Salmib 117:1 - Quiché Bible

¹ Nimak tak tinimit xukuje' conojel tinimit, chixk'ijilan che ri Ajawaxel.

Salmib 117:1 Referans Kwoze

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Romanos 15:11

Xukuje' cubij chi pa jun c'olbal: “Iwonojel ri ix ri nimak tak tinimit, iwonojel ri ix tinimit chiya' u k'ij ri Ajawaxel.”

Salmib 67:3

Nu Dios, chk'ijilax la cumal tak ri tinimit; ¡conojel tak ri tinimit chk'ijilax la cumal!

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.

Salmib 66:1

Chixbixon che ri Dios ruc' quicotemal, iwonojel ri ix jekel cho ri uwächulew;

Salmib 86:9

Oh Ajawaxel, lal lal wocowinak conojel ri nimak tak tinimit, quepe c'u na uc' la che k'ijilaxic la xukuje' che u ya'ic u k'ij ri bi' la.

Salmib 66:4

conojel ri winak cho ri uwächulew quek'ijilan che la, cäquibixoj bix che ri bi' la.”

Salmib 150:6

Ronojel ri cuxlabic chuya' u k'ij ri Ajawaxel. ¡Chyo'k u k'ij ri Ajawaxel!