Salmib 104:1 - Quiché Bible

¹ ¡Quintewichi'j na ri Ajawaxel ruc' ronojel ri nu c'aslibal! ¡Sibalaj lal nim banic la, Ajawaxel xukuje' nu Dios! Atz'iakim ib la ruc' juluwem xukuje' nim ilic;

Salmib 104:1 Referans Kwoze

Salmib 103:22

¡Chnimalaj ronojel ri winakirisam chtewichi'n che ri Ajawaxel pa conojel ri u c'olbal ri rajawibal! ¡Quintewichi'j na ri Ajawaxel ruc' ronojel ri nu c'aslibal!

Salmib 145:3

Ri Ajawaxel nim u banic, sibalaj takal che cäya' u k'ij; ri u nimalil coc'ow na chuwäch ri ketamanic.

Salmib 96:6

¡C'o nimalaj juluwem chuwäch! ¡C'o cuinem xukuje' je'lal chupam ri cak'ijilax wi!

Ri Isaiy 59:17

Xuch'uk rib je ta ne xucoj ta jun to'bal uwo c'uxaj, xucoj ri colobal ib jacha' ta ne jun to'bal jolomaj, xratz'iakij ri tojow q'uexelal jacha' jun u pam atz'iak, xupis c'u rib chupam ri oyowal jacha' jun ch'ukubal.

Salmib 93:1

¡Ri Ajawaxel ajawinel! ¡Ri Ajawaxel xratz'iakij rib ruc' juluwem, xukuje' u sutim rij ruc' cuinem! Are' xjekeban ri uwächulew rech man cäslab taj.

Ri Daniel 9:4

Xinban ch'awem ruc' ri Ajawaxel ri nu Dios, xinban c'u we k'alajisanic ri' chuwäch: ‘Ajawaxel, nimalaj Dios ri xukuje' c'o u cuinem, ri amak'el quetz'akatisaj la ri cächi'j la cac'ut c'u la ri lok'ok'ebal c'u'x la chque ri quelok'ok'en che la ri xukuje' cäquitz'akatisaj qui banic ri e takomal la:

Salmib 104:35

Chsach qui wäch ri ajmaquib cho ri uwächulew. ¡Militaj chquiwäch ri banal tak etzelal! ¡Quintewichi'j na ri Ajawaxel ruc' ronojel ri nu c'aslibal! ¡Chyok u k'ij ri Ajawaxel!

Ri Jeremiy 23:24

¿Jachin ta lo ri cäcuinic cuc'u' ta rib chquiwäch ri nu bak'wäch? Ruc' ri nu wächbalil quinnojisaj ri caj xukuje' ri ulew. In ri Ajawaxel quinjiquiba' u bixic.

Salmib 7:1

Ajawaxel, nu Dios, uc' la quintzucuj wi u ch'ukic wib; ¡Chinto'tajisaj la chinesaj la pa qui k'ab ri cäcaj caquiban c'ax chwe!

Ri Habacuc 1:12

Ajawaxel, ¿la xa' pu ma ta lal jekel chbe k'ij sak, ri tastalicalaj nu Dios ri man cämel taj? Ajawaxel xukuje' to'l wech, lal lal yowinak qui chuk'ab ri aj caldeyib rech e are' quebanow ri suq'uilal la.

Ri Daniel 7:9

“Xintakej ca'yem, c'ä xecoj na jujun tak tem re ajawibal, xt'uyi' c'u jun Nim Winak. Ri ratz'iak sibalaj e sak jacha' ri sakalaj tew, ri u wi' jacha' ri ch'ajch'ojalaj rismal chij. Ri u tem re ajawibal xukuje' tak ri e u quetet e rak' k'ak',

Salmib 95:3

Rumal rech chi ri Ajawaxel are' nimalaj Dios, ri nimalaj Ajawinel ri c'o paquiwi' conojel ri diosib.