Salmib 103:5 - Quiché Bible

⁵ ri quinunojisaj che ronojel u wäch utzil, quinrac'alobisaj c'ut jacha' jun cot.

Salmib 103:5 Referans Kwoze

Ri Isaiy 40:31

are c'u ri cäquicu'ba' qui c'u'x chrij ri Ajawaxel cäc'aq'uir na ri qui chuk'ab amak'el, quecuinic querapapic jacha' ri cot quecuinic quexiq'uinic man quecos taj, quebinic man quetukar taj.

Salmib 107:9

Ri are' cuchupisaj ri u chaki'j chi' ri cachaki'j u chi' cutz'ebej c'u u tzukic ri c'o pa numic.

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.

2 Corintios 4:16

Rumal wa' man cäq'uistaj ta c'u ka c'u'x. Pune' ta ne cätajin cuban k'e'l ri ka cuerp, are c'u ri kanima' cäc'ac'arisaxic k'ij chi k'ij.

Salmib 63:5

Kas c'u quinnoj canok, jacha' ri cutij ronojel ri ulabal ri sibalaj je'lic, e are tak c'ut ri nu chi' quek'ijilan na che la ruc' quicotemal.

Salmib 104:28

Ri lal queya' la chque, ri e are' quequimolo; cäjak ri k'ab la, quenoj c'u ri qui pam che ronojel ri utz na;

Salmib 23:5

Suc'umam la jun ula'bal chwe chquiwäch ri e nu c'ulel; jamim la c'oc'al pa nu jolom, chemowisan la ri wuq'uiabal.

Salmib 65:4

Utz re ri winak ri cächa' la ri cäc'am c'u la bic rech cäjeki' chnakaj la, pa tak ri c'olbal ri e c'o pa ri achoch la. ¡Chujnojisaj la che ri utz na ri c'o pa ri achoch la, che ri u tastaliquil ri achoch la!

Ri Osey 2:15

Quebentzelej tak c'u na ri uva ri e u ticom, quinq'uex c'u na ri beya' re Acor pa oquibal re eyebal c'uxaj che. Chila' cutzelej wi na u wäch ri quinbij che jacha' pa ri ralc'alal, jacha' ri k'ij aretak xel ulok pa Ejipt.

Ri Josue 14:11

sibalaj c'u c'ä c'o nu chuk'ab jacha' aretak xinutak bic ri Moises che rilic ri ulew, c'ä quincuin c'ut quinxiq'uinic xukuje' quinch'ojinic junam jas pa tak ri k'ij ri'.

Ri Job 33:25

cac'astaj chi c'u na ri rutzil u wäch ri u cuerp cux ta chi c'u na jacha' ri xc'oji' chupam ri ralc'alal.