Ri Tit 1:4 - Quiché Bible

⁴ Quintz'ibaj we wuj ri' chawe, Tit, kas at nu c'ojol pa ri cojonic, xa' junam c'ut ri ka cojonic uj quieb. Are ta ri Dios Tataxel xukuje' ri ka Colonel Jesucrist cuban tok'ob chawe, cuya' jamaril chixo'l ruc'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Che ri Tito qas nukꞌojol, ri junam qakojobꞌal rukꞌ. Yaꞌtaj toqꞌobꞌ chawe, toqꞌobꞌisan wach xuqujeꞌ ri jaꞌmaril rech ri Dios Tataxel, ri Ajawxel Cristo Jesús qakolonel.

K'iche'

⁴ Quintz'ibaj bi we wuj ri' chawe, Tito, je' ta ne chi kas at nu c'ojol rumal chi ri uj junam uj cojoninak che ri Kajaw Jesucristo. Are ta ri Dios ka Tat xukuje' ri Kajaw Jesucristo ri To'l Ke, cutok'obisaj a wäch, cubano chi cuxlan rawanima'.

K'iche' (New Orthography)

⁴ Kintz'ib'aj b'i we wuj ri' chawe, Tito, je' ta ne chi qas at nu k'ojol rumal chi ri uj junam uj kojoninaq che ri Qajaw Jesucristo. Are ta ri Dios qa Tat xuquje' ri Qajaw Jesucristo ri To'l Qe, kutoq'ob'isaj a wäch, kub'ano chi kuxlan rawanima'.

Ri Tit 1:4 Referans Kwoze

2 Timoteo 1:2

quintz'ibaj we wuj ri' chawe, Timotey, lok'alaj nu c'ojol: are ta ri Dios Tataxel xukuje' ri Kajaw Jesucrist cuban tok'ob chawe, quel u c'u'x chawe, xukuje' cuya' jamaril chawe.

Ri Juds 1:3

Lok'alaj tak wachalal, sibalaj xinwaj xintz'ibaj ta chiwe chrij ri kacoltajem junam iwuc'. Camic c'ut rajawaxic quintz'ibaj bic chiwe che i pixbexic chi kas quitij i chuk'ab che u bixic chi kastzij ri cojonic ri xa jumul yo'm chque ri tastalic tak winak.

2 Pedro 1:11

Jeri' cäya' na nimalaj oquibal chiwe pa ri junalic rajawibal ri Kajaw, ka Colonel Jesucrist.

2 Pedro 1:1

Ri in Simon Lu', rajchac xukuje' takom re ri Jesucrist, quintz'ibaj we wuj ri' chque conojel ri qui rikom ri cojonic ri sibalaj nim rajil junam ruc' ri ke uj, rumal ri u suq'uil ri ka Dios xukuje' ka Colonel Jesucrist.

2 Corintios 2:13

Man xuxlan ta c'u ri wanima', rumal rech chi man xinrik ta ri Tit ri kachalal. Rumal wa', xinbij can chque chi quinbe na pa Masedon.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.

2 Corintios 8:23

We c'o jun cäc'otow i chi', chibij chi ri Tit are wachil xukuje' wajchac chixo'l; xukuje' ri e niq'uiaj kachalal chic, are e qui takom ri e comon cojonelab chi cäquinimarisaj u k'ij ri Crist.

Romanos 1:12

Rech jeri' chi cäkaya' ka chuk'ab chbil tak kib pa ri ka cojonic, xa junam c'u ri i cojonic ruc' ri wech in.

Ri Xuan 4:42

Xquibij che ri ixok: “Camic man xuwi ta cakacoj chic ri xabij chke. Uj c'ut pa kech wi ka tom, xketamaj chi kas are wa' ri Colol quech ri winak aj uwächulew.”

1 Juan 5:14

Are wa' ka cu'bisam wi ka c'u'x chrij ri Dios, chi we c'o ri cäkatz'onoj jas ri u beya'l ri u rayinic, cujutatabej.

2 Pedro 3:2

Rech cänataj chiwe ri tzij ri bim can cumal ri tastalic k'axal tak tzij, xukuje' ri u takanic ri Ajawaxel, ri Colonel, ri xixtijox wi cumal ri e u takomxenlab.

2 Pedro 2:20

Aretak e animajinak chquiwäch ri tz'ilol re ri uwächulew rumal ri retamaxic u wäch ri Ajawaxel xukuje' ri Colonel Jesucrist, we c'u qui caralij chi jumul quib chupam, sibalaj c'ax na ri' cäquiriko chuwäch ri nabe.

Ri Tit 1:3

Xuchomaj jun k'ij, xuk'alajisaj ri u tzij. Xya' ri tzij pa nu k'ab rumal ri u takanic ri ka Colonel Dios.

Colosenses 1:2

quintz'ibaj we wuj ri' chque ri cojonelab ri e c'o pa Colos, chque ri tastalic jicalaj tak kachalal pa ri Jesucrist. Are' ri Dios ka Tat cuban tok'ob chiwe xukuje' cuya' jamaril chixo'l.

Efesios 1:2

Tok'ob xukuje' jamaril chc'ol ta iwuc' rumal ri Dios ka Tat, xukuje' rumal ri Ajawaxel Jesucrist.

Gálatas 2:3

Mawi ri Tit ri c'o wuc', pune' are aj grieg, man xcoj ta c'u chuk'ab che chi cäkopix ri u tz'umal ri u wi' ri achi wi che retal.

2 Corintios 12:18

Xinbochi'j ri Tit chi cäbe iwuc', xintak c'u bic ri jun kachalal chic che rachil. ¿La xixusub lo ri Tit? ¿La ma ta kastzij chi kacabichal junam i to'ic ka banom ruc' c'ut ri kas junam uxlabal?

2 Corintios 8:16

Maltiox che ri Dios chi xuya' pa ranima' ri Tit ri junam oquem il ri c'o wuc' chiwe.

2 Corintios 8:6

Rumal ri' ka bochi'm ri Tit chi chutakej u mulixic ri cuchuj ri quiya' ri xuchaplej u mulixic nabe.

2 Corintios 7:6

Are' c'u ri Dios ri cucu'bisaj qui c'u'x ri sachinak qui c'u'x, xucu'bisaj ka c'u'x ruc' ri ropanem ri Tit.

2 Corintios 4:13

Xa' junam ri cojonic c'o pa ri kanima', jas ri cubij ri Tz'ibatalic: “Xincojonic, rumal c'u ri', xintzijonic.” Xukuje' ri uj cujcojonic, rumal ri' cujtzijonic.

Romanos 1:7

Quintz'ibaj c'u we wuj ri' chiwe iwonojel ri ix c'o pa Rom. Ri Dios quixulok'ok'ej, xixusiq'uij rech quixux tastalic tak winak. Ri Dios ka Tat xukuje' ri Ajawaxel Jesucrist chubana' tok'ob chiwe xukuje' chuya' jamaril chixo'l.

Ri Lucax 2:11

Camic xil u wäch chiwe pa ri u tinimit ri David jun Colonel. Ri are wa' ri CRIST, ri Ajawaxel.

Gálatas 3:26

Iwonojel c'ut ix ralc'ual ri Dios rumal ri cojonic che ri Crist Jesus.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

1 Timoteo 1:12

Quinmaltioxin che ri Crist Jesus ri Kajaw, ri xyo'w nu chuk'ab, rumal rech chi jic xinrilo, xinucoj c'u che pataninel re.

2 Timoteo 1:1

Ri in Pawl, u takom ri Crist Jesus rumal ri u rayibal ri Dios, jas ri u beya'l ri chi'm, ri u junaxic ib ruc' ri Crist Jesus,

2 Timoteo 4:10

Xinuya' c'u can ri Dems. Ri are' utz xeril na ri jastak re ri uwächulew, benak pa Tesalon. Ri Cresent benak pa Galas, xukuje' ri Tito pa Dalmas.

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.