Salmib 117:2 - Quiché Bible

² Are c'u ri lok'ok'ebal u c'u'x chke sibalaj nim; ¡ri u jiquil ri Ajawaxel junalic! ¡Chyo'k u k'ij ri Ajawaxel!

Salmib 117:2 Referans Kwoze

Ri Isaiy 25:1

Ajawaxel, lal ri nu Dios in quinya' k'ij la xukuje' quintewichi'j ri bi' la, rumal rech chi esam la ri mayibalalaj tak chomanic la chi sak, e jic xukuje' co e jekelic kas e ojer ulok.

Salmib 103:11

sibalaj c'o na ri u nimal lok'ok'ebal u c'u'x chque ri nim queilowic, jacha' ri u nimal ri caj puwi' ri uwächulew.

Salmib 89:1

Amak'el quinbij chupam ri nu bix, Ajawaxel, chi sibalaj lal banal utzil; man quintanaba' ta u tzijoxic chi ri lal lal jic.

1 Juan 5:6

Are' wa' ri xpe ruc' ja' xukuje' ruc' quic', are' wa' ri Jesucrist. Man xuwi ta ruc' ja', xane xukuje' ruc' ri ja' xukuje' ruc' ri quic'. Are c'u ri Uxlabaxel cäk'alajisan wa'. Ri Uxlabaxel c'ut are ri kastzij.

Salmib 85:10

Ri lok'ok'ebal c'uxaj xukuje' ri kastzij cacuc'aj na quib, ri jamaril xukuje' ri colomal cäquitz'umaj na quib,

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Salmib 146:6

Are' xbanow ri caj, ri ulew, ri plo, xukuje' conojel ri e c'o chquipam. Ri are' amak'el u jekebam ri u tzij.