Salmib 118:28 - Quiché Bible

²⁸ Quinmaltioxin che la quinya' c'ut u k'ij ri nimalil la, lal c'ut ri nu Dios.

Salmib 118:28 Referans Kwoze

Ri Isaiy 25:1

Ajawaxel, lal ri nu Dios in quinya' k'ij la xukuje' quintewichi'j ri bi' la, rumal rech chi esam la ri mayibalalaj tak chomanic la chi sak, e jic xukuje' co e jekelic kas e ojer ulok.

Salmib 146:2

Quinya' u k'ij ri Dios joropa' k'ij ri quinc'asi' na; quinbixoj na bix che ri nu Dios joropa' k'ij quinc'oji' na.

Elem 15:2

“Ri nu bix quinya' che ri Ajawaxel, are nu chuk'ab xukuje' nu colotajic. Ri are' are nu Dios, ya'tal u k'ijilaxic wumal; are u Dios ri nu tat, ya'tal u ya'ic u k'ij wumal.

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Ri Isaiy 25:9

Pa ri k'ij ri' cäbix na: “Are wa' ri ka Dios, chrij ri are' cu'l wi ka c'u'x are c'u xujcolowic. Chujjajat che tze', chujquicotok, are' c'u uj colowinak.”

Salmib 145:1

Quintzijoj na chi sibalaj nim banic la, nu Dios Wajawinel; quintewichi'j na ri bi' la amak'el.

Nabe Tzijobelil 16:14

are' ri Ajawaxel, ri ka Dios; ¡are' ri catakan puwi' ronojel ri uwächulew!

Salmib 143:10

Chc'utu' la chnuwäch ri u banic ri rayibal la, lal c'ut ri nu Dios. ¡Are' ta ba' ri utzalaj uxlabal la chinc'amow bic chupam jun suc'alaj be!