Salmib 113:3 - Quiché Bible

³ ¡Chyo'k u k'ij ri u bi' ri Ajawaxel pa elebal k'ij c'ä pa ri u kajebal k'ij!

Salmib 113:3 Referans Kwoze

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Salmib 18:3

Lal, Ajawaxel takal k'ijilaxic la: aretak quinsiq'uin che la, quinesaj la pa qui k'ab ri qui banom qui c'ulel chwe.

Ri Isaiy 49:13

¡Caj, charaka' a chi' rumal quicotemal! ¡Ulew, chatnoj che quicotemal! ¡C'ache'laj chiraka' i chi' rumal ri utzil ri i rikom! Ri Ajawaxel u cubisam c'ut u c'u'x ri u tinimit, u tok'obisam u wäch chupam ri c'ax ri cäriktaj wi.

Salmib 86:9

Oh Ajawaxel, lal lal wocowinak conojel ri nimak tak tinimit, quepe c'u na uc' la che k'ijilaxic la xukuje' che u ya'ic u k'ij ri bi' la.

Ri Isaiy 59:19

Conojel ri winak cho ri uwächulew pa elebal k'ij c'ä che u kajebal k'ij, nim caquil wi na ri Ajawaxel aretak cäquilo chi nim u banic, cäpe c'u na ri are' jacha' jun nimalaj nima' ri walijinak u wäch ri slabesam rumal jun nimalaj quiakik'.

Salmib 48:10

Nu Dios, cäya' k'ij la cho ronojel ri uwächulew jas ri takal che ri bi' la. Ruc' ri cuinem la caban la tz'akatalaj suq'uilal.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Salmib 72:11

¡Chi conojel c'ut ri ajawinelab chexucul chuwäch! ¡Chi conojel c'ut ri nimak tak tinimit chepatanin che!

Ri Habacuc 2:14

Are c'u ri retamaxic u wäch ri u juluwem ri Ajawaxel cunojisaj c'u na ronojel ri uwächulew, jacha' ri cuban ri ja' cunojisaj ri plo.

Salmib 50:1

Ri Ajawaxel, ri qui Dios ri c'o quekle'n, ch'awinak; e u siq'uim conojel ri winak ri e c'o cho ri uwächulew, ri e c'o pa elebal k'ij, ri e c'o pa ri u kajebal k'ij.

Ri Isaiy 24:16

Kas chuq'uisbalil ri ulew ka tom cäbixoxic: “¡Chyo'k u k'ij ri suc'!” Are c'u ri in xinbij: Tok'ob nu wäch, c'o nimalaj c'ax, c'o nimalaj c'ax. Ri jachinelab ri quieb qui wäch cäquiban jun itzel jachanic.