Salmib 102:28 - Quiché Bible

²⁸ Cäya' la jicomal chque ri e quija'lil ri e pataninel tak ech la; kas chwäch c'u la quejekeba' wi na la.

Salmib 102:28 Referans Kwoze

Ri Isaiy 66:22

Xukuje' cujiquiba' u bixic ri Ajawaxel: “Je' jacha' ri c'ac' caj xukuje' ri c'ac' ulew ri quebenban na quejeki' na amak'el, jeri' xukuje' quejeki' na ri e u k'ab tak awachalaxic chbe k'ij sak.

Ri Isaiy 65:22

Man cäc'ulmataj ta na wa' chi jun winak cuyac jun ja jun ta chi c'u wi ri cäc'oji' chupam, o chi jun winak cutic u wäch ri rulew jun ta chi c'u wi ri cäyacow ri u wächinic ri tico'n. Ri nu tinimit sibalaj naj cäc'asi na jacha' ri u c'aslemal jun che'; ri e chatal wumal qui quitij na quequicoj na ri jastak ri e qui banom ruc' ri qui k'ab.

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Salmib 89:4

“Quinban na chi ri e awija'lil quebajawin na amak'el chupam ri a c'olbal.”

U Camulixic ri Pixab 32:39

Xuwi ri in in Dios; man e c'o ta niq'uiaj chic chnuwäch in. In quinyo'w ri c'aslemal xukuje' in quinesan ri c'aslemal; in quinbanow ri socotajic xukuje' in quincunanic. Man c'o ta jachin jun cacuinic cuto'tajisaj ta rib pa ri nu k'ab.

Ri Job 10:5

¿La xa puch k'atatal ri c'aslemal la jacha' ri rech jun cämel?

Ri Isaiy 41:4

¿Jachin banowinak we chac ri'? ¿Jachin ri kas pa ri tiquiritajic u cholajim ulok ri u be ri tzijobelil? In, ri Ajawaxel, ri xuwi ri in in Dios, ri nabe xukuje' ri q'uisbal.

Ri Isaiy 43:13

Ojer ulok in Dios wi. Man c'o ta jun cäcuinic cäresaj rib pa nu k'ab. Man c'o ta jun cäcuinic cuyojij ri quinbano.”

Ri Malaquiy 3:6

“In ri' ri Ajawaxel. Man nu q'uexom ta wib. Rumal c'u ri' ri ix ri ix rija'lil ri Jacob, man chupisam ta i wäch.