Ri Tit 1:5 - Quiché Bible

⁵ Xatinya' can pa Cret rech casuc'umaj ri c'ä cäraj na, rech quebacoj ri tatayib ri quetakan pa ri comon cojonelab re tak ri tinimit, jas ri xatintak wi.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Xatinya kan pa ri tinimit Creta, rech kasukꞌumaj ri kajawataj ubꞌanik, xuqujeꞌ kaꞌkoj kꞌamal taq bꞌe pa taq ri tinimit, jetaq ri xinbꞌij kan chawe.

K'iche'

⁵ Ri in xatinya can pa Creta rech caq'uis u banic ri c'ä craj na, caban u banic ronojel, xukuje' rech queacoj na c'amal tak qui be ri cojonelab pa conojel tak ri tinimit, junam jas ri takanic ri nu yo'm chawe.

K'iche' (New Orthography)

⁵ Ri in xatinya kan pa Creta rech kak'is u b'anik ri k'ä kraj na, kab'an u b'anik ronojel, xuquje' rech keakoj na k'amal taq ki b'e ri kojonelab' pa konojel taq ri tinimit, junam jas ri taqanik ri nu yo'm chawe.

Ri Tit 1:5 Referans Kwoze

Hechos 14:23

Xequicoj c'u can tak ri tatayib ri quetakan pa jujun comon cojonelab, xquiban ch'awem ruc' Dios, xukuje' man xewa' taj. Te c'u ri' xequijach pa u k'ab ri Ajawaxel ri e cojoninak che.

1 Timoteo 1:3

Xatinbochi'j chi catcanaj can pa Epes aretak xinbe pa Masedon, rech cattakan chque jujun chi mäquiya' jule' tak tijonic chic, chi mäquiya' qui k'ij ri jo'sanic

Ri Tzijonel 12:9

Jacha' c'ut ri u nimal ri u no'j ri k'alajisanel, je xukuje' ri u jabuxic ri xuban chquixo'l tak ri winak. Xukuje' xujach rib che qui no'jixic q'uialaj tak c'ambal no'j, quebucoj c'ut pa ri qui cholajil.

1 Corintios 14:40

Chban c'u ronojel ruc' colomal xukuje' ruc' cholajil.

2 Timoteo 2:2

Ri nu bim chawe chquiwäch e q'ui k'alajisanelab, are ri' chajacha' chque ri e jicalaj tak winak ri xukuje' quecuin che qui tijoxic niq'uiaj chic.

1 Corintios 11:34

We c'o jachin cänumic, chwok ulok cho rachoch, rech man cac'äjisax ta u wäch rumal ri Dios rumal rech ri cuban pa we mulin ib ri'. Quinsuc'umaj na ri niq'uiaj jastak chic aretak quinopanic.

Hechos 27:21

Q'ui k'ij chi c'ut man uj wokinak taj. C'äte ri', xtaq'ui' ri Pawl chquixo'l, xubij chque: “Tatayib, utz we ta xnimaj alak ri nu tzij, chi ma ta xujel ulok pa Cret, rech ma ta cäkarik we c'axc'olil ri', rech ma ta cätzak ri eka'n.

Hechos 27:12

We oquibal ri' pa ri plo, man utz ta che roc'owisaxic ri k'ij re ri tew. Rumal ri' are e q'ui na ri xquiya' no'j chi quebel bic chila'. Cäraj ne quecuinic quebopan pa Penis che roc'owisaxic ri k'ij re ri tew. Are jun oquibal pa ri plo re ri Cret ri cäca'y pa ri u niq'uiajil u wiquiak'ab kajebal k'ij xukuje' pa ri u niq'uiajil u mox kajebal k'ij.

Hechos 27:7

Q'ui k'ij c'ut xujbin puwi' ri plo nojimal. Ruc' c'ax xujopan chuwäch ri Cänid. Rumal c'u rech chi cujuk'atij ri quiakik', xa' jeri' xujoc'ow chuwäch ri Salmon, xujoc'ow chrij ri Cret, jun ch'akap ulew c'o pa ri plo.

Hechos 11:30

Je c'u xquibano, xquitak c'u bic jun to'banic pa u k'ab ri Bernabe xukuje' ri Sawl rech quequiya' chque tak ri tatayib ri quetakan pa ri comon cojonelab pa Judey.

Ri Isaiy 44:7

¿Jachin ta ri c'olic ri junam ta wuc'? Ch'awok xukuje' chuk'alajisaj chnuwäch. ¿Jachin yowinak ulok u bixic pa ri tictajic ri cäc'ulmataj na, xukuje' cubij ta c'ut ri xa co'l man quec'ulmatajok?

Colosenses 2:5

Pune' man in c'o ta chi winakil chixo'l, in c'o c'ut pa ri uxlabal, quinquicot c'ut che rilic ri utzalaj i cholajil ri c'olic xukuje' chi amak'el co ix tac'al chupam ri i cojonic pa ri Crist.

Hechos 2:11

jujun chque e are' aj judeyib, jujun chque qui c'amom ri qui cojonic ri aj judeyib. E c'o aj Cret xukuje' aj Arab. Konojel c'ut quekato chi cäquitzijoj pa tak ka ch'abal ri nimak tak mayibal ri e u banom ri Dios.”

Nabe Tzijobelil 6:32

Xebixon wa' chuwäch ri Lic'om Rachoch Dios re rikoj ib ruc' ri Dios c'ä xuyac na ri Salomon ri rachoch ri Ajawaxel pa Jerusalen, xquitakej c'ut u banic ri qui patanijic jas ri qui nak'atisabal ri qui banom ulok.

Hechos 27:13

Aretak xpe ri quiakik' pa ri u mox k'ab ri elebal k'ij, man nim ta ri u chuk'ab, rumal ri' xquichomaj chi quecuinic cäquitakej ri qui be. Xebel bic xquitakej binem chunakaj ri tak'aj re ri Cret.

1 Corintios 4:17

Rumal wa' xintak bic ri Timotey iwuc', ri lok'alaj nu c'ojol, jic chrij ri Ajawaxel. Ri are' cunataj na chiwe jas ri nu banom pa ri nu c'aslemal pa ri cojonic che ri Crist Jesus, jas ri nu tijonic chquixo'l conojel ri comon cojonelab pa tak conojel c'olbal.

Ri Tit 1:12

C'o jun chque ri e aj Cret, are' jun k'axal u tzij ri qui dios, ri xubij: “Ri e aj Cret conojel e banal tak tzij, e itzel tak awaj, xa' e sak'oralaj tak winak ri xak xuwi qui chomanic ri wa'im.”

Aj Levitib 14:42

Quec'am chi niq'uiaj abaj, quecoj che qui q'uexwäch ri xebesaxic, xukuje' cäban c'ac' xok'ol che u c'ojoxic ri ja.