Salmib 113:2 - Quiché Bible

² ¡Tewichital camic xukuje' amak'el ri u bi' ri Ajawaxel!

Salmib 113:2 Referans Kwoze

Ri Daniel 2:20

cuc' tak we tzij ri': “Tewichi'm ba' amak'el ri u bi' ri Dios, e rech c'ut ri no'j xukuje' ri cuinem.

Apocalipsis 5:13

Conojel ri jastak ri e banom rumal ri Dios, ri e c'o pa ri caj, ri e c'o cho ri uwächulew, ri e c'o chuxe' ri ulew, ri e c'o pa ri plo, xukuje' conojel ri jastak ri e c'o chquipam, xinto chi cäquibij: “Che ri t'uyul pa ri tem re ajawibal xukuje' che ri Alaj Chij chyok wi ri tewichi'nic, xukuje' ri nim ilic, xukuje' ri juluwem, xukuje' ri cuinem amak'el chbe k'ij sak.”

Salmib 41:13

¡Tewichital ri Ajawaxel, u Dios ri Israel, camic xukuje' chbe k'ij sak! ¡Je chelok!

Nabe Tzijobelil 16:36

¡Tewichital ba' ri Ajawaxel, ri u Dios ri Israel, pa ronojel ri junaliquil!” Ronojel c'u ri tinimit xutzelej u bixic: “¡je' chbanok!,” xuk'ijilaj c'ut ri Ajawaxel.

Efesios 3:21

¡Yok ba' juluwem che ri Dios pa ri comon cojonelab xukuje' che ri Crist Jesus, pa conojel ri k'ij junab xukuje' re chbe k'ij sak! Je chbanok.

Salmib 106:48

¡Tewichital ri Ajawaxel, ri u Dios ri Israel, chbe k'ij sak! ¡Conojel chqui bij: “Je' chelok!” ¡Chyo'k u k'ij ri Ajawaxel!

Salmib 115:18

are c'u ri uj cäkak'ijilaj na camic c'ä chbe k'ij sak. ¡Chyo'k u k'ij ri Ajawaxel!