Salmib 102:2 - Quiché Bible

² Mac'u' ri palaj la chnuwäch aretak in ch'ibatajinak; ¡choc la il che nu tatabexic! ¡chinch'abej la ulok aretak quinsiq'uin che la!

Salmib 102:2 Referans Kwoze

Salmib 69:17

¡maxutuj la we pataninel ech la ri'! ¡Chinch'abej la ulok aninak xak c'u quieb cubij panuwi' camic!

Ri Isaiy 8:17

Pune' ri Ajawaxel cuc'u' rib chuwäch ri u tinimit ri Jacob, in cäcu'bi nu c'u'x chrij. Chrij ri are' nu yo'm wi ri eyebal nu c'u'x.

Salmib 27:9

¡Mäc'u' ib la chnuwäch! ¡Minxutuj la ruc' oyowal! Xuwi' ri lal, lal to'l wech. Minya' la can nu tuquiel ri ma ta c'o cuya' to'banic chwe, lal c'ut ri nu Dios xukuje' nu Colonel.

Salmib 104:29

we cac'u' ri palaj la, caquixe'j quib; we quesaj la ri cuxlab quecämic quebux chi jumul ulew.

Salmib 70:1

Nu Dios, ¡chinesaj la pa ri c'ax! Ajawaxel, ¡saj la chanim che nu to'ic!

1 Corintios 10:13

Man i rikom ta c'u jun c'ambejenic ri ma ta aj winak; jic c'ut ri Dios chi man cuya' taj quixc'ambejexic xane' xak xuwi ri quixcuin che u k'atixic u wäch, cuya' c'u xukuje' junam ruc' ri c'ambejebal ri elebal.

Salmib 143:7

Ajawaxel, ¡tzelej la ulok u wäch ri nu tzij aninak, cätajin caq'uis ri wuxlab! Mak'il la ri to'banic la chwe, quinux c'u na ri' e jacha' ri cäminakib.

Salmib 71:2

¡Chinesaj la pa ri c'ax, chincolo' la, sibalaj c'u lal suc'! Choc la il che nu to'ic, chincolo' c'u la.

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

Salmib 40:13

Ajawaxel, bana' la tok'ob ¡chinesaj la pa ri c'ax! Ajawaxel, ¡saj la chanim che nu to'ic!

Salmib 31:2

Choc la il che nu tatabexic; ¡cojo la aninakil, chinto'tajisaj la chanim! ¡Chux la nu nimalaj abaj ri quinch'uk wi wib, che cowilaj ja che nu to'tajisaxic!

Salmib 22:19

Ri lal c'ut, Ajawaxel lal nu chuk'ab, ¡minya' la canok!, ¡saj la chanim che nu to'ic!

Salmib 13:1

Ajawaxel, ¿C'ä jampa' lo quinsach pa jolom la? ¿La kas xa c'u jumul quinsach pa jolom la? ¿C'ä jampa' lo cätakej na la u c'u'ic ib la chnuwäch?

Ri Job 34:29

We c'u man c'o jas cubij ri Dios, ¿jachin ta lo ri cacuin che u c'okoxic? We cuc'u' ri u palaj, ¿jachin ta lo ri cacuin che rilic? Ri are' quebuyuxlej tak tinimit xukuje' tak ri winak

Ri Job 7:21

¿La ma ta cacuin la cäsach la ri nu mac? ¿Jasche man caq'uiak ta la bic ri lawaloyil ri nu banom? Chanim quineliq'uebax chupam ri puc'uc' ulew: quintzucuj la, man c'u in c'o ta chic.”

Ri Isaiy 65:24

C'ä maja' c'o jas cäquitz'onoj chwe, in nu yo'm chi chque ri cäcaj c'ä maja' cäq'uis ri qui tzij, ri in nu tom chic ri cäquibij.

Elem 2:23

Q'ui junab chic banom wa', aretak xcäm ri ajawinel re Ejipt. Ri aj israelib xquitakej ok'ej xukuje' elem ch'u'j rumal ri c'axalaj chac ri e takom che u banic. Xuta' c'ut ri Dios ri qui juyuwem.

Elem 2:24

Xoc c'u il che ri qui ch'ach'atem, xnataj ri c'ulwächinic ri u banom ruc' ri Abraham, ri Isaac, xukuje' ri Jacob.

Salmib 17:1

Ajawaxel, kas suc' u tatabexic ri nu c'ulmam bana' la, choc la il che ri nu bochi'nic, tatabej la ri nu ch'awem uc' la, man quel ta c'u ulok chuchi' banal tzij.