Salmib 114:8 - Quiché Bible

⁸ ¡Ri are' xebujalwächij ri tac'atak tak abaj pa tak c'ua'! ¡Xebujalwächij ri nimalaj tak abaj pa qui q'uiyibal tak ja'!

Salmib 114:8 Referans Kwoze

Salmib 107:35

cuq'uex ri chaki'j uwo sak pa cho, ri chaki'j ulew pa u q'uiyibal ja';

U Camulixic ri Pixab 8:15

ri xixubinisaj pa ri nim xukuje' xibibalajaj chaki'j uwo sak, ri nojinak chque cumätz ri quecämisanic xukuje' sina'j, ri man cäriktaj ta wi ja'. Are c'ut ri are' xresaj ja' che jun cowilaj abaj, xuya' c'ut ri cacuq'uiaj.

Ajilanic 20:11

Cätajin cubij wa', ri Moises xuwalijisaj ri u k'ab camul c'ut xuk'osij ri ch'amiy che ri nimalaj abaj xtixtob c'u ulok ri ja'. Jeri' ri winak xukuje' tak ri awaj xeboc che uq'uianic.

Salmib 105:41

Xupaxij ri abaj, xel ulok ja' chupam, ri xlemem pa ri chaki'j uwo sak jacha' jun nima'.

Elem 17:6

Quinc'oji' c'u che aweyexic chila' pa ri juyub Horeb, puwi' ri nimalaj abaj, aretak c'ut cac'ojij ri nimalaj abaj, quel na ulok ja' chupam rech cäquitij ri winak.” Je c'u xuban ri Moises chquiwäch ri nimak tak tatayib aj israelib,

1 Corintios 10:4

Conojel xcuq'uiaj que ri xa junam uq'uia' aj uxlabal. Rumal rech chi xcuq'uiaj que ri ja' ri xpe pa ri abaj aj uxlabal ri junam benak cuc'. Ri abaj ri' are ri Crist.

Ri Nehemiy 9:15

Xya' c'u la wa chque ri petinak chicaj che resaxic ri qui wi'jal xukuje' qui ja' ri xel chupam ri nimalaj abaj che u cämisaxic ri qui chaki'j chi'. Xbij c'u la chque chi cheboc che jekelem chupam ri ulew ri chi'm la chque.