Salmib 100:5 - Quiché Bible

⁵ Utz c'ut ri Ajawaxel; ri u lok'ok'ebal c'u'x junalic, ri u jiquil man c'o ta u q'uisic.

Salmib 100:5 Referans Kwoze

Salmib 106:1

¡Chyo'k u k'ij ri Ajawaxel! Chiya' maltioxinic che ri Ajawaxel utz c'ut ri are', rumal rech chi ri lok'ok'ebal u c'u'x junalic.

Salmib 107:1

Chiya' maltioxinic che ri Ajawaxel, utz c'ut ri are', junalic c'ut ri lok'ok'ebal u c'u'x.

Salmib 86:5

Rumal rech chi lal, Ajawaxel, lal utz cacuyun c'u la nim ri lok'ok'ebal c'u'x la chque ri quenatan la.

Salmib 36:5

Are c'u ri lok'ok'ebal c'u'x la, Ajawaxel, copan c'ä chicaj; ri jicomal la curika' ri räxalaj caj.

Ri Jeremiy 33:11

waral quetataj chi na ri e tak bix quech tak nimak'ij xukuje' quicotemal, xukuje' ri qui bix tak ri caquibochi'j tak quib, cätataj c'u na u bixic: ‘Chiya' maltioxinic che ri Ajawaxel Dios ri c'o ronojel u cuinem, rumal rech chi utz ri Ajawaxel, junalic c'ut ri u lok'ok'ebal c'uxaj.’ Quequic'am c'u na ulok tak sipanic re maltioxinic chupam ri wachoch. Je quinq'uex na ri cutaklebej we ulew ri', rech je cux chi na jacha' pa ri chaplebal. In, ri Ajawaxel quinjiquiba' u bixic.”

Nabe Tzijobelil 16:34

Chiya' maltioxinic che ri Ajawaxel, rumal rech chi utz ri are', rumal rech chi junalic ri u lok'ok'ebal c'u'x.

Salmib 103:17

Are c'u ri u lok'ok'ebal c'u'x ri Ajawaxel re chbe k'ij sak chque ri queyo'w u k'ij; ri u suq'uil man c'o ta u q'uistajic chque pa conojel ri ija'lil,

Ri Lucax 1:50

Ri are' quel u c'u'x chbe k'ij sak chque conojel ri winak ri cäquixe'j quib chuwäch.

Ri Nahum 1:7

Ri Ajawaxel utz; are' jun panibal pa ri k'ij rech ri rikoj c'ax: cuto' qui wi' ri caquijiquiba' qui c'u'x chrij.

Salmib 119:68

Ri lal, lal utz, caban c'u la ri utzil; ¡chintijoj la chque tak ri pixab la!

Ucab Tzijobelil 5:13

Conojel c'ut xquijunaj quib che cok'isaxic tak ri trompet xa' c'u jun u pa qui kul xquicoj che u ya'ic k'ijilanic xukuje' maltioxinic che ri Ajawaxel, xecok'esaj tak c'ut ri trompet, ri quetecak tak k'an ch'ich' xukuje' ri jule' tak k'ojom chic aretak cätajin cäban ri bixonic: “Chixk'ijilan che ri Ajawaxel, utz c'ut ri are' junalic c'ut ri u lok'ok'ebal c'u'x.” Pa ri jok'otaj ri', ri rachoch ri Ajawaxel xnoj che jun sutz',

Salmib 107:22

Chebiya' tabal tak tok'ob chuwäch re maltioxinic, chebitzijoj tak ri u mayibal ruc' quicotemal.

Salmib 107:8

Chebiya' maltioxinic che ri Ajawaxel rumal ri u lok'ok'ebal c'u'x, ¡rumal ri cuban che qui to'ic ri winak!

Salmib 85:10

Ri lok'ok'ebal c'uxaj xukuje' ri kastzij cacuc'aj na quib, ri jamaril xukuje' ri colomal cäquitz'umaj na quib,

Ri Esdras 3:11

Jujun caquibixoj tak bix, jule' chi c'ut je u tzelexic u wäch wa' caquibano: “Chebiya' tak maltioxinic che ri Ajawaxel, rumal rech chi utz ri are', rumal rech chi junalic ri lok'ok'ebal u c'u'x che ri Israel.” Ronojel c'ut ri tinimit curak u chi' rumal quicotemal, cäk'ijilan c'u che ri Ajawaxel, chapletajinak chi c'u u banic u yaquic ri Rachoch ri Ajawaxel.

Ri Tit 1:2

rech cu'l qui c'u'x chi c'o junalic qui c'aslemal, ri u bim ulok ri Dios chi cuya' na. Are ri Dios man banal ta tzij, u bim c'u ulok wa' c'ä majok cätiquitaj ulok ri uwächulew.

Salmib 52:1

¿Jasche caban nimal chupam ri awetzelal at ri c'o a chuk'ab? ¡Ri u lok'ok'ebal c'u'x ri Dios xak jewi'!

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Salmib 107:15

Chiya' maltioxinic che ri Ajawaxel rumal ri lok'ok'ebal u c'u'x, ¡rumal ri cuban che qui to'ic ri winak!

U Camulixic ri Pixab 7:9

Chiwetamaj ba', chi, ri Ajawaxel ri i Dios are' Dios ri jic, ri cutz'akatisaj ri u c'ulwächinic ija'lil chi ija'lil, chque ri quelok'ok'en che xukuje' quequitz'akatisaj ri e u takomal.

Salmib 146:6

Are' xbanow ri caj, ri ulew, ri plo, xukuje' conojel ri e c'o chquipam. Ri are' amak'el u jekebam ri u tzij.

Salmib 25:8

Ri Ajawaxel utz xukuje' suc'; quebupixbej ri ajmaquib pa ri qui c'aslemal,

Salmib 138:8

¡Ri Ajawaxel cuban na ronojel ri u chomam che nu to'ic! Ajawaxel, ri lok'ok'ebal c'u'x la junalic; ¡mäch'akapij la canok ri chaplem la u banic!