Salmib 102:26 - Quiché Bible

²⁶ Ronojel wa' cäsach na u wäch, are c'u ri lal co lal c'olic. Ronojel wa' cäjar na jacha' ri atz'iak; lal caq'uexow na la, cacanaj c'u q'uextajinak, jas ri cuban jun cuq'uex ri ratz'iak.

Salmib 102:26 Referans Kwoze

Ri Isaiy 51:6

Chixca'y chicaj, chixca'y iquim, cho ri ulew: ri caj cäsach na u wäch jacha' ri sib, ri ulew cajar na jacha' jun atz'iak ri winak ri e c'o chuwäch quecäm na e jacha' ri us. Are c'u ri nu colonic cac'oji' na chbe k'ij sak, ri nu colobenic man caq'uis ta na.

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Ri Isaiy 34:4

Conojel ri ch'imil ri e c'o chicaj quetuquin na, ri caj cubot na rib jacha' jun wuj, conojel ri ch'imil quechup na, jacha' ri u chaki'jaric xukuje' ri u tzakic jun xakaj ri ch'upch'ubinak che ri juwi' uva o che ri juwi' higo.

Apocalipsis 20:11

Xinwil c'u jun nim sakloloj tem re ajawibal xukuje' c'u ri t'uyul puwi'. Ri caj xukuje' ri ulew xebanimaj chuwäch ri are'. Man xriktaj ta jun c'olbal chque.

Ri Lucax 21:33

Cäsach na u wäch ri caj ulew, are c'u ri nu tzij man cäsach ta u wäch.

Apocalipsis 21:1

Xinwil jun c'ac'alaj caj xukuje' jun c'ac'alaj ulew. Ri nabe caj xukuje' ri nabe ulew xeboc'owic. Xukuje' ri plo man c'o ta chic.

Romanos 8:20

Conojel ri e banom rumal ri Dios xebux man c'o ta qui patan. Man xak ta c'u pa quech wi xquic'ulmaj wa', xane' je xraj ri Dios chque, rech cäqueyej jun k'ij

Ri Isaiy 66:22

Xukuje' cujiquiba' u bixic ri Ajawaxel: “Je' jacha' ri c'ac' caj xukuje' ri c'ac' ulew ri quebenban na quejeki' na amak'el, jeri' xukuje' quejeki' na ri e u k'ab tak awachalaxic chbe k'ij sak.

Salmib 102:12

Are c'u ri lal, Ajawaxel, cajawin la chbe k'ij sak; ¡ri bi' la amak'el cänatax na!

Ri Isaiy 65:17

Chiwilampe', in quinban na jun c'ac' caj xukuje' jun c'ac' ulew. Ri re ojer man cänatax ta chi na, man c'o ta chi jun cänatan chi na.

Elem 3:14

Ri Dios xubij che ri Moises: “IN RI' RI IN. Jewa' cabij na chque ri aj israelib: ‘Ri IN RI' in u takom ulok iwuc'.’ ”

Ucab Ajawinelab 19:15

je ch'awem wa' xuban ruc' ri Dios: “Ajawaxel, u Dios ri Israel, ri c'o ri u tem re ajawibal paquiwi' ri aj cajalaj tak to'banelab ri e c'o qui xic': xuwi ri lal lal Dios ri lal c'o paquiwi' conojel ri ajawibal ri e c'o cho ri uwächulew; lal xbanow la ri caj xukuje' ri ulew.

Ri Job 38:4

¿Jawije' at c'o wi aretak ri in co xintiq'uiba' ri uwächulew? ¡Chabij chwe, we kas nim ri awetamabal!