Ri Soponiy 3:8 - Quiché Bible

⁸ Rumal ri', chiweyej ix ri k'ij aretak chinwalij che u bixic ri c'ax ri qui c'ulmaj na. In, ri Ajawaxel, quinjiquiba' u bixic: Xchomataj wumal qui mulixic ri nimak tak tinimit xukuje' tak ri ajawibal rech quinkasaj ri nicowelalaj woyowal paquiwi'. ¡Ronojel ri uwächulew cäsachisataj na u wäch rumal ri u k'ak'al ri nu c'anal!

Ri Soponiy 3:8 Referans Kwoze

Ri Joel 3:2

Quebenmulij na conojel tak ri nimak tak tinimit, queben c'am na bic chupam ri beya' re Josapat chila' c'ut quink'at wi na tzij paquiwi' che ri xquiban che ri nu tinimit Israel. Xequijabuj c'u ri aj israelib pa ronojel ri uwächulew, xquijach c'ut ri wulew chquiwäch.

Ri Soponiy 1:18

Pa ri k'ij re ri nimalaj royowal ri Ajawaxel, man cäto'tajisax ta na ri winak mawi rumal ri u sak puak mawi rumal ri u k'an puak, ri u k'ak'al c'ut ri royowal ri Ajawaxel cäjarisan na ronojel ri uwächulew. ¡Conojel ri winak ri e jekel cho ri uwächulew cäsachisataj na qui wäch xa' pa jun jok'otaj!

Ri Miquey 7:7

Are c'u ri in quineyem na che ri Ajawaxel; quincoj na ri weyebal c'uxaj chrij ri Dios ri nu Colonel, rumal rech chi ri are' quinutatabej na.

Salmib 27:14

¡Chacu'ba' a c'u'x chrij ri Ajawaxel! ¡Chacojo' a chuk'ab, muban quieb a c'u'x! ¡Je', chacu'ba' a c'u'x chrij ri Ajawaxel!

2 Pedro 3:10

Cäpe c'u na ri k'ij re ri Ajawaxel jas jun eläk'om. Pa ri k'ij ri', cäsach c'u na u wäch ri caj, cätataj c'u na ri jun nimalaj jininem. Ri jastak ri xebanbex re quenicow na, cäsach qui wäch. Ri uwächulew xukuje' ri chac ri e c'o chuwäch quechajirisax na.

Apocalipsis 16:14

E are wa' e cuxlabal itzel tak uxlabal. Xequiban etal, xebe cuc' ri ajawinelab re ronojel ri uwächulew, xequimulij che u banic ri ch'o'j re ri nimalaj u k'ij ri Dios ri c'o ronojel u cuinem.

Ri Matey 25:32

Quemulix c'u na conojel ri nimak tak tinimit chuwäch. Quebutas na ri niq'uiaj chquixo'l ri jule' chic, je jas ri ajyuk' quebutas ri chij chquixo'l ri q'uisic'.

Ri Habacuc 2:3

C'ä maja' c'u ne copan ri k'ijol ri chetz'akat we c'utwächinic ri'; ma ta c'u ne ma ta chetz'akatok. At chateyenok, pune' cabeytajic, copan c'u na ri k'ijol ri rajawaxic.

Ri Osey 12:6

Je ba' ri', Israel, chattzelej ruc' ri a Dios; are' chabana' ri jicomal xukuje' ri suq'uilal; chajiquiba' c'u a cux amak'el chrij ri a Dios.

Ri Isaiy 30:18

Are c'u ri Ajawaxel quixreyej, che u tok'obisaxic i wäch; ri are' sibalaj curayij cuc'ut ri u lok'ok'ebal c'u'x chiwe, are' c'u ri Ajawaxel are jun Dios aj suq'uil. ¡Utz quech conojel ri quebeyen che!

Bixonic Tak 8:6

“Chinac'ama' bic chinat'ika' bic puwi' ri awanima', ¡chinac'ama' bic chinat'ika' bic che ri u kul ri ak'ab! Ri lok'ok'ebal c'uxaj sibalaj c'o u chuk'ab jacha' ri cämical; ri ajwanic, man casubun taj jacha' ri quemuk wi ri cäminakib. ¡Ri k'ak' ri canicowic aj lok'ok'ebal c'uxaj are' jun k'ak' aj Dios!

E C'ambal tak Tzij 20:22

Mawi jubik' mabij chi caya' na rajil c'axelal; chajiquiba' a c'u'x chrij ri Ajawaxel, cuban c'u na chawe chi catch'äcanic.

Salmib 123:2

Ruc' bochi'nic cujkeb chuwäch ri Ajawaxel, ri ka Dios, jacha' ri cuban ri ala ri pataninel cäca'y che ri u k'ab ri rajaw achi, jacha' ri cuban ri ali pataninel cäca'y che ri u k'ab ri rajaw ixok, keye'm chi quel na u c'u'x chke.

Salmib 62:5

Xuwi ruc' ri Dios quinrik wi jamaril; ri cu'lbal nu c'u'x ruc' are' cäpe wi.

Salmib 62:1

Xuwi ruc' ri Dios quinrik wi jamaril; ruc' are' cäpe wi ri nu colotajic.

Salmib 37:34

Chicu'ba' a c'u'x chrij ri Ajawaxel, chatniman c'u che, cunimarisaj c'u na a k'ij, cuya' na ri ulew jacha' che awechbal. Cuc' ri a bak'wäch cawil na ri quesaxic bic ri e banal tak etzelal.

Salmib 37:7

Mel jun tzij pa chi' chuwäch ri Ajawaxel; chaweyej ruc' coch'onic c'ä catuto' na. Mäpe awoyowal che ri curik utzil pa ri u c'aslemal, xukuje' ri cuchomaj qui banic etzelal.

Salmib 12:5

Are wa' u bim ri Ajawaxel: “Chque ri mebayib xukuje' ri man c'o ta qui chuk'ab cäban pak'alenic chque xukuje' caban chque chi caquirik c'axc'olil. Rumal ri' camic quinwalijic camic, quebenya' c'u chque ri sibalaj qui rayim ulok.”

Apocalipsis 16:1

Xinta' jun cowilaj ch'abal ri xel ulok pa ri k'ijilabal, ri xubij chque ri wukub tako'nib aj caj: “Jix, chik'ija' puwi' ri uwächulew ri wukub lak re ri royowal ri Dios.”

Salmib 79:5

Oh Ajawaxel, ¿c'ä jampa' coc'ow ri oyowal la? ¿La xak cätajin wi cänicow ri oyowal la jacha' ri k'ak'?

Salmib 79:6

¡Jamij ri oyowal la paquiwi' ri ajawibal ri quequik'ijilaj diosib ri man queta'm ta wäch la, mawi cäya' k'ij la cumal!

Ri Isaiy 14:26

Are wa' ri nu chomam u banic pa ronojel ri uwächulew. Ri nu k'ab cucoj qui xib conojel ri nimak tak tinimit.”

Ri Jeremiy 10:25

Chkasaj ri oyowal la paquiwi' ri nimak tak tinimit ri man cacaj taj caquetamaj wäch la, paquiwi' tak ri tinimit ri man caquiya' ta k'ij la, quibik'om c'ut ri u tinimit ri Jacob, quiyojim ronojel, quetzelam c'u can ri ulew.

Ri Hajey 2:22

quinsachisaj na qui wäch ri qui cuinem tak ri ajawibal rech ri uwächulew quebenkasaj c'u na tak ri e qui tem re ajawibal; quebenpac'abala' tak c'u na ri e qui carwaj re ch'o'j xukuje' tak ri e benak chquipam, quecäm c'u na tak ri quiej xukuje' tak ri e quiejeninak chquij; chquijujunal quecäm na e k'ok'em rumal ri u ch'ich' re ch'o'j ri rachalal.

Ri Isaiy 34:2

Rumal rech chi ri Ajawaxel yactajinak royowal cuc' ri nimak tak tinimit xukuje' cuc' tak ri e cajch'ojab, u k'atom c'u tzij paquiwi' chi cäsachisax qui wäch, chi quecämisaxic.

Ri Isaiy 63:6

In nojinak che oyowal xebenxak'alej ri nimak tak tinimit, xinsach qui wäch ruc' c'anal xinbano chi xbin ri qui quiq'uel cho ri ulew.”