Salmib 1:3 - Quiché Bible

³ Ri winak ri' junam ruc' juwi' che' ri tiquil chuchi' jun nima', ri cuya' u wächinic pa ri u k'ijol ri mawi jubik' quechaki'jar ta ri u xak. ¡Ronojel ri cubano, utz quelic!

Salmib 1:3 Referans Kwoze

Ri Jeremiy 17:8

Cux c'u na jacha' juwi' che' ri tiquil chuchi' jun nima', ri quebuyuk tak ri e u ra'b chuchi' ri ja' man c'u cuna' ta rib aretak quepe tak ri k'ak'al, amak'el xak cätojtak wi ri e u xak. Pa ri u k'ijol ri sak'ij man cuna' taj, mawi jumul cutanaba' ta u ya'ic u wäch.

Ri Ezequiel 47:12

Che ri quieb u chi' ri nima' queq'uiy na ronojel qui wäch tak che' ri quequiya' qui wächinic. Ri e qui xak mawi jumul quepulpubic, mawi c'u quequitanaba' ta u ya'ic wächinic. Chujujun tak ic' quequiya' wächinic, rumal rech chi quejabux rumal ri ja' ri elinak ulok chupam ri Rachoch Dios. Ri e qui wächinic tak quebajwataj che k'obisabal e are tak c'ut ri qui xak quebajwataj che cunabal.”

Salmib 92:14

Pune' c'u e ri'jobinak chic, caquiya' na qui wäch; amak'el quetojtatic xukuje' e räx.

Ri Xuan 15:6

Jachin ri man tikil ta chwe, are ri' quesax apanok jas jun u k'ab che', cächaki'jar c'u na. Are wa' quemulix c'u na, queq'uiak c'u na pa ri k'ak', ri cänicowic.

Ri Ezequiel 19:10

Ri a nan cajunamataj ruc' juwi' uva ri tiquital chunakaj ri ja', cawächinic xukuje' jewejak rumal rech chi sibalaj c'o ja'.

Chapletajic 39:23

Ri takanel paquiwi' ri e c'o pa che' man c'o ta jas cusolij che ri jachom pa u k'ab ri Jose, rumal rech chi c'o ri Ajawaxel ruc' cuban c'ut chi ronojel utz quel chuwäch.

Apocalipsis 22:2

Pa u niq'uiajil c'ut ri u be ri nimalaj tinimit xukuje' che ri quieb u chi' ri nima' c'o wi ri che' re c'aslemal. Cuya' cablajuj u wäch, cäwächin chi ic'. Ri e u xak ri che' quecoj na che qui cunaxic ri nimak tak tinimit.

Ri Ezequiel 17:8

Tictal c'u ne, pa jun utzalaj ulew, chunakaj ri c'o wi q'ui ja', ri cuya' queq'uiy wi ri e u k'ab xukuje' u wächinic cux ta c'u jun je'licalaj juwi' uva.’

Ri Matey 13:6

Aretak c'ut xel ulok ri k'ij, xebuc'ato, xechaki'jaric, rumal rech chi man c'o ta ri u c'amal benak pa ri ulew.

Ucab Tzijobelil 31:21

Ronojel ri xuchaplej u banic ri cajwataj che ri rachoch ri Dios je jas ri cubij ri pixab xukuje' tak ri e takomal, che u nimaxic ri Dios ruc' ronojel ranima', rumal ri' utz xelic.

Chapletajic 39:3

Ri Potipar xuch'obo chi ri Ajawaxel ri c'o ruc' ri Jose are cäbanowic chi ronojel ri cubano, utz quelic.

Salmib 128:2

Catij na ri u wächinic ri a chac, utz na awech, xukuje' utz catel na.

Ri Isaiy 3:10

Utz re ri suc'alaj winak, utz c'u quel na, cäquicot na ruc' ri u wächinic ri u chac.

Ri Isaiy 44:4

Queq'uiy c'u na jacha' ri k'ayes ri caban utzalaj qui ja'xic, jacha' sak lemob ri e c'o chquichi' tak ri nima'.

Ri Job 14:9

aretak cuna' ri u jorjobenic ri ja', cäraxar na; quepe tak u k'ab jacha' jun tico'n ri t'on.

Ri Matey 21:34

Aretak xopan ri k'ijol che u yaquic ri u wächinic ri tico'n, ri rajaw xebutak ulok u tako'n cuc' ri ajchaquib che u c'amic ri u wächinic ri tico'n ri takal u ya'ic che.

Ri Matey 21:19

Xril jun u che'al higo chuchi' ri be. Xbe ruc'. Man c'o ta c'u xurik che ri che', xane' xak xuwi u xak. Xubij c'u che: “Mawi jumul chbe k'ij sak cäc'oji' na a wächinic.” Chanim xchaki'jar ri u che'al higo.

Ri Juds 1:12

E xok'olil c'u wa' pa tak ri i wa'im re lok'ok'ebal c'uxaj, quebulan c'u iwuc' pa ri i wa'im ri quibano, man ruc' ta xe'n ib cäquitzuk quib; e chaki'j tak sutz', ri quec'am bic cumal ri quiakik'; e che' ri e pulpubinak man c'o ta qui wächinic, camul e cäminak, e bokom apanok;

Ri Isaiy 27:11

Ri e u k'ab jun che' quek'ajic aretak quechaki'jaric quepe c'u ri ixokib quequimol bic quequicoj pa k'ak'. Jun tinimit wa' ri man c'o ta u chomanic. Rumal ri' ri Dios ri xq'uiyisanic, man cutok'obisaj ta u wäch mawi quel ta u c'u'x che.

Ri Matey 21:41

Ri e are xquitzelej u bixic: “Quebucämisaj na we e itzel tak winak ri', man ruc' ta tok'obisam wächaj. Cuya' na ri tico'n re uva pa kajomal chque niq'uiaj ajchaquib chic, ri cäquiya' na ri u wächinic ri tico'n pa ri u k'ijol ri takal u ya'ic che.”

Nabe Tzijobelil 22:11

Are c'u ri camic, nu c'ojol, are' ba' ri Ajawaxel cac'oji' na awuc' rech catcuinic cayac ri ja che ri Ajawaxel ri a Dios, je jas ri u chi'm chi caban na.

Salmib 129:8

K'ayes ri man c'o ta jun coc'owic cubij ta na: “Ri Ajawaxel e tewechininak.” Uj quixkatewichi'j ix pa ri u bi' ri Ajawaxel.

Ucab Tzijobelil 32:23

E q'ui c'ut ri winak ri xequic'am bic sipanic pa Jerusalen che ri Ajawaxel, xukuje' tak sipanic ri pakal cajil che ri Ezequiy, ajawinel re Juda. Kas c'u pa ri k'ij ri' xnimar u k'ij chquiwäch ri niq'uiaj nimak tak tinimit chic.

Ajilanic 24:6

¡Ri e je ta ne ri e c'o tut ri quechololic, ticonijibal chuchi' jun nima', c'oc'al ri e ticom rumal ri Ajawaxel, tak chacalte' chuchi' ri ja'!

U Camulixic ri Pixab 28:8

Ri Ajawaxel cutak na ulok ri u tewichibal paquiwi' tak ri e a c'olbal xukuje' puwi' ronojel ri cabano, cuban c'u na chawe chi sibalaj utz caban na pa ri ulew ri cuya' chawe.

Ucab Ajawinelab 18:7

Rumal ri' xtok'obisax u wäch rumal ri Ajawaxel cuban c'u che chi ronojel ri chuchaplej u banic utz quel chuwäch. Ri Ezequiy xuwalijisaj rib chrij ri ajawinel re Asiriy man xraj ta chic xupatanij.

Nabe Tzijobelil 22:13

Ronojel utz quel na chawäch, we cacoj a chuk'ab che qui tz'akatisaxic tak ri u pixab xukuje' tak ri chomanic ri xubij ri Ajawaxel chi cuban ri Israel rumal ri Moises. ¡Chc'ol a chuk'ab xukuje' co chatc'olok; muban quieb a c'u'x mawi maxe'j awib!

Ri Job 22:28

Utz c'u catel na pa ronojel ri cachaplej u banic; ri chäj catunun na pa ri a be.

Salmib 92:15

Cäquesaj c'u na u tzijol chi ri Ajawaxel, ri to'l wech, are' suc' man c'o ta ri ma ta suq'uil ruc'.

Ri Isaiy 58:11

Ri in quinc'am na a be amak'el, quintz'ebej na ri catijo chupam ri chaki'j uwo sak, quinya' na u chuk'ab ri a cuerp catux c'u na jacha' jun ticbal cotz'i'j ri utzalaj u ja'xic banom, jacha' jun u q'uiyibal ja' ri man cätzaj taj.

Ri Ezequiel 31:5

Rumal c'u rech chi q'ui ri u ja' c'olic, sibalaj xq'uiy na chquiwäch conojel tak ri che' ri e c'o pa ri c'ache'laj ri e u k'ab sibalaj xeq'uiyiric sibalaj c'u xquilic' quib.