Ri Soponiy 3:5 - Quiché Bible

⁵ C'o c'ut ri Ajawaxel chupam ri tinimit; ri are' are cuban ri utz, man are ta ri lawaloyil. Ronojel ak'abibal cujekeba' u banic ri u suq'uilal. Are c'u ri itzel winak, mawi ne reta'm jas ri' ri q'uixbal.

Ri Soponiy 3:5 Referans Kwoze

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

Juyuwem 3:23

Ak'abibal chi ak'abibal quec'ac'aric; ¡Sibalaj nim ri u jiquil!

Salmib 145:17

Ri Ajawaxel suc' pa tak ri e u be, banal utzil pa tak ri cubano.

Ri Soponiy 3:15

Ri Ajawaxel u najtajisam chawe ri u c'äjisaxic a wäch e u najtajisam c'u bic ri qui banom qui c'ulel chawe. Ri Ajawaxel, ri Rajawinel ri Israel, c'o pa a niq'uiajil man c'o ta chi c'u etzelal caxe'j ta chi wi awib.

Ri Isaiy 28:19

Joropa' mul coc'owic quixucharchatej na bic. Cäpe na chwek cäbij pa k'ij xukuje' chak'ab. Xuwi ri u tatabexic u tzijol quixubirbobisaj na.

Ri Soponiy 3:17

Ri Ajawaxel ri a Dios c'o pa a niq'uiajil; ¡Ri are c'o ronojel u cuinem, catuto'tajisaj c'u na! Ri Ajawaxel caquicot na chawe. Rumal ri u lok'ok'ebal c'uxaj cuya' na c'ac' a c'aslemal; chupam ri u quicotemal cabixon na

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

U Camulixic ri Pixab 23:14

Cäbin c'u ri Ajawaxel ri i Dios xo'l tak ri kajebal ri ix c'o wi, che i chajixic xukuje' che u ya'ic ri ch'äcanic chiwe paquiwi' ri e i c'ulel; rumal ri' rajawaxic chi ch'ajch'oj ri c'olbal ri quixc'oji' wi, rech man c'o ta jun muluwibal c'uxaj curik ri Dios pa ri c'olbal ri ix c'o wi, we c'u man je quibano cutas na rib ri Ajawaxel chiwe.”

1 Pedro 1:17

We quibij Tat che ri Dios, ri cuk'at tzij paquiwi' conojel jas ri qui chac chquijujunal, man cuya' ta u k'ij jun winak chuwäch jun chic, chixe'j ba' iwib chuwäch ri are' ronojel k'ij re ri i c'aslemal cho ri uwächulew.

Romanos 3:26

chuk'alajisaxic ri u suq'uil pa tak we k'ij ri': rech kas suc' wi ri are', ri xukuje' cäk'alajisanic chi e suc' chuwäch ri quecojon che ri Jesus.

Ri Zacariy 2:5

Are' c'u ri Ajawaxel cajiquiban u bixic: In quinux na jacha' ta ne jun nimalaj tapia re k'ak' ri cusutij rij ri Jerusalen, pa u niq'uiajil c'ut ri tinimit quinc'ut wi na ri nu juluwem.’ ”

Salmib 37:6

Cuban na chi cäjuluw ri a colomal xukuje' ri a suq'uilal jacha' ri u juluwem ri k'ij pa ri niq'uiaj k'ij.

Ri Job 34:10

E are' c'u ri alak, winak ri utz ta cächoman alak, chintatabej alak. ¡Mawi machomaxic chi ri Dios, ri c'o ronojel u cuinem, chubana' ri lawaloyil o chuchacuj ta ri ma ta suq'uilal!

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

Romanos 2:5

Co c'u ri awanima', man caq'uex ta ri a c'u'x. Rumal ri', aretak cäpe ri royowal ri Dios paquiwi' ri winak, xukuje' cäpe na chawij at. Jewa' cäban na chawe aretak cäk'alajisax ri suc'alaj u k'atoj tzij ri Dios.

Ri Lucax 12:2

Ronojel ri ch'ukutalic, cäk'alajisax na. Ronojel ri c'utalic, quetamax na.

Ri Soponiy 2:1

Chimulij iwib, chirika' iwib ix, winak ri man c'o ta i q'uixbal,

Ri Habacuc 1:3

¿Jasche cäban la chwe chi quebenwil q'ui c'axc'olil xukuje' etzelal? Sutim wij rumal tokinic xukuje' sachisam wächaj; pa conojel c'olbal e c'o wi ch'o'j xukuje' tijoj chuk'ab.

Ri Miquey 7:9

In macuninak chuwäch ri Ajawaxel, rumal ri' quincoch' na ri royowal; c'ä cuk'at na tzij panuwi', cuban c'u na suq'uilal chwe. Ri Ajawaxel qui nu c'am na bic chwäch ri chäj, cuban na chwe chi quinwil ri ch'äcanic.

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

Ri Ezequiel 48:35

Ri nimalaj tapia quetan na chi ronojel quieb legua u rabic, are' c'u ri u bi' ri tinimit ri cätakex u bixic: ‘Ri Ajawaxel C'o Waral’.”

Ri Jeremiy 8:12

¡Cheq'uix ta ba' che qui banic ri jastak ri man quebencoch' taj! Man c'u je taj, man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, cäquichak'ij na quib quekaj c'u na jacha' ri jule' chic. In ri Ajawaxel, quinjiquiba' u bixic.’ ”

Ri Jeremiy 6:15

¡Cheq'uix ta ba' che qui banic ri jastak ri man queben coch' taj! Man je ta c'u ri' man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, caquichak'ij na quib quetzak c'u na e jacha' ri e jule' chic. In, ri Ajawaxel, quinbij.”

Ri Jeremiy 3:3

Rumal ri' e k'ilk'obinak tak ri jäb pa ri k'aläj xukuje' pa ri nabe tak ic'. Junam catpe ruc' jun ixok quech nim ch'utin; ¡chc'ol ba' a q'uixbal!

Ri Isaiy 50:4

Ri Ajawaxel u yo'm nu no'j rech quincu'bisaj qui c'u'x ri e cosinak cuc' tak tzij re chajin anima'aj. Conojel ak'abil cuban chwe chi quineyenic rech quintataben ruc' ch'uch'ujil.

Ri Isaiy 45:21

Chixch'awok, chitzijoj ri i banic, we quiwaj chixchomalan chixo'l: ¿Jachin xeyo'w ulok qui bixic we jastak ri' kas pa ri tictajic? ¿Jachin xesan ulok qui tzijol ojer? ¿La ma ta pu in, ri Ajawaxel? Man c'o ta Dios we ta ma ta xuwi ri in. Man c'o ta chi jun Dios we man xuwi ri in, ch'äcanel xukuje' ri colonel.

Ri Isaiy 33:2

Ajawaxel, chel c'u'x la chke, ri uj uj eyeninak che la. Chux la to'l kech conojel ak'abibal, lal ka colonel pa tak ri k'ijol re u q'ueyowal.

Ri Job 8:3

Ri Dios, ri c'o ronojel u cuinem, mawi jubik' cujech'obisaj ri suq'uilal mawi ri takalic.

Chapletajic 18:25

¡Mäban la ri' chi junam cäcämisaj la ri c'o u mac ruc' ri man c'o ta jubik' u mac, je ta ne ri e quieb e macuninak! ¡Mäban la we c'ax ri'! Lal ri lal nimalaj k'atal tzij puwi' ronojel ri uwächulew, ¿la ma ta c'u cäban na la ri suc'alaj k'atoj tzij?”

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Ri Job 7:18

¿Jasche cal wächij la k'ij chi k'ij, xak c'u cätajinic cac'ambejej la?

Salmib 92:15

Cäquesaj c'u na u tzijol chi ri Ajawaxel, ri to'l wech, are' suc' man c'o ta ri ma ta suq'uil ruc'.

Ri Ezequiel 18:25

Ri ix quibij chi man suq'uil taj ri cätajin quinbano; chatatabej c'ut tinimit aj Israel, ¿la quichomaj ix chi man utz taj ri cätajin quinbano? ¿La mat are ri ix, ri man utz taj ri cätajin quibano?

Ri Osey 14:9

E are' ba' ri ajno'jab xukuje' ri utz quenojinic chequich'ob we tijonic ri': Ri e u be ri Ajawaxel e colom, e are' tak c'ut ri e suc' quequitakej; e are' tak c'ut ri e banal tak etzelal chaquichak'ij quib puwi'.

Ri Soponiy 3:13

Ri queto'taj can che ri tinimit Israel man caquiban ta chi c'ut ri man suq'uilal taj, mawi quequibij chic banoj tak tzij, mawi quequinojisaj ta chic ri qui chi' chque tak jech'balil. Cuya' qui tzuktzubej iwib xukuje' quixuxlanic man c'o ta chi jun xe'n ib.”

Ri Osey 6:5

Rumal ri' e nu muchum cumal tak ri e k'axal nu tzij; cumal tak ri tzij ri e elinak ulok pa nu chi' e nu cämisam. Ri nu suq'uilal caq'uiy ulok jacha' ri sakilal.