Salmib 101:4 - Quiché Bible

⁴ Quebennajtajisaj chwe ri itzel tak chomanic; ¡man quinwaj ta quinban ta jun itzel jasach!

Salmib 101:4 Referans Kwoze

E C'ambal tak Tzij 11:20

Ri Ajawaxel cäretzelaj qui wäch ri winak ri itzel quechomanic, e are c'ut ri cuc'am jun c'aslemal ri man c'o ta jas cak'abax chrij e are' wa' ri quekaj chuwäch.

2 Timoteo 2:19

Pune' ba jewa' tajin caquibano, are c'u ri u tac'alibal ri Dios co tac'alic, keta'm chi kastzij rumal we tzij ri': “Ri Ajawaxel cuch'ob qui wäch ri e rech”, xukuje' ri jun tzij chic: “Ronojel winak ri cubij chi cojoninak che ri Ajawaxel, chutasa' rib chrij ri etzelal.”

Ri Matey 7:23

Ri in c'ut quinbij na chque: ‘Mawi jumul xinch'ob i wäch. Chixel chnuwäch, ix banal tak etzelal.’ ”

E C'ambal tak Tzij 22:24

Majunaj awib mawi machilaj winak ri ch'u'j u jolom xak c'u cac'anc'atic.

E C'ambal tak Tzij 9:6

Chebiya' can tak ri e i conil, quixc'asi' c'u na; chixbinok jacha' ri winak ri quec'oxomanic.”

E C'ambal tak Tzij 8:13

Ri u ya'ic u k'ij ri Ajawaxel are' ri retzelaxic u wäch ri lawaloyil. In quinwetzelaj u wäch ri banoj nimal xukuje' ri nimarisan ib, ri itzel be xukuje' ri banoj tzij.

Salmib 119:115

¡Chinajtajisaj iwib chwe, banal tak etzelal, quinwaj c'ut quebentz'akatisaj ri e u takomal ri nu Dios!

E C'ambal tak Tzij 3:32

ri Ajawaxel cäretzelaj c'u qui wäch ri e banal tak etzelal, cäpe c'u che jekelem cuc' ri e suc'.

Salmib 6:8

¡Chitasa' iwib chwij, banal tak etzelal, opaninak c'u ri wok'ej chuwäch ri Ajawaxel!

2 Corintios 11:33

Xinesax c'u ulok pa jun wenta'n, xinkasax ulok chrij ri tapia chupam jun chicäch, jeri' man xinkaj ta pa qui k'ab.

Salmib 26:4

mawi jumul xebenwachilaj ri banal tak tzij, mawi xinwuc'aj ta wib cuc' ri quieb qui wäch.

Salmib 26:5

Quinwetzelaj u wäch ri qui mulin ib ri e banal tak etzelal, ¡mawi jumul xebenwachilaj taj ri e banal tak etzelal!

E C'ambal tak Tzij 29:27

Ri winak ri e tz'akatisanelab pa ronojel man quequicoch' taj ri e banal tak etzelal, e are' tak c'ut ri e banal tak etzelal man quequicoch' taj ri e tz'akatisanelab pa ronojel.