Salmib 10:8 - Quiché Bible

⁸ Cäc'ac'alen chquinakaj ri alaj tak tinimit, chic'uyal cucämisaj ri man c'o ta u mac. Man quel ta ri u bak'wäch chrij ri man cäcuin taj cuto' rib:

Salmib 10:8 Referans Kwoze

Ri Habacuc 3:14

Xcämisaj la ri c'amal u be cumal tak ri kas e u ch'ab, aretak ri e rajquiejab, e jacha' ta ne jun quiakik' jäb, xquiq'uiak quib ruc' ronojel qui ch'ujilal che qui jabuxic ri man quecuin taj caquito' ta quib, che u sachisaxic qui wäch chi c'uyal.

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Nabe Samuel 22:18

Rumal c'u ri', ri ajawinel xutak ri Doeg, ri aj edom, xubij che: “Chebacämisaj at.” Xuchap c'u qui cämisaxic ri e cojol tabal tak tok'ob, pa ri k'ij ri' xecämisax jumuch' job (85) achijab ri qui cojom ri atz'iak nim u k'ij re lino chquij.

Ri Lucax 8:1

Aretak bantajinak chi wa', ri Jesus quebusolij conojel ri tinimit xukuje' ri alaj tak tinimit. Cutzijoj xukuje' cuk'alajisaj ri utzalaj tzij re ri rajawibal ri Dios, e rachilam c'u ri cablajuj.

Salmib 94:6

Quequicämisaj malca'nib xukuje' ri man e qui winakil taj; xukuje' quequicämisaj ri e minorib.

Salmib 17:11

quiterenem ri u xo'l wakan, queyem jampa' quinquikasaj pa ulew.

Ucab Ajawinelab 21:16

Xak c'u qui wi' chic ri macaj ri xuban wi ri Manases chi xmacun ri Juda xukuje' ri itzel tak u banoj ri xebuban chuwäch ri Ajawaxel, sibalaj nim ri quic' ri xutix pa Jerusalen, ri man c'o ta u mac, chi xunojisaj ronojel ri Jerusalen che.

Nabe Samuel 23:23

Kas utz quilic tak ri c'olbal chibana' jawije' tak ri cuc'u' wi rib, chixpet chi wuc' chiliya' u bixic chwe ruc' tz'akatil, quinbe c'u na iwuc'. We c'u kastzij chi chila' c'o wi, ri in quintzucuj na pa ronojel c'olbal chquixo'l ri e u k'ab tak rachalaxic ri Juda.”

Ri Lucax 10:1

E bantajinak chi c'u we jastak ri', ri Ajawaxel xebucha' jujun chic, e oxc'al cablajuj (72). Pa cacabil xebutak bic rech quenabej bic chuwäch, pa ronojel tinimit, pa ronojel c'olbal ri cäbe wi na ri are'.

K'atal tak Tzij 9:25

Ri aj Siquem xequicoj eläk'omab ri cäquic'u' quib pa tak ri juyub, ri quequeläk'aj ri jastak quech ri winak ri queboc'ow pa ri be. Xbix c'u che ri Abimelec.

Ri Job 24:14

Xuwi cäsakaric cäwalij ri cämisanel che u cämisaxic ri meba', aretak coc ri ak'ab cux eläk'om.

E C'ambal tak Tzij 24:15

Mebaban itzel tak chomanic che jun winak tz'akatisanel pa ronojel mawi matijtobej u yojixic ri ja ri c'o wi,