Salmib 10:3 - Quiché Bible

³ Ri banal etzelal cunimarisaj u k'ij pa tak ri kas u rayinic; ri quiäk rayinel cac'okonic cäretzelaj u wäch ri Ajawaxel.

Salmib 10:3 Referans Kwoze

Salmib 94:4

Conojel we e banal tak etzelal ri' man c'o ta caquitojbej rech ri qui c'as, xukuje' e banal tak nimal.

Ri Lucax 12:19

Quinbij c'u na che ri wanima': Wanima', q'ui jastak awe a c'olom re q'ui junab. Chatuxlanok, chatwok, chatuq'uianok, chatquicotok.’

Ri Isaiy 37:23

¿Jachin ri a yok'om xukuje' a yacom royowal? ¿Jachin che co a rakom wi a chi' xukuje' a yacom ri a bak'wäch chrij ruc' nimal? Chrij ri Tastalicalaj u Dios ri Israel.

E C'ambal tak Tzij 28:4

Ri cäquitas quib caquiya' can ri pixab cäquiya' u k'ij ri banal etzelal; ri caquitz'akatisaj cäquic'ulelaj.

Salmib 49:6

We winak ri' qui cu'ban qui c'u'x chrij ri qui k'inomal, cäquiban nimal chi q'ui jastak que c'olic;

Salmib 35:21

cäquic'ababej ri qui chi' chwij, cäquibij c'ut: “¡Chiwila' ri kilom!”

Salmib 5:6

cäsachisaj la qui wäch ri banal tak tzij, man quec'ulaj ta la ri subunelab ta winak xukuje' ri cämisanelab.

Ri Job 31:24

Mawi jubik' chrij ta ri k'an puak xinjiquiba' ta wi nu c'u'x o xincu'ba' ta wi nu c'u'x chi co in c'olic.

U Camulixic ri Pixab 29:19

We c'u aretak i tom chic ri tzij re we chi'nic ri' ri kas cäban na, we c'u ne c'o jun chiwe ri cuban rib chi sibalaj utz, cuchomaj c'ut, cubij: ‘Ronojel ri quinbano utz quel na, pune' are quinbano jas ri quinwaj.’ Are c'u wa' ri cac'amow ulok ri c'ax paquiwi' conojel.

Elem 15:9

Ri c'ulel xubij: ‘Quebenwokataj c'ä quebenrika' na, quinjach ri quintokij chque c'ä quinquicot na. Quinjusij ri ch'ich' re ch'o'j, are c'u ri nu k'ab cäsachow qui wäch.’

1 Juan 2:15

Milok'ok'ej ri uwächulew, mawi ri jastak ri e c'o cho ri uwächulew. Apachin ri culok'ok'ej ri uwächulew, man culok'ok'ej ta ri' ri Tataxel.

Santiago 4:13

Chiwila' ba' ix, ri quibij camic: “Camic o chwek cujbe na pa ri tinimit ri', quekabana' jun junab chila', cujc'ayin na, cäkach'äc na puak.”

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

Efesios 5:5

Iweta'm chic chi conojel ri quemacun cuc' ixokib achijab, o cäquiban tz'ilalaj tak jastak, o cäquirayij q'uialaj tak jastak (xa junam wa' ruc' ri qui k'ijilaxic tak diosib), conojel wa' man c'o ta quechbal pa ri rajawibal ri Crist ri xukuje' rech ri Dios.

1 Corintios 6:10

mawi ri eläk'omab, mawi ri cäquirayij ri jastak que niq'uiaj winak chic, mawi ri quek'abaric, mawi ri queyok'onic, mawi ri cäquimaj jastak que niq'uiaj winak chic, conojel wa' man cäquechbej ta ri rajawibal ri Dios.

Romanos 1:32

Queta'm chi c'ut ri u takanic ri Dios, chi conojel ri quebanow we jastak ri', takal chque chi quecämic. Pune' queta'm, cäquiban ri jastak ri'. Man xuwi ta cäquibano, xane' xukuje' utz cäquilo aretak niq'uiaj winak chic cäquibano.

Romanos 1:29

E nojinak che ronojel qui wäch mac. Cäquiban ri man suc' taj. Quequirayij q'ui jastak. Cäquiban etzelal. Cäpe coyowal aretak jun chic curik utzil. Quecämisanic. E yacal tak ch'o'j. Quequisub tak winak. Man e suc' taj. E banal tak tzijtal.

Ri Lucax 12:15

Xubij chque ri winak: “Chiwila', chichajij iwib, mirayij u mulixic q'ui jastak iwe. Pune' e c'o q'ui jastak re jun winak, man are ta ri' ri cäyo'w ri u c'aslemal.”

Ri Habacuc 2:9

¡Tok'ob a wäch, ri a nojisam ri awachoch cuc' tak ri jastak ri xa' e aweläk'am, che u to'ic awib rech man catkaj ta pa u k'ab apachique c'axc'olil!

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Ri Isaiy 57:17

U mac rech ri u mac ri Israel xinoyowar na jun k'ijol, xinc'äjisaj u wäch xintas wib chrij ri are' c'ut man xniman taj are xuban ri u chomanic pa rech wi.

Salmib 52:1

¿Jasche caban nimal chupam ri awetzelal at ri c'o a chuk'ab? ¡Ri u lok'ok'ebal c'u'x ri Dios xak jewi'!

Salmib 49:18

Pune' nim ri u quicotemal aretak c'asalic, cäya' c'u u k'ij cumal ri winak rumal ri u k'inomal,

Nabe Samuel 23:21

Ri Saul xutzelej u bixic chque: “¡Chixutewichi'j ba ri Dios rumal rech chi xel i c'u'x chwe!

U Camulixic ri Pixab 32:19

Xyactaj c'u royowal ri Dios aretak xril wa', xretzelaj c'u qui wäch ri e qui c'ojol xukuje' tak ri e qui mia'l;

Aj Levitib 26:30

In quebenc'äjij tak ri e i k'ijilabal ri e quech winak ri e k'ijilal tak diosib, quinban na cacab chque ri e i porobal quech c'oc' tak k'ol; quebenmulij na ri e i cuerp ri man c'o ta qui c'aslemal paquiwi' ri qui cuerp ri e i diosib ri man c'o ta qui c'aslemal, quinc'ut c'u na ri woyowal chiwäch.

Santiago 4:16

Camic c'ut quichomaj chi nim i banic, quinimarisaj iwib. Ronojel nimarisan k'ij jewa' rech ri itzel.

K'atal tak Tzij 17:2

ri xuk'alajisaj c'u chuwäch ri u nan, xubij che: “Ri jun mil ruc' jun sient (1,100) sak puak ri xebeläk'ax che la, ri rumal wa' xc'okoj la ri eläk'om, wuc' in c'o wi. In xineläk'an che la; camic c'ut quintzelej che la, xinta' c'ut xbij la chi jachom la pu k'ab ri Ajawaxel rech catak la u banic jun dios ri je'l u banic ri cäch'uk rij ruc' sak puak.” Xutzelej c'u ri sak puak che. Xubij c'u ri u nan: “¡Are ta ri Ajawaxel cattewichinic wal!”

Nabe Ajawinelab 20:25

chesuc'umax chi niq'uiaj ajch'ojab jacha' ri xech'äctajic jun quiej che u q'uexwäch jun quiej jun carwaj che u q'uexwäch jun carwaj. Cäkatij c'u na ka chuk'ab cuc' chupam ri lianic, man c'o ta c'u queblan c'uxaj quekach'äc na.” Ri Ben-adad utz xuta' ri xbixic xutakej c'u u banic.

Ri Tzijonel 7:15

Ronojel wa' wilom chupam ri man c'o ta u beya'l, xak lok' are' c'u nu c'aslemal wa': utzalaj tak achijab ri quecämic pune' c'o sibalaj cutzil, xukuje' itzel tak winak ri e banal tak etzelal q'ui junab quec'asi'c.