Salmib 109:12 - Quiché Bible

¹² Chi man c'o ta jun chel ta u c'u'x che, are' xukuje' chque ri e u c'ojol ri e minorib.

Salmib 109:12 Referans Kwoze

Santiago 2:13

Ri jun ri man elinak ta u c'u'x chque niq'uiaj chic, ri Dios man quel ta u c'u'x che ri are' aretak cuk'at na tzij puwi'. Nim na ri elebal c'u'x chuwäch ri k'atoj tzij.

Ri Lucax 6:38

Chixyanok, cayan c'u na ri Dios chiwe, ruc' utzalaj pajbal, t'icom, slabesam, cächemowisax ri i c'olbal. Jas ri pajbal quicoj ix cuc' niq'uiaj chic, je cäcoj na chiwe.

Ri Matey 27:25

Conojel ri winak je xquibij wa': “¡Chkaj ri u quiq'uel pakawi' uj xukuje' paquiwi' ri kalc'ual!”

Ri Isaiy 27:11

Ri e u k'ab jun che' quek'ajic aretak quechaki'jaric quepe c'u ri ixokib quequimol bic quequicoj pa k'ak'. Jun tinimit wa' ri man c'o ta u chomanic. Rumal ri' ri Dios ri xq'uiyisanic, man cutok'obisaj ta u wäch mawi quel ta u c'u'x che.

Ri Isaiy 13:18

Ruc' ri qui k'ab quequikasaj na ri alabom. Man cäquitok'obisaj ta qui wäch ri c'äte xebalaxic, mawi quel qui c'u'x chque ri ac'alab.

Ri Isaiy 9:17

Rumal ri' ri Ajawaxel man xutok'obisaj ta qui wäch ri alabom, mawi xel u c'u'x chque ri minorib xukuje' ri malca'nib. Rumal rech chi ronojel ri tinimit man nimanel taj xukuje' banal etzelal, conojel cäquibij conalaj tak tzij. C'ä maja' c'u ne coc'ow ri royowal ri Ajawaxel ri are' c'ä u takem na u cojic xib.

Ri Job 5:4

Ri e u c'ojol man c'o ta jachin ta jun queto'wic; pa tak ri k'atbal tzij caban ri man suq'uilal taj chque man c'o ta c'u jachin cato'w ta na qui wi'.