Salmib 114:4 - Quiché Bible

⁴ ¡Ri juyub xukuje' tak ri c'ache'laj xech'opinic jacha' ama'ib tak chij xukuje' alaj tak chij!

Salmib 114:4 Referans Kwoze

Elem 19:18

Ronojel c'u ri juyub Sinai xbukuw sib puwi', rumal rech chi ri Ajawaxel kajinak ulok pa u niq'uiajil ri k'ak'. Ri u sibal ri cäpakic junam ruc' ri u sibal jun jorno, ronojel c'u ri juyub sibalaj cäyicopic.

Elem 20:18

Conojel ri aj israelib kas xquinabej ri cakulja, xukuje' ri caypa', ri cok'ibal trompet xukuje' ri juyub ri mukutal pa ri sib; xebirbobic, naj xequiya' wi quib.

Ri Habacuc 3:6

Ri ulew cäyicopic aretak ri are' cätaqui'c; quebirbob ri nimak tak tinimit aretak quebuca'yej; ri e ojer tak juyub quewulijic queja'r c'ut ri ojer tak juyub; e are' tak c'ut ri e u be ri Dios e re chbe k'ij sak.

Apocalipsis 20:11

Xinwil c'u jun nim sakloloj tem re ajawibal xukuje' c'u ri t'uyul puwi'. Ri caj xukuje' ri ulew xebanimaj chuwäch ri are'. Man xriktaj ta jun c'olbal chque.

Ri Habacuc 3:8

¿La e yactajinak oyowal la, Ajawaxel, chquij tak ri nima'? ¿La nicowinak ri c'anal la chquij tak ri plo? ¿Rumal c'u ri' caquiejen la chquij tak ri e quiej la coc c'u la chupam ri carwaj la ri ch'äcanel?

Salmib 29:6

Quebuyicopisaj tak ri juyub Libano xukuje' ri Sirion; ¡cuban chque chi quech'opinic jacha' ama'ib tak wacax xukuje' alaj ama'ib tak wacax!

Salmib 18:7

Xuban c'u jun nimalaj cabrakan cho ri ulew: xeyicop ri qui tac'alibal tak ri juyub; xeyicya'x rumal ri royowal ri Ajawaxel.

Ri Nahum 1:5

Chuwäch are' quebirbob ri c'ache'laj; ri tac'atak tak juyub queja'r chuwäch ri u wächbal. Ronojel ri ulew cabirbobic aretak carilo; ronojel ri uwächulew xukuje' conojel ri e jekel chuwäch.

Salmib 68:16

Ix, ri sibalaj ix tac'atak tak juyub, ¿Jasche c'ax quina' chrij ri juyub ri xraj ri Dios xjeki' wi? ¡Ri Ajawaxel chila' cäjeki' wi na chbe k'ij sak!

Salmib 39:6

“¡Ronojel winak xak coc'owic xa jacha' jun nanoch'! Man c'o ta cupatanij che cumulij sibalaj k'inomal, man reta'm ta c'ut jachin quechben canok.