Dios xukuje' ri k'inomal.”

Ri Osey 10:2

Ri Israel quieb u banom ri ranima', are c'u ri camic coc na che u tojic ri u mac. Ri Ajawaxel quebusachisaj na qui wäch tak ri qui porobal quebut'akij tak na ri cabaj ri e tastalic.

Salmib 119:69

Ri e banoj nimal e nimol tak quib cäquiyac jalum k'abam chwij, Are c'u ri in ruc' ronojel wanima' quebentz'akatisaj ri pixab la ri e tz'ibatalic.

Salmib 119:58

Ruc' ronojel wanima' nu cojom nu chuk'ab rech utz quinil la; bana' ba' la utzil chwe jas ri u cholajil ri chi'm la.

Ri Ezequiel 34:6

Xquituquij quib pa conojel tak juyub xepaki' paquiwi' tak ri ch'ucuch'ak tak juyub, xquijabula' tak quib pa ronojel ri uwächulew, man c'o ta c'u jachin xoc ta il chque, ri xbe ta che qui tzucuxic.